སྟོན་མཇུག་གི་ལོ་སེར་པོ་ཡ་་་
ལྗང་མདོག་གི་བརྩེ་བས་སྐྱུར་བའི་སྟོན་མཇུག་གི་ལོ་མ་སེར་པོ་་་་་་
ཁྱོད་ལ་མཛེས་སྡུག་གི་བཞིན་རས་དང་དྲག་ཆར་རླུང་འཚུབ་ཀྱི་སྔར་སོང་ཞིག་ལོས་ཡོད།
འོན་ཏེ་ད་ཆ། སུ་ཞིག་གིས་ཁྱོད་ཀྱིས་དབྱར་གཞུང་ལ་སྦྱིན་པའི་སྔོ་ལྗང་གི་ལྷག་བསམ་དེ་ལ་སེམས་འཛིན་བྱེད།
སུ་ཡང་མེད། སུ་ཡང་མེད།
འོན་ཏེ་ཁྱོད་ད་དུང་ཡང་ལྷག་བསམ་ཆེན་པོས།
ནམ་མཇུག་གི་ས་གཞི་དེ་ལ་སེར་མདོག་གི་མཛེས་པས་བརྒྱན་པར་འདོད།
ཡིན་ནའང་། དབྱིག་འཛིན་བུ་མོའི་ངོ་ལ་ཁྱེད་ཀྱི་ལྷག་བསམ་དེ་ད་ཆ་དགོས་མེད་ཀྱི་གད་རྙིགས་ཤིག་ཏུ་རྩིས་ཀྱང་སྲིད།
་་་་་་
ལྗང་མདོག་གི་བརྩེ་བས་སྐྱུར་བའི་སྟོན་མཇུག་གི་ལོ་མ་སེར་པོ་་་་་་
ཁྱོད་ལ་མཛེས་སྡུག་གི་བཞིན་རས་དང་དྲག་ཆར་རླུང་འཚུབ་ཀྱི་སྔར་སོང་ཞིག་ལོས་ཡོད།
འོན་ཏེ་ད་ཆ། སུ་ཞིག་གིས་ཁྱོད་ཀྱིས་དབྱར་གཞུང་ལ་སྦྱིན་པའི་སྔོ་ལྗང་གི་ལྷག་བསམ་དེ་ལ་སེམས་འཛིན་བྱེད།
སུ་ཡང་མེད། སུ་ཡང་མེད།
འོན་ཏེ་ཁྱོད་ད་དུང་ཡང་ལྷག་བསམ་ཆེན་པོས།
ནམ་མཇུག་གི་ས་གཞི་དེ་ལ་སེར་མདོག་གི་མཛེས་པས་བརྒྱན་པར་འདོད།
ཡིན་ནའང་། དབྱིག་འཛིན་བུ་མོའི་ངོ་ལ་ཁྱེད་ཀྱི་ལྷག་བསམ་དེ་ད་ཆ་དགོས་མེད་ཀྱི་གད་རྙིགས་ཤིག་ཏུ་རྩིས་ཀྱང་སྲིད།
་་་་་་
རང་ཉིད་ཚད་མར་བཟུང་སྟེ་ཡོད་ཚད་བདེན་པར་རློམ་པའི་སོ་སྐྱེས་དེ་དག་གི་མདུན་དུ། ཁྱོད་ཀྱི་བསམ་ཚུལ་ནི་བསམ་ཚུལ་ཙམ་ལས་གཞན་ཅི་ཡང་མིན། ཁྱོད་ཀྱི་འབད་འབུངས་ནི་འབྲེལ་མེད་ཀྱི་བརྟུལ་ཞུགས་ཙམ་ལས་གཞན་ཅི་ཡང་མིན། ཁོ་ཚོའི་བསམ་ཚུལ་དེ་དག་ལུགས་དང་འགལ་ཡོད་ཀྱང་། དངོས་ཡོད་དང་མི་མཐུན་ཡང་མི་བརྩི་ཐབས་མེད་ཀྱི“བཀའ་ལུང”ལྟ་བུ་ཡིན་པས། ཅིས་ཀྱང་བརྩི་དགོས་པར་སྣང་།
གསེར་འོད་འཁྱིལ་བའི་སྟོན་ཟླ།
སྔོ་ལྗང་གཡུ་ཡི་འདབ་མའི་ལང་ཚོ་རྒུད།།
ཉི་འོད་བསིལ་ཟེར་འཇམ་པོ་གྲང་བས་གཏོར།།
འདབ་ཆག་གཤོག་རྩལ་ལྡེམ་ལྡེམ་གཡོ་བའི་དུས།།
གྲོག་མ་གཤོག་ཐོགས་རྣམས་ཀྱང་བྲེལ་ཞིང་འཚུབ།།
བསིལ་བསིལ་ལྡང་བའི་རླུང་བུའི་གོམ་སྟབས་མྱུར།།
འཇག་མ་སྐྱ་བོས་དབྱངས་ཀྱི་སྐུད་པར་འཐེན།།
ཡངས་པའི་ས་ཆེན་པིར་གྱིས་བྲིས་པ་བཞིན།།
མཛེས་སྡུག་དབྱར་ཟླ་གསུམ་ལ་གྱེས་ཕྱག་ཕུལ།།
ལོ་མ་སེར་པོ་ཆུ་བོའི་གཞུང་ལ་འབབ།།
ཆུ་བོ་དག་ནི་གསེར་འོད་ལམ་ལམ་བཞུར།།
འདབ་ལྡན་བུ་མོ་ཡང་བའི་མཁའ་ལམ་སྙེག།
དུས་ཚིགས་འདི་ཡི་གྱེས་བྲལ་སྙིང་ལ་ལྕི།།
གཞོན་པའི་ལང་ཚོ་ལོ་ཟླའི་ལྟེབ་ལ་ཉལ།།
རི་གླུ་སྙན་མོ་ཡངས་པའི་ཁྱོན་དུ་བཀྲམ།།
མེ་ཏོག་རྣ་རྒྱན་ཅན་གྱི་རྫི་བོ་ཚོས།།
རྩྭ་ཐང་བ་མོས་ཁེབ་པར་ཕངས་སེམས་འཆོར།།
ཨ་ཅེ་འབྲོག་མོའི་ལྷས་ར་གསར་པ་རུ།།
འཚེར་ས་སྤོར་ཏེ་དགོ་དགོ་ངག་ལ་གྱེར།།
འོ་ཞོ་མར་ལོ་སྤུང་བའི་གཡང་ཁྱིམ་དེར།།
ཕྱུགས་རིགས་འཕེལ་ཁ་དར་བ་ཀླུ་ལ་འགྲན།།
ཞིང་ཁ་ཆུ་མ་དགུ་ཡི་ནང་ཤེད་ན།།
གྲོ་ནས་སྲན་གསུམ་རྩེ་མོར་ལྡེམ་ལྡེམ་གཡོ།།
སོ་ནམ་ལས་སུ་གཉེར་བའི་ཞིང་པ་དག།
དུས་འདིར་འབྲུ་སྣ་བརྒྱ་ཡི་གཏེར་ཁ་རྡོལ།།
སྤྲིན་པ་དཀར་པོ་ཉི་ཟླའི་གདན་ལ་འཁོད།།
ཤིང་ལོ་འགའ་ཡང་བྱེའུ་ཆུང་མལ་དུ་བཏིང་།།
རྒྱ་ཕིབས་འོག་གི་གསེར་གྱི་གཡེར་དྲིལ་དག།
ལོ་ཟླའི་འགྱུར་བ་སྒྲོག་བཞིན་སིལ་སིལ་གཡོ།།
ས་འོག་ཕྱི་བས་དགུན་ཟས་འཚོལ་བ་དང་།།
རིམ་འཕར་སློབ་མས་སྐར་གྲངས་གསོག་པ་སོགས།།
དུས་འདིར་སྣོད་བཅུད་གཉིས་ཀས་བྱེད་རྩོལ་གྱིས།།
ང་རང་གཉིད་ལས་དཀྲོག་སྟེ་འདི་ལྟར་བྲིས།།
སྔོ་ལྗང་གཡུ་ཡི་འདབ་མའི་ལང་ཚོ་རྒུད།།
ཉི་འོད་བསིལ་ཟེར་འཇམ་པོ་གྲང་བས་གཏོར།།
འདབ་ཆག་གཤོག་རྩལ་ལྡེམ་ལྡེམ་གཡོ་བའི་དུས།།
གྲོག་མ་གཤོག་ཐོགས་རྣམས་ཀྱང་བྲེལ་ཞིང་འཚུབ།།
བསིལ་བསིལ་ལྡང་བའི་རླུང་བུའི་གོམ་སྟབས་མྱུར།།
འཇག་མ་སྐྱ་བོས་དབྱངས་ཀྱི་སྐུད་པར་འཐེན།།
ཡངས་པའི་ས་ཆེན་པིར་གྱིས་བྲིས་པ་བཞིན།།
མཛེས་སྡུག་དབྱར་ཟླ་གསུམ་ལ་གྱེས་ཕྱག་ཕུལ།།
ལོ་མ་སེར་པོ་ཆུ་བོའི་གཞུང་ལ་འབབ།།
ཆུ་བོ་དག་ནི་གསེར་འོད་ལམ་ལམ་བཞུར།།
འདབ་ལྡན་བུ་མོ་ཡང་བའི་མཁའ་ལམ་སྙེག།
དུས་ཚིགས་འདི་ཡི་གྱེས་བྲལ་སྙིང་ལ་ལྕི།།
གཞོན་པའི་ལང་ཚོ་ལོ་ཟླའི་ལྟེབ་ལ་ཉལ།།
རི་གླུ་སྙན་མོ་ཡངས་པའི་ཁྱོན་དུ་བཀྲམ།།
མེ་ཏོག་རྣ་རྒྱན་ཅན་གྱི་རྫི་བོ་ཚོས།།
རྩྭ་ཐང་བ་མོས་ཁེབ་པར་ཕངས་སེམས་འཆོར།།
ཨ་ཅེ་འབྲོག་མོའི་ལྷས་ར་གསར་པ་རུ།།
འཚེར་ས་སྤོར་ཏེ་དགོ་དགོ་ངག་ལ་གྱེར།།
འོ་ཞོ་མར་ལོ་སྤུང་བའི་གཡང་ཁྱིམ་དེར།།
ཕྱུགས་རིགས་འཕེལ་ཁ་དར་བ་ཀླུ་ལ་འགྲན།།
ཞིང་ཁ་ཆུ་མ་དགུ་ཡི་ནང་ཤེད་ན།།
གྲོ་ནས་སྲན་གསུམ་རྩེ་མོར་ལྡེམ་ལྡེམ་གཡོ།།
སོ་ནམ་ལས་སུ་གཉེར་བའི་ཞིང་པ་དག།
དུས་འདིར་འབྲུ་སྣ་བརྒྱ་ཡི་གཏེར་ཁ་རྡོལ།།
སྤྲིན་པ་དཀར་པོ་ཉི་ཟླའི་གདན་ལ་འཁོད།།
ཤིང་ལོ་འགའ་ཡང་བྱེའུ་ཆུང་མལ་དུ་བཏིང་།།
རྒྱ་ཕིབས་འོག་གི་གསེར་གྱི་གཡེར་དྲིལ་དག།
ལོ་ཟླའི་འགྱུར་བ་སྒྲོག་བཞིན་སིལ་སིལ་གཡོ།།
ས་འོག་ཕྱི་བས་དགུན་ཟས་འཚོལ་བ་དང་།།
རིམ་འཕར་སློབ་མས་སྐར་གྲངས་གསོག་པ་སོགས།།
དུས་འདིར་སྣོད་བཅུད་གཉིས་ཀས་བྱེད་རྩོལ་གྱིས།།
ང་རང་གཉིད་ལས་དཀྲོག་སྟེ་འདི་ལྟར་བྲིས།།
✋热门推荐