《馬嘉均小夢想音樂會》終於順利完成，好多謝每一位支持我嘅朋友。呢個音樂會，由乜都冇，已經有一啲朋友支持我，好多謝大家，特別多謝呢一班由乜都冇就支持我開音樂會嘅你哋。去到初段，好幾次因為資金同埋場地問題，幾乎要放棄，好多次質疑自己，同埋香港嘅環境。好在身邊有好多人支持我，特別係有一次，我真係好氣餒嘅時候，紅煮意餐廳嘅輝哥，佢好用心咁同我講，你要相信自己，相信自己做緊嘅事係有意義，我當時眼淚已經喺眼眶嗰度，我真係好想做自己想做嘅事。之後我就繼續諗辦法。雖然音樂會去到最後，同我一開始諗得好完美嘅，唔係一樣，去到音樂會當日，兩點幾仲要落大雨，原本已經set up好嘅室外場地，要臨時改喺室內進行，我哋一班工作人員包括樂隊，全部都淋濕晒，但係冇一個人有怨言，淨係想做好件事。喺雨中搬返啲器材入室內，重新set up。好慶幸我哋最後都可以喺音樂會開始之前，可以set up好，而更加令我諗唔到嘅係，觀眾都好熱情，令我更集中，盡力做好一個音樂會去回報大家。呢個音樂會真係要有好多人嘅幫手同埋支持，先至做得成，好多謝你哋成就我嘅夢想，完成咗呢個夢想，我更加清楚，有夢想一定要做出嚟，只要你一開始做，你就已經踏上一條走向成功嘅路，對我嚟講已經係成功咗。今次講住咁多先，之後繼續分享，繼續多謝大家❤️❤️❤️

約埋班Friend去旅行｜周嘉洛佈陣預先清邁埋伏 陳瀅JW朱仔泰國遊嚇到彈起

新節目《約埋班Friend去旅行》聽晚首播，節目集合星級老友組成「死黨團」周圍玩，好似「痞子兄弟姊妹」 周嘉洛 陳瀅 王灝兒 出走 泰國清邁；「反黑團友」 張振朗 賴慰玲 就玩轉澳洲悉尼， 朱敏瀚 仲正式食勻兩家茶禮，兩趟行程都有份玩，認真開心。

佢哋今次唔止再為大家發掘最新、最驚喜、最開心嘅旅遊景點，仲要接受一連串友情考驗，共同創造難忘回憶。 聽晚率先播出嘅「痞子兄弟姊妹」篇，出發前收到噩耗，被告知嘉洛因為拍劇而未能隨團出發，搞到佢哋震驚又錯愕； 不過事實上嘉洛一早已經出發到清邁準備為好友送上驚喜。

嘉洛潛伏喺酒店戴住假髮化身Bellboy迎接陳瀅、JW同朱仔；不過佢哋就因為掛住參觀酒店，竟前後三次認唔出老友，搞到嘉洛最終忍唔住彈出來嚇佢哋，場面搞笑。佢哋又重提當日向公 為嘉洛求情一齊出遊嘅情況，仲爆出嘉洛忍唔住流下男兒淚，嘉洛亦笑言：「從未試過演個角色演得咁好， 我一幻想到唔可以一齊睇日出，我真係喊咗出嚟！」

而佢哋首個行程就去到著名打卡熱點 Tha Phae Gate 同大群白鴿合照，不過細膽嘅JW就嚇到腳震。之後一行人轉往Café歎咖啡，JW仲自爆有開設Café嘅夢想，而陳瀅就話：「我就好想擁有自己嘅酒莊。」

之後佢哋到知名嘅周六夜市閒逛，仲喺街邊體驗蘭納傳統按摩；然後又挑戰食蟲蟲，搞到陳瀅同JW嚇到花容失色，擺入口時仲面容扭曲，JW更不停跺腳定驚，至於兩位男士就照食無誤，仲加碼添食！

後晚一集佢哋就扮靚靚到一間英國特務主題餐廳食好西，幾杯落肚之後仲互相爆料，陳瀅話：「拍《痞子》時嘉洛完全唔飲得，經過咗我同JW兩年嘅Training之後酒量先好咗。」嘉洛聞言反駁：「阿瀅係最飲得，朱敏瀚就天生好飲得但冇Train，JW好唔飲得，但最大聲就係佢，試過左手撳住人哋膊頭，右手揸住酒杯隊畀人飲！」JW仲隨即現場示範，非常搞笑。

之後佢哋出發做 SPA，兩位男士又自告奮勇做「除衫擔當」，又即場喪做掌上壓谷肌。嘉洛冋朱仔按摩期間，陳瀅同JW仲偷偷入房大整蠱。陳瀅同JW仲非常識嘆，大歎豪華四手按摩。

《約埋班Friend去旅行》18號起 逢星期一至三晚 22:30 翡翠台

明报：郑嘉颖自嘲抵死兼戆居 亲揭《披荆3》首圈被淘汰原因

郑嘉颖今天（16日）出席旺角新店开幕活动，见他消瘦不少，他说：“一直Keep住个状态，保持65公斤以下，因本身血压高，食得清淡啲，就算喺屋企食饭，食物都用茶嚟过一过冇咁咸，係几有效。”

嘉颖早前在内地录《披荆斩荆3》时，被发现入院做雾化和吊盐水，太太陈凯琳已解释因他的声带问题入院接受治疗，嘉颖表示声带已痊癒，还被儿子投诉太嘈。

嘉颖直言自己把声不争气，由歌手转做演员后，已没有练歌，所以抵死，他说：“恃住自己歌手出身，登台唔使特别练，但参加综艺节目发觉唔掂，要练歌，日日练5、6个钟，冇理过声带感受，连老婆劝阻都唔听，最终搞到声带发炎同失声，冇办法要去医院打类固醇，再睇5、6次中医，都係冇帮助，医生指唯一方法就係休息。”

嘉颖认为今次是教训，深明以后做任何事都要循序渐进，不可以临急抱佛脚，自觉很失策，他说：“台上一分钟，台下十年功，係真嘅，一定要平时准备好，经过呢次教训，我就日日练歌，唔理几时有得再唱。”

他称入院并没有吓亲老婆，因不是什麽大问题，只是失声，但他就因而一度情绪低落，他说：“咁辛苦去练，不但徒劳无功，仲差咗，咁咪好戆居囉！”他坦言节目首轮已被淘汰有点遗憾，但做了戆居的事也要承受结果。

嘉颖表示儿子暑假完结已上学，他亦着手去洽谈适合工作，他说：“其实我都有啲想拍戏，因为我真係锺意演戏，都好想遇到适合角色。如再有歌唱比赛，就等我准备好先，比赛压力又唔同，唔可以轻视，之前我就係衰轻视，家会好认真练歌，等把刀磨利先，有需要时就用得着。”