࿐ཉག་བླ་གཏེར་ཆེན་༧རང་རིག་རྡོ་རྗེའམ་༧རིག་འཛིན་སྐུ་གསུམ་གླིང་པའི་འདའ་ཁའི་ཞལ་ཆེམས།
གནས་སྣང་ཆོས་ཀྱི་འཁོར་ལོ་ཇི་སྙེད་གང་། །
ཕྱི་གསལ་སྐུ་དང་ཡེ་ཤེས་རོལ་མོའི་རྒྱན།།
ནང་དབྱིངས་གཏིང་གསལ་གཞོན་ནུ་བུམ་སྐུའི་སྦུབས། །
ཀ་དག་དང་པོའི་གཞི་ཐོག་གྲོལ་བར་ཤོག །
ཞལ་ཆེམས་རྡོ་རྗེའི་མཆན་བུ་ནི། འཇམ་དཔལ་དབྱངས་ལ་གུས་པས་འདུད།།
ཇི་ལྟར་གན༵ས་པ་ཆོས་ཉིད་བསམ་གྱིས་མི་ཁྱབ་པའི་དོན་དང་། ཇི་སྙེད་པ་སྣ༵ང་བའི་འཁོར་འདས་ཀྱི་ཆོ༵ས་ཅི་མཆིས་ཀྱི༵་འཁོ༵ར་ལོ༵་ཇི༵་སྙེ༵ད་པ་ག༵ང་རྣམས་ཡེ་ནས་ཕྱི༵་གས༵ལ་སྐུ༵་མི་ཟད་པ་དང༵་། གསུང་མི་ཟད་པ་དང་། ཐུགས་ཡེ༵་ཤེས༵་མི་ཟད་པ་རོ༵ལ་མོ༵འི་རྒྱ༵ན་དུ་བཀོད་པ་དེ་དག་ནང༵་དབྱི༵ངས་གཏི༵ང་གས༵ལ་གཞོ༵ན་ནུ༵་བུམ༵་པ་སྐུའི༵་སྦུབ༵ས་སུ། ས་ལམ་རིམ་བགྲོད་ལ་མ་ལྟོས་པར་ངོ་བོ་ཀ༵་ནས་དག༵་པའི་དང༵་པོ༵འི་གཞི༵་ཐོག༵་ཏུ་འབད་རྩོལ་མེད་པར་གྲོལ༵་བ༵ར་ཤོག༵་ཅིག
ཅེས་གསུངས་སོ། ། རིག་འཛིན་བླ་མའི་༧སྐུ་གསུམ་གླིང་པ་ཞལ་ཆེམས་འདི། ། དོན་ཟབ་རྡོ་རྗེའི་ཚིག་ཡིན་པས། ། བདག་འཇམ་དབྱངས་༧མི་ཕམ་རྣམ་རྒྱལ་རྒྱ་མཚོ་འདྲིའི་སྤྱོད་ཡུལ་ལས་འདས་ཀྱང་། མཆན་བུ་ཅུང་ཟད་བཀོད་པ་དགེ།།

࿐ད་ནི་དཔལ་དུས་ཀྱི་འཁོར་ལོ་རིགས་ལྡན་གསེར་སྡོང་ཆེན་མོའི་ཕྱོགས་བཞིའི་བང་རིམ་ངོས་ཀྱི་ཟངས་དམར་ལས་གྲུབ་པའི་དུས་འཁོར་གྱི་རྩ་སྔགས་དག་ཚར་མང་པོ་ཡོངས་སུ་གྲུབ་པ་མ་ཟད་བཟོ་རྩལ་ཀྱང་ཧ་ཅང་ཡག་པོ་འདུག ཡིག་གཟུགས་འདི་ནི་ཡོངས་ཀྱི་དགེ་བའི་བཤེས་གཉེན་ཆེན་མོའམ་དགེ་རྒན་བཀའ་དྲིན་ཅན་དོན་གྱིས་སླད་དུ་མཚན་ནས་སྨྲས་ན་༧ རྗེ་འཇིགས་མེད་དཔལ་ལྡན་རྒྱ་མཚོ་མཆོག་གི་མཆོད་དཔོན། དུས་འཁོར་བ་ཨ་ཁུ་འཕྲིན་ལས་མཆོག་གི་ཕྱག་བྲིས་ནང་བཞིན་བཟོས་པ་ལས་རང་སེམས་ན་འགྲིག་མིན་གྱི་དོགས་པ་གང་ཡང་མ་མཆིས་སོ།

དགེ་རྒན་བཀའ་དྲིན་ཅན་ཁོང་གི་ཐུགས་བསྐྱེད་དང་སྨོན་ལམ་ལས། ཐུགས་རྟེན་འདིའི་ཕྱི་ནང་གསང་གསུམ་གྱི་བཀོད་པ་མཐའ་དག་ཡོངས་སུ་འགྲུབ་ལ་ཉེ་བས། བསྟན་སྲུང་ཡེ་ཤེས་ཀྱི་སྤྱན་ལྡན་རྣམས་ཀྱིས་གཟུགས་ཅན་ཀྱི་དགྲ་དང་གཟུགས་མེད་ཀྱི་དགེགས་རིགས་ཅི་མཆིས་པ་ཐམས་ཅད། ད་ལྟ་ཉིད་དུ་ཐལ་བའི་རྡུལ་ཕྲན་བཞིན་དུ་རློགས་པའི་འཕྲིན་ལས་དང་སྡོངས་གྲོགས་ཚུལ་བཞིན་དུ་མཛད་དུ་གསོལ།

࿐ རོང་ཟོམ་མ་ཧཱ་པཎ་ཆེན།
རྩ་འཁོར་ཤེས་རབ་སྣང་བས་བརྒྱངས།།
ལྟ་བའི་འོད་ནས་རྟོགས་པ་སད།།
ལོ་རྙིང་མཐུག་པོའི་རུམ་ཕུགས་ནས།།
གླེགས་བམ་བྲིས་ཤིང་གྲུབ་རྟགས་བཞག།
རྗེས་སུ་དྲན་ན་དེ་ག་ལས།།
འཕྲི་སྣོན་ཟུར་ནས་མི་དགོས་ཁ།།

________ ཁྲི་ལྗང་མྱུག