洪天明全家出動親子活動騎牛牛 「奸細」月底再回港為太太賀40歲生日

洪天明 呢日帶埋太太 周家蔚 仲有10歲嘅 大仁 同 8歲嘅 竟琋 一對囝囝，齊齊現身一個親子活動，仲挑戰騎牛牛鬥快行5米嘅比賽。「奸細」天明仲一孭二示範，點知兩個寶貝就開心到唔肯落地，搞到全場都笑爆嘴呀。

天明仲話不知幾想同阿爸 洪金寶 騎牛牛親子一下，仲大膽笑大哥大唔好責住自己就得咁話喎。老公返港最開心就梗係Janet喇，佢仲爆天明日日搶住送寶貝仔返學呀。

呢對父母又話一對小朋友性格各有不同，細佬竟琋仲非常識保護媽咪，連著條裙短啲都唔鍾意呀。好快又會返內地工作嘅天明，就話今年一定會留港為太太慶祝40歲生日同結婚周年，仲預先透露會有特別嘉賓一齊慶祝呀。

晴報娛樂 | 愛回家丨趙虎賤招搞到Elaine分手等報應 黃榮燊樂做衰人：希望Andy報仇

《#爱回家之开心速递# 》播出6年以來，角色多到數之不盡，其中接龍保安部更是人強馬壯，最遲加入的趙虎（黃榮燊飾）大約今年1月正式跟觀眾見面，昨晚一集他竟然出賤招搞破壞，導致Elaine（李芷晴飾）和Andy（崔錦棠飾）分手，今次亦是趙虎角色較重戲份的一次，成為觀眾討論的熱點之一。

趙虎跟張龍相隔700集才正式合體，起初觀眾對趙虎都比較陌生，事關大多數戲份都是一大班接龍保安的訓練或者群戲，今次揭發原來趙虎係奸嘅，為追求Elaine不擇手段。飾演趙虎的黃榮燊加入TVB已經十年時間，今次應付突如其來的重戲份安排，處理得恰到好處。

黃榮燊接受《晴報》電話訪問，他表示：「冇錯，今次呢集《愛回家》係比較多戲份嘅一集，好開心有呢個機會。」他坦言由於《愛回家》大受歡迎，所以飾演「趙虎」之後，出街都有少少途人認出自己，問到會否安排他跟Andy一齊再爭Elaine？他說：「呢個要等公司、監製同編劇們安排，希望有啦，因為今集尾聲佢已經好唔鍾意我，認定我係拆散佢哋呢段感情，仲話要搵我報仇，希望係真，繼續有故事篇幅可以發展落去！」

提到趙虎曾經向Fanny（張盈悅飾）示過愛，今次又追求Elaine，到底是否花心的壞男人？黃榮燊笑言：「咁啱呢兩次都係類似壞男人角色，冇刻意，只係跟劇本去演好，不過上次其實係Fanny幻想出嚟，只能夠算係佢腦海入面一個壞男孩！唔知監製有冇刻意塑造壞男孩或者搞屎棍嘅形象畀趙虎，如果有，我係絕對唔抗拒，我都想嘗試吓，始終保安團隊個個都正氣稟然、高大威猛，有一個反差都幾好睇。」

TVB劇《愛‧回家之開心速遞》有很多8月之星，繼前日（8月16日）剛剛生日的「送水輝」許家傑連環慶生後，「Bonnie」林凱恩（Iris）亦於昨日（8月17日）生日，壽星女於IG分享靚相並獲大家送上祝福。

林凱恩跟TOPick分享生日願望，又感謝Fans對她的支持，大讚她們之前以其名義捐堤予流浪狗協會，甚具意義。

剛剛31歲生日，林凱恩表示：「我今年慶祝的方法都係同屋企人同錫我嘅朋友過，食餐飯簡簡單單就夠喇。」

談到今年的生日願望，她希望：「拍多啲好嘅作品，令更加多人可以感受到我嘅正能量，令到大家都可以更加珍惜每一日。」

問到最難忘的生日禮物是甚麼？林凱恩說：「其中一份係Fans送畀我嘅，佢哋用我嘅名義捐錢畀流浪狗協會。」

她續道：「佢哋知道我好鍾意寵物同狗仔，所以佢哋就覺得可以做啲有意義嘅事，捐款畀佢哋，希望用少少嘅力量去幫助到更多需要幫助嘅狗仔，將呢個祝福受惠更多動物，令別人知道同關心呢方面。」

林凱恩分享近況：「最近主要忙於綜藝工作，《開心速遞》亦有，等緊更多唔同嘅機會再拍多啲劇，有更多唔同嘅角色畀大家見到。」

林凱恩於IG分享慶生照片，並謂：

讓每天都過得像生日一般快樂
還有很長的路要一起探索，要令未來變得更有意義(｡･ω･｡)ﾉ
謝謝每位的祝福，你們的愛把我的正能量充得滿滿的✨♥️

#happybirthdaytome
#817星球 #快樂無窮
#longjourney