མི་ཚེའི་བདེ་སྐྱིད།

࿐ཁྱུང་མོ།

ངལ་དུབ་མང་པོས་འཁོར་བའི་བྱེ་ཐང་བརྒྱུད།།
རྨི་ལམ་ཀློང་དུ་རྟོག་ཚོགས་འཁྲུལ་བས་ན།།
གཞིས་ཁྱིམ་ཁྲ་མོ་ཚད་གྲུབ་ཉིད་དུ་འཛིན།།
འདོད་པའི་བདེ་བ་འཚོལ་བའི་ངལ་བ་བསྟེན།།

ཟོག་ཟོག་བཅོས་མའི་པགས་པའི་གཉེར་རིས་ནས།།
ཞེན་ཆགས་སྲེད་མིག་མཐུག་པའི་སྤྲིན་བརྩེགས་འོག།
རང་གཤིས་བག་ཡངས་རྒྱུ་བའི་རྒྱ་ཡན་དབེན།།
སྙིང་པོའི་བདེ་སྐྱིད་གང་ཞེས་ཀུན་གྱིས་འཚོལ།།

སྐྱམ་ཐག་ཆད་པའི་བྱང་གི་རི་གྲོང་ནས།།
ཉི་མའི་འོད་ལ་རེ་བའི་གཤོག་ཡ་ཅན།།
ཚོར་བའི་མེ་ལོང་བཤམས་ནས་བདེ་སྐྱིད་འཚོལ། །
གཏན་དུ་བདེ་བའི་ལམ་ལ་རྒྱང་ཐག་རིང་།།

ཉམས་དགའི་དཔེ་མང་སྤུངས་པའི་རང་ཤག་གིས།།
འཇིག་རྟེན་ལྟད་མོ་མཐོང་བའི་མིག་རྒྱང་དང་།།
རང་དབང་ལྷིང་འཇགས་གནང་བའི་དྲོད་ཁོལ་འདི།།
འཇིག་རྟེན་འདི་ཡི་བདེ་སྐྱིད་དངོས་མ་ལགས།།[鲜花]

࿐་ཨཱ་སྐུ་གསུམ་ངོ་བོ་མཚོ་རྒྱལ་མ་འབུམ་ཕྲག་མཁའ་འགྲོ་དུ་མར་བཅས་རང་སྣང་མཁའ་སྤྱོད་ཞིང་ནས་བྱོན་དགའ་བའི་དམ་ཚིག་ཀློང་དུ་བཞུགས་མཆོག་དགའ་དད་པས་མཇལ་ཕྱག་འཚལ་རབ་དུ་དགའ་བའི་མཆོད་པ་འབུལ་ལྷན་སྐྱེས་དགའ་བྲལ་ངང་ནས་བསྟོད་ཨཱ་དབང་བཞིས་སྨོན་ནས་སྐུ་བཞི་ཉིད་གྲུབ་པའི་ཡེ་ཤེས་རྩལ་ཆེན་སྤོར་།།[鲜花][鲜花][鲜花]

࿐བློ་ཆོས་སུ་འགྲོ་བ་ལ་ངེས་འབྱུང་དགོས། ཆོས་ཐེག་པ་ཆེན་པོའི་ལམ་དུ་འགྲོ་བ་ལ་བྱང་ཆུབ་ཀྱི་སེམས་དགོས། སྒྲིབ་པ་གཉིས་ཡོངས་སུ་རྫོགས་པ་སྤང་བར་བྱེད་པ་ལ་ཡང་དག་པའི་ལྟ་བ་དགོས་སོ།།