མི་གཤིས་ལས་ཆེས་སྐྱུག་བྲོ་བ་ནི།
དབང་དང་སྟོབས་མེད་པའི་མིའི་ཐོག་ནས་སྐྱོན་ཆ་འཚོལ་བ་དང་།
སྤྱོད་པ་ཇི་ལྟར་ཐ་ཤལ་ཡིན་ཡང་།
དབང་དང་སྟོབས་ཡོད་པའི་མིའི་ཐོག་ནས་བཟང་ཆ་འཚོལ་བ་དེ་རེད།

—མོ་ཡན་གྱིས།

དེ་རིང་མ་བསམ་ས་ཞིག་ནས་སྔོན་ལོ་ངོ་ཉི་ཤུ་ལྷག་གི་ཡར་སྔོན་དུ་ང་རང་འབྲོག་ཕྲུག་རྣལ་མ་ཞིག་ཡིན་སྐབས་ཀྱི་འཚོ་བ་དེ་སླར་ཡང་དྲན་གསོ་བྱེད་བྱུང་བས།

སླར་ཡང་ང་རང་ནི་བོད་མི་དག་མ་ཞིག་ཡིན་པ་དང་ངའི་ཚེ་སྲོག་གི་བརྒྱུད་རིམ་ལ་བརྗེད་མི་ཉན་པའི་འགན་ཁྲི་ཞིག་ཡོད་པའང་དྲན་བྱུང་། ལྷག་པར་དུ་དེ་རིང་གི་སེམས་འཚོར་ནི་ཧ་ཅང་དགའ་སྣང་དང་ལྡན་པ་ཞིག་དང་ཕེབས་ཟིན་པའི་ཁྱིམ་མི་རྒན་པ་དག་ཀྱང་དྲན་དགོས་བྱུང་།

ཁྱིམ་ཚང་དེ་ལས་ཅུང་ཙམ་འགྲོ་ན་མི་འདོད་པ་ཞིག་ཀྱང་བྱུང་། གལ་ཏེ་བྲེལ་བ་དེ་ཙམ་མེད་ན་ང་ཁོང་ཚང་ནས་ཉིན་འགའ་ལ་འདུག་འདོད་ཞིག་ཀྱང་བྱུང་།

༼ དམིགས་གསལ་བ་དུ་བརྗོད་འདོད་པ་ནི་ངས་ཐབ་འདི་དང་འདི་ལྟ་བུའི་འཚོ་བ་རོལ་སྟངས་དེ་མཐོང་མ་ཐག་བདག་ལ་བཀའ་དྲིན་ལྷག་ཏུ་ཆེ་བའི་ཨ་ཕྱི་ཁོང་ལྷག་ཏུ་དྲན་བྱུང་ལ་ཁོང་གིས་ང་ཚོ་ཁྱིམ་མི་ཚོ་ལ་འདི་ལྟ་བུའི་ཐབ་ཐོག་ནས་སྦྱིན་པའི་ལག་ཟས་དག་ལྷག་ཏུ་དྲན་བྱུང་།༽

ཐེག་གསུམ་ཆོས་སྒྲ་ལྡིར་བའི་རིགས་གྲྭ་ན།།
བདེན་དོན་གནས་ལུགས་དཔྱོད་པའི་རིགས་ལམ་པས།།
སྒྲུབ་དང་སུན་འབྱིན་རྣོན་པོའི་བརྒལ་བརྟག་བཅས།།
རྒྱལ་བསྟན་འཛིན་སྐྱོང་སྤེལ་བའི་རྣམ་ཐར་ཡོད།།