བོང་བུ་ཕྱུགས་ལ་མེ་ཏོག་ཕྲེང་བས་ཅི། །
དུད་འགྲོ་ཕག་ལ་ཁ་ཟས་ཞིམ་པོས་ཅི། །
ལོང་ལ་སྣང་དང་འོན་པ་དག་ལ་གླུ། །
གླེན་པ་རྣམས་ལ་ཆོས་ཀྱིས་ཅི་ཞིག་བྱ། །
འཕགས་པ་ཀླུ་སྒྲུབ་ཀྱིས།

——-འཛམ་གླིང་མཛེས་པར་བྱེད་པའི་སྟོན་པ་མཆོག་དང་པཎ་གྲུབ་བཅུ་བདུན།
ཨ་རིག་དགེ་བཤེས་ཆེན་མོ་མཆོག་གིས། “འདི་དག་ལ་འཛམ་གླིང་གི་རྒྱན་ཡིན་གསུངས་པ་འདི་འདྲ་ལ་གོ་རྒྱུ་ཆེན་པོ་ཞིག་ཡོད། མཁས་པས་དཔྱད་ན་གསེར་གྱི་འཁོར་ལོས་བསྒྱུར་བ་སོགས་ཀྱང་འཛམ་གླིང་གི་རྒྱན་མིན། དེ་བཞིན་དུ་གོ་ས་མཐོ་བ་ནོར་ལོངས་སྤྱོད་ཆེ་བ་ཐམས་ཅད་ལའང་འཛམ་གླིང་གི་རྒྱན་མི་ཟེར། འོ་ན་གང་ལ་ཟེར་ན་ཕྱོགས་གླང་ཆོས་གྲགས་སོགས་ལ་ཟེར། ཁོང་རྣམ་པ་ཚོ་ཡོན་ཏན་ཆེ་བ་མ་གཏོགས་ཐུན་མོང་སྣང་ཚོད་ལ། དགེ་སློང་རྒན་པོ་ཆོས་གོས་ཧྲུལ་བོ་གྱོན་པ་རི་སུལ་དང་ཤིང་དྲུང་རེ་ན་སྔོ་ཧྲེང་ངེ་ཡོད་པ་དེ་འདྲ་ཞིག་ཡིན་མོད། དེ་ཚོ་ལ་འཛམ་གླིང་གི་རྒྱན་ཡིན་གསུངས་པ་འདིས། དགོན་པ་དང་གྲྭ་ས་གྲྭ་ཚང་གི་རྒྱན། བསྟན་པའི་རྒྱན་ཟེར་བ་ཡང་གོ་དགོས་གསུངས།” <གསུང་དུམ་བུ་འདི་ཨ་རིག་དགེ་བཤེས་ཆེན་མོས་དྲང་ངེས་ཁྲིད་སྐབས་ཀྱི་གསུང་ཤིང་བཟའ་པཎྜི་ཏས་ཟིན་བྲིས་བཏབ་པ་ཡོངས་གྲགས་སུ་ཤིང་བཟའ་དྲང་ངེས་ཞེས་པ་ལས་ཁོལ་དུ་ཕྱུང་བ་ཡིན། > དེས་ན་ནཱ་ལེནྡྲའི་པཎ་གྲུབ་བཅུ་བདུན་པོ་འཛམ་གླིང་མཛེས་པར་བྱེད་མཁན་གྱི་གསལ་བྱེད་ཀྱི་རྒྱན་དུ་གྱུར་སྟངས་ནི། དཔལ་འབྱོར་མངའ་ཐང་གིས་འཁོར་འབངས་མང་དུ་བསྡུ་བ་དང་དཔུང་དང་སྟོབས་ཀྱིས་ས་ཆེན་དབང་དུ་བསྒྱུར་བ་སོགས་ཅི་ཡང་བྱས་པ་མིན་པར་བས་མཐའི་ཤིང་དྲུང་དང་བྲག་ཕུག་སྟོང་བ་རེར་བཞུགས་ཤིང་བླ་ན་མེད་པའི་བྱང་ཆུབ་གྱི་ལམ་པོ་ཆེ་བཙལ་ཏེ། ལྟ་བ་རྟེན་ཅིང་འབྲེལ་འབྱུང་དང་སྤྱོད་པ་འཚེ་མེད་པ། སྒོམ་པ་དཔྱད་འཇོག་ཟུང་འབྲེལ་གསུམ་གྱིས་གཞི་རྩ་བྱས་པའི་ནང་བསྟན་རིག་པའི་གཞི་བདེན་པ་གཉིས་རིགས་པས་གཏན་ལ་ཕབ་ཅིང་། འབྲས་བུ་སྐུ་གཉིས་ཟུང་འཇུག་ཐོབ་པའི་རྒྱུ་ཐབས་ཤེས་ཟུང་འབྲེལ་གྱི་ལམ་ཐུགས་ཉམས་སུ་བསྟར་ནས། ནང་ཐུགས་ཀྱི་ཟབ་ས་རུ་བླ་ན་མཐོ་བའི་ཤེས་རབ་དང་ཀུན་སྙོམ་བརྩེ་བ་ཆེན་པོའི་འོད་སྣང་གིས་དཀར་འཇམ་ཡུག་གཅིག་ཏུ་ཁྱབ་པར་མཛད་པས་ཁོང་རྣམ་པ་གཟོད་ས་སྒང་གོ་ལ་ཆེན་པོ་འདིའི་ཏོག་དང་རྒྱལ་མཚན་ལྟར་མཛེས་རྒྱན་དང་ཁྱད་ནོར་དུ་གྱུར་པ་ཡིན་ནོ། །

འཇིག་རྟེན་འདིར་སྤྱིར་བཏང་མིན་པའི་རྫུ་འཕྲུལ་ཞིག་ཡོད་ཅིང་།གཟུགས་མེད་ཀྱི་ནུས་ཚད་ར་བ་སྣ་ཚོགས་ཀྱིས་ཁེངས་ཡོད།ང་ཚོའི་སེམས་ནི་མཆོད་རྟེན་འཕེན་རྒྱུ་དེ་ཡིན།
--གཉིད་ལ་དགའ་བའི་ཕག
这个世界具有非凡的魔法，充斥着各种无形的能量场，我们的心则是发射塔，牵一发而动千钧，但凡你所挂碍的，转瞬便消失殆尽。
———爱梦呓的猪#宝宝的少女心##微博头像挂件#