ངག་དབང་སྒྱུ་འཕྲུལ་ལྷ་རིགས་འཁོན་གྱི་གདུང་།།
妙语自在幻化天昆族
འགྲོ་ཀུན་དགའ་མཛད་ཐེན་ཆེན་མདོ་སྔགས་ལམ།།
众生欢喜大乘显密道
ཕན་བདེ་དཔལ་དུ་འབར་བའི་འཕྲིན་ལས་ཅན།།
涌现吉祥利乐事业者
བསམ་འཕེལ་དབང་གི་རྒྱལ་པོ་ཞབས་བརྟན་གསོལ།།
满愿自在法王长住世

ཨོ་རྒྱན་པདྨས་ཤར་གཏེར་སྦས་པའི་གནས།།
ས་སྤྱོད་གསུང་གི་འཁོར་ལོའི་བྱང་ཤར་ཆར།།
ལྷོ་ཟླ་ངང་མོ་དལ་གྱི་བབས་པའི་ངོག །
ཕྱི་ལྟར་སྲ་བརྟན་ལྷུན་ཆགས་བྲག་གི་རི།།

ནང་ལྟར་རིན་ཆེན་ལས་གྲུབ་བ་གམ་བརྗིད།།

གསང་བ་འཁོར་ལོ་སྡོམ་པའི་ཕྱེད་གཟུགས་གནས།།
དཔལ་ལྡན་ཤེར་རབ་ལྷ་ཡི་རུ་འདྲེན་གཙོ།།

ཡབ་རྗེ་བསྒྲེས་པོ་དུང་གི་སྨ་ར་ཅན།།
ཡུམ་རྒན་སྨན་མོ་གཡུ་ཡི་ཐོར་ཚུག་ཅན།།
སྲས་ཆེན་ལྷ་བཙན་དཀར་པོ་དར་བེར་གསོལ།།
དར་མདུང་ཕྱར་ཞིང་ཤེལ་གྱི་མེ་ལོང་ཐོག །
རྟ་དཀར་ལ་ཆིབས་དབེན་གནས་ཀུན་རུ་འགྲིམ།།
སྲས་འབྲིང་སྣ་ཚོགས་བཟོ་ཡི་ལས་ལ་བརྩོན།།

སྲས་ཆུང་དཀར་ནག་ཆེ་ལོའི་གབ་ཙེ་བཀྲམས།།

ལྕམ་མོ་ཤེལ་བཟའ་སྣ་ཚོགས་གོ་ཟུ་ཅན།།

རང་རང་མཐུན་པའི་འཁོར་ཚོགས་བསམ་མི་ཁྱབ།།

ཀུན་ཀྱང་སྤྱན་རས་གཟིགས་ཀྱི་བསྟན་པ་བསྲུངས།།
མཐིང་དམར་མཚོ་བྲག་ནག་ཚལ་སྤང་ལྗོངས་སོགས།།

ཡིད་མཐུན་གནས་མལ་བཟུང་བ་བརྫུ་བ་ཅན།།

པདྨ་འབྱུང་གནས་དུས་མཁྱེན་རས་ཆེན་ཞབས།།
ཀརྨ་པཀྴི་རང་བྱུང་རྡོ་རྗེ་དང་།།

ཁྱད་པར་སི་ཏུ་དགེ་འདུན་ཡེ་ཤེས་ཀྱིས།།
བཀའ་སྒོས་དམ་བཞག་ཀརྨའི་གནས་སྒོ་སྲུངས།།
ཐིག་མཆོག་རྡོ་རྗེ་མཆོག་གྱུར་གླིང་པ་སོགས།།

རིམ་བྱོན་རིག་འཛིན་བརྒྱུད་པས་གཉེར་གཏད་ལྟར།།
ཡུལ་མེས་ཡུལ་ལྷ་མཆོད་པས་མངའ་གསོལ་ལོ།།
བསང་ངོ་བརྔན་ནོ་ཐུགས་དམ་གཉེན་པོ་བསྐངས།།

བཅོལ་ལོ་གཏམ་མོ་ལས་གཞིའི་འཕྲིན་ལས་སྒྲུབས།།
ཁྱད་པར་དུས་ཀྱི་མཆོད་པའི་གཞི་བདག་བསྟོད།།

ཀརྨའི་མཁན་ཆེན་གྱིས། https://t.cn/ELTnVNA

འཇིག་རྟེན་སྟེང་དུ། ལམ་ཆེན་ལམ་ཆུང་ཁྲི་སྟོང་ཡོད་ཀྱང་རུང་།  ཡུལ་ལོག་པའི་ལམ་ནི་གཅིག་ལས་མེད།  ལམ་སྐྱ་མོ་འདི་ཡི་ཕར་སྣེ་ན།  དྲིན་ཕ་མའི་ཞབས་རྗེས་ཉི་ཟེར་འདྲ། སྤུན་བཟང་པའི་གསེར་ཞལ་ཉི་ཟླ་འདྲ།