གྲོགས་པོ་ཕན་ཚུན་བར་ལ་ནམ་ཡང་འོས་འཚམ་གྱི་བར་ཐག་ཅིག་བཞག་ན་ཡག་པོ་ཡོད། རྒྱུ་མཚན་ཡང་ཁ་ཐག་ཤིན་ཏུ་རིང་པོ་བཏང་ནས་ཁ་ཡ་ཙམ་ཡང་མ་བྱས་ན་གྲོགས་ཀྱི་མཛའ་བརྩེ་ཞན་དུ་འགྲོ་བ་དང་། ཡང་ཁ་ཐག་ཤིན་ཏུ་ཉེ་དྲགས་ནས་གུས་བཀུར་རྩ་བ་ནས་མེད་པ་དེ་འདྲ་བྱས་ན་ཡང་རྙོག་དྲ་ཅི་རིགས་ཤིག་བསླང་སྲིད། 
        དེས་ན་ཤིན་ཏུ་འོས་འཚམ་གྱི་བར་ཐག་ཅིག་གི་ཐོག་ནས་འབྲེལ་འདྲིས་བྱས་ན། ཕྱི་ཐག་རིང་བ་དང་མཛའ་བརྩེ་བརྟན་པོ་བར་ཕན་པ་ཡོད། འུ་ཚོས་རང་གིས་གང་འདོད་པ་ཐམས་ཅད་ཕ་རོལ་པོའི་གྲོགས་པོ་དེས་ཀྱང་འདོད་དགོས་པའི་རེ་བ་མི་འདོན་པར། འོས་འཚམ་གྱི་བར་ཐག་དེའི་ཐོག་ནས་ཕྱོགས་གཅིག་ནས་ཁྱོད་གཉིས་ཀྱི་ལྟ་ཚུལ་མི་མཐུན་པ་དང་། གཤིས་སྤྱོད་མི་མཐུན་པ་དག་ཤོང་བར་བྱེད་རྒྱུ་དང་། ཕྱོགས་གཞན་ཞིག་ནས་གྲོགས་པོའི་མཛའ་བརྩེ་ཉམས་དམས་སུ་མི་འགྱུར་བར་བྱེད་དགོས།

རྩོམ་པ་པོ། མཁན་ཆེན་ཤེས་རབ་བཟང་པོ།#希阿荣博堪布[超话]#
   

ཁྱེད་ལ་ཕན་པའི་སྐད་ཆ་ཚན་པ་བརྒྱད།

གཅིག གཞན་གྱིས་ཁྱོད་སྡིག་ན་ཁྱོས་ཉོན། གཞན་གྱིས་ཁྱོད་བསྟོད་ན་ཁྱོད་ཡིད་མ་ཆེས།

གཉིས། སྐད་ཆ་མང་ན།  ཆ་རྒྱུས་ལོན་པར་སླ།

གསུམ། ཡིད་ཆེས་ཚོད་ལ་རན་དགོས།  དོགས་པ་རྒྱུ་མཚན་ཡོད་དགོས།

བཞི། རིག་པ་གསལ་བའི་དུས་སུ་བྱ་བ་བསྒྲུབ་དགོས། མགོ་བོ་རྨོངས་བའི་དུས་སུ་དཔེ་ཆ་ཀློག་དགོས། ཁེར་རྐྱང་གི་དུས་སུ་བསམ་བློ་གཏོང་དགོས།

ལྔ། མིའི་སྔོན་ནས་བཤད་ན་མི་འགྲིག་པ་དེ།  ལྟག་རྒྱབ་ནས་ཀྱང་མ་བཤད།

དྲུག ཕན་ཚུན་ཇི་ལྟར་མཐུན་ཡང་། ཕྱོགས་གཉིས་ཀྱི་ཕ་མ་ལ་བརྩི་བཀུར་དགོས།

བདུན། ཁོང་ཁྲོ་མེ་ལྟར་འབར་བའི་སྐབས་སུ་ཡང་། གཞན་ལ་ཆེས་གནོད་པའི་སྐད་ཆ་དེ་མ་བཤད།

བརྒྱད། ནམ་ཡིན་ཡང་གཞན་གྱི་ཁ་ནས་མི་གཞན་ལ་རྒྱུས་ལོན་མ་བྱེད། [心][鲜花]

མི་རྒོད་སྐྱེ་བོ་མགུ་ཐབས་དཀའ་མོ་རེད། །
རེད་དང་མ་རེད་སྣ་ཚོགས་བཤད་རྒྱུ་མང་། །
མང་པོའི་ནང་ནས་ཁ་ཉུང་རང་ཚུགས་འཛིན། །
དམ་པའི་སྐྱེས་བུ་ཡོངས་ལ་ཚད་མར་འཛིན། །