ངར་ལངས་པའི་གཞོན་སྐྱེས་སམ་ཚ་བོ། དྲང་བདེན་ནམ་དོན་མེད་རྩོད་པའམ། གྱང་ར་ཞིག་གོམ་པ་གང་གིས་ནང་ལ་ནུར་འདུག་ཟེར། དེ་ནི་ས་རྩོད་ཅིག་རེད། སྐབས་འགར་གཉེན་དང་ལན་རེར་ཁུ་བོ། གྲིའུ་རྣོ་དབལ་ལྟ་ཟེར་མོད། ཡིད་ལ་ཅི་ཡང་བྱར་མེད་པའི་ཁུ་བོ་ནི་བྱིས་པ་ཆུང་ཆུང་ཞིག་དང་འདྲ། འདྲེན་བྱེད་ཟུང་ནི་ཐག་རིང་གི་སྨུག་རྒྱུ་དང་མཚུངས། ང་ནི་གྱང་ཆུང་ཐེ་བོང་ཙམ་ཞིག་གི་ཕྱི་ལ་སྐུང་ཁུལ་བྱས། ཁོང་གིས་དེ་ཙམ་ཡང་མཐོང་གྱིན་མི་འདུག ཁོང་གི་རྒས་གཉེར་འོག་ན་ཁོང་དགོད་དམ། ཐག་ཉེ་རིང་ཀུན་གསལ་མདོག་གི་འཛུམ་ཆུང་ཅིག་ལངས་འདུག འོན་ཀྱང་ང་མི་མཐོང་། ཨ་ཁུ་དེས་ཁང་ཀླད་ནས་ང་མཐོང་བྱུང་། ཨ་ཁུས་དྲང་གཏམ་བཤད་པར་ང་སྐྲག་གིན་འདུག ཁོང་ལ་དོན་དག་ག་ཚོད་ཕྱི་གསལ་ནང་གསལ་དུ་གྱུར་འདུག བྱིས་པ་ཇི་བཞིན་རྩེ་བཞིན་པ་གསལ་རྗེན་དུ་མཐོང་ཡང་ཅི་ཡང་མི་གསུང་། བཞད་མོ་ཞིག་བཞད། སྙིང་རྗེ་སྐྱེས་སོང་། དེ་ནས་ཅུང་མ་འགོར་བར་ཁུ་བོ་ནང་ལ་ཕེབས། གྱོན་པ་རྙིང་བ་འགའ་ཀ་ཏོར་ཞིག་ཏུ་བཞག ཞྭ་མོ་རྙིང་བ་ཞིག་ཟུར་གྱོན་ཙམ་བྱེད། ཞྭ་འདབ་ཐོད་པ་ནས་ཐུར་གུག་ཙམ་འདུག ལུས་པོ་ནི་འདར་ཡོམ་གྱི་ངང་ཚུལ་བཞིན་ཆུ་འགྲམ་དུ་དལ་བུར་སླེབས་ཡོང་ནས་གོན་པ་འཁྲུད་ཁུལ་བགྱིད། གདོང་ནས་ཁེར་དགོད་ཀྱི་ཉམས་ཞིག་དོད། ལུས་ཀྱིས་ཤེད་ཤུགས་ཡོད་ཚད་བཏོན་ནས་འཁྲུད་གྱིན་འདུག འོན་ཀྱང་ཁོང་གི་ལག་པའི་ཤེད་དང་མིག་ཟུང་གི་འོད་དེ་ཉམས་འདུག གདོང་སྐྱིའི་འོག་གི་འཛུམ་ཆུང་དེ་སྔར་བཞིན་ཡལ་མི་འདུག ཞྭ་མོ་ཟུར་ཙམ་གྱོན་འདུག ངས་ལྟར་མ་བཟོད། མིག་མཐའ་རློན་པར་གྱུར། ངས་ཡང་ཡང་བོས། ཁོང་གི་མཚན་ནས་བོས། ཁོང་གིས་ཐོས་ཀྱིན་མི་འདུག ཞེ་སྡང་དེ་སུ་ཡིས་དབང་དུ་གྱུར། གང་ནས་བྱུང་། ཁོང་རྒས་འདུག མི་རྒ་བའི་སྡུག་བསྔལ་སུ་ཡིས་ནོན། གྲོགས་པོ་ལགས། ཁྱེད་ཀྱིས་ངའི་མིག་ཆུ་ཤམ་ཤམ་དུ་བཞུར་གྱིན་པ་མཐོང་ངམ།
འདིར་ཚིག་སྦྱོར་དངོས་གཙང་བ་ཞིག་ཡོང་བའི་ཐབས་བསྟན་པ།
འཇམ་མགོན་མི་ཕམ་རིན་པོ་ཆེས། སྙན་དངགས་མེ་ལོང་གི་འགྲེལ་པ་དབྱངས་ཅན་དགྱེས་པའི་རོལ་མཚོ་ཞེས་བྱ་བ་ལས།
དེ་ལ་ཚིག་སྡུད་མང་བ་ཅན་ལྷུག་པའི་གསོས་སུ་འགྱུར་ཚུལ་བཤད་ན། སྤྱིར་ཚིག་གང་ལ་ཡང་དོན་གོ་ངེས་པ་ལས་དགོས་མེད་ཀྱི་ཚིག་ལྷག་རྣམས་དོར་ནས་བརྗོད་ན་བརྗོད་པ་དངོས་གཙང་བ་དང་། དགོས་མེད་མིན་པར་དོན་ལ་ཐོབ་པའི་རྣམ་དབྱེ་སོགས་ཀྱང་ཅི་རིགས་སུ་བསྡུ་སྟེ། ནོར་སོ་ཡོད་པ་དང་དོན་གསལ་ངེས་སོགས་མི་བཞག་ཀ་མེད་ལས་གཞན་ཅི་རིགས་སུ་བསྡུ་ན་ཚིག་ཟོར་ཡང་ལ་དངོས་གཙང་བ་ཞིག་འབྱུང་སྟེ། དཔེར་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་འདིར་སངས་རྒྱས་བཅོམ་ལྡན་འདས་བྱོན་ནས་དམ་པའི་ཆོས་བསྟན་ཏེ་གདུལ་བྱ་ལམ་ལ་བཀོད་ཅིང་། བསྟན་པ་རྒྱས་པར་གྱུར་ནས་འཕགས་པའི་གང་ཟག་མང་དུ་བྱུང་ངོ་། །ཞེས་བརྗོད་པ་ལ། བྱོན་ནས་བསྟན་ནས་བཀོད་ནས་གྱུར་ནས་ཞེས་ཚིག་ཕྲད་ཐམས་ཅད་སྒྲ་གཅིག་ཏུ་བྱས་ན་རྣ་བར་མི་མཛེས་ཤིང་། དོན་གོ་བ་ལ་ཡང་ལྷག་བཅས་ཤ་སྟག་བརྒྱུད་པས་མི་བདེ་བའི་ཞད་ཡོད་དོ། །དེས་ན་ཚིག་མཐའ་དེ་དག་གོང་ལྟར་སྒྲ་གདངས་མི་འདྲ་བ་སོ་སོར་བསྒྱུར་ནས་སྐྱོན་མེད་མོད། འོན་ཀྱང་ཕྲད་དེ་དག་བསྡུས་ཏེ། སངས་རྒྱས་བཅོམ་ལྡན་འདས་ཀྱིས་ཆོས་བསྟན། ལམ་ལ་བཀོད། བསྟན་པ་རྒྱས་པར་མཛད་པས། འཕགས་པ་མང་དུ་བྱུང་ངོ་། །ལྟ་བུ་བྱས་ན། ཆོས་བསྟན། ལམ་ལ་བཀོད་སོགས་གཅོད་མཚམས་ཐ་དད་པར་བྱ་དགོས་ཤིང་། དེ་ལྟར་ན་དོན་གོ་བ་ལ་ཁྱད་མེད་ཀྱང་སྒྲ་ཟོར་ཡང་ལ་མཛེས་པར་འགྱུར་བ་འདིས་མཚོན་ནས་ཚིག་སྡུད་དྲུག་བཤད་པ་ཅི་རིགས་སུ་སྦྱར་ཏེ། དོན་གོ་བ་ལ་ཁྱད་མེད་ན་ཚིག་མང་པོ་རྣམས་ཅི་རིགས་སུ་བསྡུ་ཞིང་། བར་གྱི་མཚམས་སྦྱོར་ཚིག་ཕྲད་རེ་རེ་ཙམ་བཞག་ན་ལེགས་མོད། གནས་འདི་ལ་ཁ་ཅིག་རྟོག་དཔྱོད་གཞུག་མ་མྱོང་བར་འདུག་ལ། ཁ་ཅིག་གིས་དེའི་དོན་རགས་པ་གོ་ཡང་ཞིབ་པར་མ་དཔྱད་པ་དང་། དེའི་རྣམ་གཞག་གལ་ཆུང་ངུ་བྱས་ཏེ་གསལ་བར་བརྗོད་པ་སྔར་ཡོད་པར་མ་མཐོང་ཡང་། འདིར་གསལ་བར་བརྗོད་པ་འདི། སྙན་ངག་མཁན་ལ་མན་ངག་ཅིག་བདག་གིས་འདོམས་པ་ཡིན་པས་བློ་ལྡན་རྣམས་དགའ་བར་གྱིས་ཤིག། དེར་མ་ཟད་ཚིགས་བཅད་ཀྱི་རྐང་པའི་མཐའ་ལྷག་བཅས་ཀྱི་ཏེ་སྒྲ་སོགས་དང་། རྣམ་དབྱེ་གཅིག་གི་སྒྲ་རུ་མཚུངས་པ་སོགས་རྣ་བར་མི་མཛེས་ཤིང་། རྐང་པ་བཞིའི་མཐའ་ཡི་གེ་གཅིག་མ་ཡིན་པར་སོ་སོ་དང་། དབྱངས་དང་། སྐྱེ་གནས་ཀྱང་སོ་སོ་བར་གྱུར་པ་ཕལ་ཆེར་བརྗོད་པ་མཛེས་པར་མཐོང་ལ། རྐང་པ་བཞིའི་མཐའ་འདྲ་བར་ཆེད་དུ་སྦྱར་བ་འགའ་ཞིག་བསམ་བཞིན་དེ་ལྟར་བྱས་པས་དོན་གྱིས་མི་མཛེས་པ་ཆེར་མེད་པའང་ཡོད་དོ། །དེ་ལྟར་ཞིབ་ཏུ་དཔྱད་ན་ཚིག་གོང་འོག་བྱེད་ཚུལ་གྱི་གོ་རིམ་དང་། འཆད་ཚུལ་དང་། བརྗོད་ཚུལ་ལ་གོ་བདེ་མི་བདེ། དོན་སྟོན་མི་སྟོན། སྙན་མི་སྙན་སོགས་ཀྱི་ཁྱད་པར་ཕྲ་མོ་བློ་རགས་པས་གར་ཡོད་ཀྱང་མ་རྟོགས་པ་དུ་མ་ཞིག་ཡོད་པ་རྣམ་པར་དཔྱད་པའི་ས་བོན་འདིས་མཚོན་ནས་བློ་ལྡན་རྣམས་ཀྱིས་ཤེས་པར་བྱའོ། །
འཇམ་མགོན་མི་ཕམ་རིན་པོ་ཆེས། སྙན་དངགས་མེ་ལོང་གི་འགྲེལ་པ་དབྱངས་ཅན་དགྱེས་པའི་རོལ་མཚོ་ཞེས་བྱ་བ་ལས།
དེ་ལ་ཚིག་སྡུད་མང་བ་ཅན་ལྷུག་པའི་གསོས་སུ་འགྱུར་ཚུལ་བཤད་ན། སྤྱིར་ཚིག་གང་ལ་ཡང་དོན་གོ་ངེས་པ་ལས་དགོས་མེད་ཀྱི་ཚིག་ལྷག་རྣམས་དོར་ནས་བརྗོད་ན་བརྗོད་པ་དངོས་གཙང་བ་དང་། དགོས་མེད་མིན་པར་དོན་ལ་ཐོབ་པའི་རྣམ་དབྱེ་སོགས་ཀྱང་ཅི་རིགས་སུ་བསྡུ་སྟེ། ནོར་སོ་ཡོད་པ་དང་དོན་གསལ་ངེས་སོགས་མི་བཞག་ཀ་མེད་ལས་གཞན་ཅི་རིགས་སུ་བསྡུ་ན་ཚིག་ཟོར་ཡང་ལ་དངོས་གཙང་བ་ཞིག་འབྱུང་སྟེ། དཔེར་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་འདིར་སངས་རྒྱས་བཅོམ་ལྡན་འདས་བྱོན་ནས་དམ་པའི་ཆོས་བསྟན་ཏེ་གདུལ་བྱ་ལམ་ལ་བཀོད་ཅིང་། བསྟན་པ་རྒྱས་པར་གྱུར་ནས་འཕགས་པའི་གང་ཟག་མང་དུ་བྱུང་ངོ་། །ཞེས་བརྗོད་པ་ལ། བྱོན་ནས་བསྟན་ནས་བཀོད་ནས་གྱུར་ནས་ཞེས་ཚིག་ཕྲད་ཐམས་ཅད་སྒྲ་གཅིག་ཏུ་བྱས་ན་རྣ་བར་མི་མཛེས་ཤིང་། དོན་གོ་བ་ལ་ཡང་ལྷག་བཅས་ཤ་སྟག་བརྒྱུད་པས་མི་བདེ་བའི་ཞད་ཡོད་དོ། །དེས་ན་ཚིག་མཐའ་དེ་དག་གོང་ལྟར་སྒྲ་གདངས་མི་འདྲ་བ་སོ་སོར་བསྒྱུར་ནས་སྐྱོན་མེད་མོད། འོན་ཀྱང་ཕྲད་དེ་དག་བསྡུས་ཏེ། སངས་རྒྱས་བཅོམ་ལྡན་འདས་ཀྱིས་ཆོས་བསྟན། ལམ་ལ་བཀོད། བསྟན་པ་རྒྱས་པར་མཛད་པས། འཕགས་པ་མང་དུ་བྱུང་ངོ་། །ལྟ་བུ་བྱས་ན། ཆོས་བསྟན། ལམ་ལ་བཀོད་སོགས་གཅོད་མཚམས་ཐ་དད་པར་བྱ་དགོས་ཤིང་། དེ་ལྟར་ན་དོན་གོ་བ་ལ་ཁྱད་མེད་ཀྱང་སྒྲ་ཟོར་ཡང་ལ་མཛེས་པར་འགྱུར་བ་འདིས་མཚོན་ནས་ཚིག་སྡུད་དྲུག་བཤད་པ་ཅི་རིགས་སུ་སྦྱར་ཏེ། དོན་གོ་བ་ལ་ཁྱད་མེད་ན་ཚིག་མང་པོ་རྣམས་ཅི་རིགས་སུ་བསྡུ་ཞིང་། བར་གྱི་མཚམས་སྦྱོར་ཚིག་ཕྲད་རེ་རེ་ཙམ་བཞག་ན་ལེགས་མོད། གནས་འདི་ལ་ཁ་ཅིག་རྟོག་དཔྱོད་གཞུག་མ་མྱོང་བར་འདུག་ལ། ཁ་ཅིག་གིས་དེའི་དོན་རགས་པ་གོ་ཡང་ཞིབ་པར་མ་དཔྱད་པ་དང་། དེའི་རྣམ་གཞག་གལ་ཆུང་ངུ་བྱས་ཏེ་གསལ་བར་བརྗོད་པ་སྔར་ཡོད་པར་མ་མཐོང་ཡང་། འདིར་གསལ་བར་བརྗོད་པ་འདི། སྙན་ངག་མཁན་ལ་མན་ངག་ཅིག་བདག་གིས་འདོམས་པ་ཡིན་པས་བློ་ལྡན་རྣམས་དགའ་བར་གྱིས་ཤིག། དེར་མ་ཟད་ཚིགས་བཅད་ཀྱི་རྐང་པའི་མཐའ་ལྷག་བཅས་ཀྱི་ཏེ་སྒྲ་སོགས་དང་། རྣམ་དབྱེ་གཅིག་གི་སྒྲ་རུ་མཚུངས་པ་སོགས་རྣ་བར་མི་མཛེས་ཤིང་། རྐང་པ་བཞིའི་མཐའ་ཡི་གེ་གཅིག་མ་ཡིན་པར་སོ་སོ་དང་། དབྱངས་དང་། སྐྱེ་གནས་ཀྱང་སོ་སོ་བར་གྱུར་པ་ཕལ་ཆེར་བརྗོད་པ་མཛེས་པར་མཐོང་ལ། རྐང་པ་བཞིའི་མཐའ་འདྲ་བར་ཆེད་དུ་སྦྱར་བ་འགའ་ཞིག་བསམ་བཞིན་དེ་ལྟར་བྱས་པས་དོན་གྱིས་མི་མཛེས་པ་ཆེར་མེད་པའང་ཡོད་དོ། །དེ་ལྟར་ཞིབ་ཏུ་དཔྱད་ན་ཚིག་གོང་འོག་བྱེད་ཚུལ་གྱི་གོ་རིམ་དང་། འཆད་ཚུལ་དང་། བརྗོད་ཚུལ་ལ་གོ་བདེ་མི་བདེ། དོན་སྟོན་མི་སྟོན། སྙན་མི་སྙན་སོགས་ཀྱི་ཁྱད་པར་ཕྲ་མོ་བློ་རགས་པས་གར་ཡོད་ཀྱང་མ་རྟོགས་པ་དུ་མ་ཞིག་ཡོད་པ་རྣམ་པར་དཔྱད་པའི་ས་བོན་འདིས་མཚོན་ནས་བློ་ལྡན་རྣམས་ཀྱིས་ཤེས་པར་བྱའོ། །
རྒྱལ་དབང་དཔལ་ཡུལ་བསྟན་པའི་མངའ་བདག་༧སྐྱབས་རྗེ་ཀརྨ་སྐུ་ཆེན་ཐུབ་བསྟན་ཚུལ་ཁྲིམས་ནོར་བུ་འོད་ཟེར་ཕྲིན་ལས་ཀུན་ཁྱབ་དཔལ་བཟང་པོ་གང་ཉིད། དཔལ་ཡུལ་བའི་གདན་ས་གཉིས་པ་མགོ་ལོག་དཔལ་ཡུལ་དར་ཐང་དགོན་དུ་ཆིབས་བསྒྱུར་གནང་ནས། ༧སྐྱབས་རྗེ་ལྷ་སྤྲུལ་ཨོ་རྒྱན་གར་དབང་ཉི་མ་སོགས། སྟོན་འཁོར་འདུས་པ་རྒྱ་མཚོ་དང་མཇལ་འཛོམས་བྱུང་བའི་བསྐལ་བཟང་།
✋热门推荐