སྐྱེས་པ་ཕོ་ཟེར་བ་ནི་མགོ་ཐོག་ན་གནམ་ལས་མེད་པའི་ང་རྒྱལ་གྱི་ལྒང་བུ་ཞིག་མ་ཡིན་པར། རང་གི་མགོ་ཐོག་གི་ནམ་མཁའ་ལ་བདག་པོ་བརྒྱག་ཕོད་པའི་རང་བཙན་དང་ཁེར་ཚུགས་ཀྱི་འཇིག་རྟེན་ཞིག་ཡིན་དགོས། བརྩེ་དུང་གི་མདུན་དུ་ཤ་ཚ་ཆེ་བ།

རྒྱུ་འབྲས་ཀྱི་མདུན་དུ་ཁྲེལ་གཞུང་འཚོ་བ།

ཕུགས་བསམ་གྱི་མདུན་དུ་སྙིང་རུས་ཐུབ་པ། དཀའ་སྡུག་གི་མདུན་དུ་འཇུག་ལྡོག་ཤེས་པ་ནི་སྐྱེས་པ་ཕོ་ཞིག་གི་ཁོག་དཔུང་དང་ཟབ་རླིང་ཡིན་འོས། སྐྱེས་པ་ཕོ་ནི་ནམ་ཡང་རང་གི་རྣམ་ཤེས་ཀྱི་དེད་དཔོན་ཉན་དགོས་པ་ལས། དབང་དང་འབྱོར་བའི་ཞབས་གཡོག་འབའ་ཞིག་ཡིན་མི་འོས་སོ། །

ཐེའུ་རང་གིས།

ས་ཆེན་པང་ན་གོང་༵མ༵འི་ལྷ་སྲས་འཕགས༵།།
འཕགས་པའི་ཡུལ་ནས་མཛད་འཕྲིན་ཕར་མཐའ་ཡས༵།།
ཡས༵་དཔོག་མི་ནུས་ཡེ་རྫོགས་ཡེ་ཤེས་ཐུགས༵།།
ཐུགས༵་ཀྱི་དཀྱིལ་འཁོར་མ་འཁྲུལ་རྡོ་རྗེ་འཆང་།།
འཆང༵་བའི་ཁོ་བོ་བྱམས་པས་སྐྱོང་གྱུར་ཅིག།

___________ རླུང་གིས།

སྡིག་གྲིབ

ལོ་མ་རླུང་གིས་སྒྲུག་པའི་མཚན་མོར
སྲང་ལམ་གྱི་མཐའ་ཁ་རུ་ཙུག་པུར་སྡད་དེ
སེམས་པ་ཁུ་སིམ་མེར་བཏང
ན་བུན་གོས་སུ་གྱོན་པའི་རྨི་ལམ་དེ་དག
རྒྱང་རིང་གི་ཁང་བརྩེགས་ངོས་ཀྱི་གློག་འོད་དང་འདྲ
ངས་ཆགས་སྡང་གི་ཆུ་བོ་བཞུར་བའི་རླབས་རིས་ལ་བལྟས
སྐྱོ་གདུང་གི་དྲི་མ་འཐུལ་བའི་ལམ་ཟུར་དེ་ནས
ནམ་མཁའ་ཡང་ཡང་བལྟ་ཞོར
ཁ་བ་བབ་པའི་ལོ་ཟླ་ལ་ཕྱི་མིག་ཤོར

༢༠༢༣/༢/༩ ཁྲིན་ཏུ་སྲང་ལམ་དུ