བྱམས་དང་སྙིང་རྗེ་བྱང་ཆུབ་སེམས་མཆོག་གིས། །
ཐུགས་རྒྱུད་ཡོངས་གཏམས་ཉམས་ལེན་སྙིང་པོ་ཡི། །
གདམས་པས་འགྲོ་རྣམས་འཁོར་བའི་གཡང་ས་ལས། །
སྐྱོབ་ལ་མཚུངས་བྲལ་རྟོགས་ལྡན་བླ་མ་མཁྱེན། །

བདག་ཅག་སྙིགས་འགྲོ་ཆོས་ལ་བློ་མིག་ཕྲ། །
ཕྱིན་ཅི་ལོག་ལ་རྣམ་དཔྱོད་བློ་གྲོས་འབར། །
སྡིག་སྤྱོད་ཀུན་ལ་ཞུམ་མེད་སྒྲུབ་ཕོད་ཅིང་། །
རང་རྒྱུད་མི་བརྟག་ཇི་མི་སྙམ་ལ་གཟིགས། །

ཁ་མིན་དོན་གྱི་ངེས་འབྱུང་སྙིང་ལ་སྐྱེས། །
བཟོད་དུ་མེད་པའི་སྙིང་རྗེས་གཞིར་བྱས་པའི། །
བྱང་ཆུབ་སེམས་ལས་ནམ་ཡང་མི་གཡེལ་བར། །
ཉམས་ལེན་རྣལ་མ་ནུས་པར་བྱིན་གྱིས་རློབས། །

ལས་ཉོན་མཚོན་ཆ་རྩུབ་མོས་གཟིར་བ་ཡི། །
རྣམ་སྨིན་སྒྱུ་མའི་ལུས་ཀྱིས་བཟོད་དཀའ་ཕྱིར། །
བྱིན་བརྒྱུད་དགོངས་པའི་རྩལ་ཆེན་རྫོགས་པ་ཡི། །
ནང་གི་བདེ་ཆེན་མྱུར་དུ་སྦར་བར་མཛོད། །

ཉིན་འདི་དག་ལ་སྐྱེས་བུ་སྒལ་ཚིགས་ཅན་གཉིས་ཀྱི་བརྩམས་ཆོས་ལ་སེམས་པ་གླན་པས་ལན་རེར་སྙིང་ཁོང་དུ་སྐྱོ་སྣང་གི་ན་བུན་འདུ་འགོད་རྒྱག་ལ་མཚམས་རེར་འོད་གསལ་གྱི་དགའ་སྤོབས་ཆེས་ཆེར་སྤྲོ།[咖啡][咖啡]

ལོ་རྒྱུས་ཀྱི་དཔར་རྙིང་། པར་རིས་དང་པོ། ཀླུ་ཁང་པ། ཞྭ་སྒབ་པ། ང་ཕོད། རྣམ་སྲས་གླིང་པ། པར་རིས་གཉིས་པ། སྤྱན་གསལ་ཐུབ་བསྟན་ཀུན་འཕེལ། པར་རིས་གསུམ་པ། རྩིས་དཔོན་ལུང་ཤར་རྡོ་རྗེ་ཚེ་རྒྱལ།