འདོད་ཡོན་སྦྲང་རྩིས་མྱོས་པའི་རང་སེམས་ཀྱི་བུ

首页发布

འདོད་ཡོན་སྦྲང་རྩིས་མྱོས་པའི་རང་སེམས་ཀྱི་བུང་བ། ། ཆགས་སྡང་བྱ་ཚོགས་རྒྱུ་བའི་ནགས་ཀླུང་ཀུན་ཉུལ་ཏེ། །

རྣམ་དཔྱོད་གཤོག་ཟུང་དུས་ཀྱི་རླུང་ཁ་རུ་འདར་བཞིན། ། སྲིད་གསུམ་གྲོང་ན་ཞེན་ཆགས་ཁུར་བོ་དེ་ལྕི་བ། །

ལྷ་ཡི་ལྷར་གྱུར་རྡོ་རྗེ་འཆང་ཆེན་པོ་།།
སྲིད་མཐའི་སྨག་རུམ་མཁའ་རུ་ཤར་བ་ན།།
རྟོག་གེའི་སྨྲེ་སྔགས་དིར་དིར་ཚུན་ཆད་ཀྱང་།།
ཐར་བའི་ས་བོན་ཐེབས་པའི་རྐྱེན་དུ་ལགས།།

མདོ་སྔགས་བསྟན་འཛིན[月亮]

ལྷིང་འཇགས་ཀྱི་མཚན་མོ།

ཆབ࿐ཆོས་དབྱིངས།

མ་ངེས་ལས་ཀྱིས་བསྐྲུན་པའི་ཟ་འོག་ན།།
སྲེད་པས་སྒྱུ་འཕྲུལ་བཞེངས་བའི་ཚོན་ལྔའི་མདངས།།
ཀུན་རྟོག་དབང་ལྔའི་ཤེས་པ་ཡོངས་བསླུས་ཏེ།།
བསེར་བ་ལས་ཀྱིས་བརྡས་པའི་ནགས་མཐར་བསྙེགས།།

རྣམ་རྟོག་ནགས་ཀྱིས་ཁེབས་པའི་རི་གྲོང་དུ།།
འཁྲུལ་སྣང་འགོག་མེད་མྱོང་བའི་མདོ་མེད་པས།།
བདེ་སྡུག་འཕྱོལ་བའི་སེམས་པས་ཡིད་དྲངས་ཏེ།།
ཚེ་ཕྱེད་ལང་ཚོའི་འདབ་ལོ་སོ་ཁར་ཟགས་སོང་།།

ལེགས་བཤད་རོ་བརྒྱ་འཛིན་པའི་པདྨ་ཡིས།།
རྣམ་དག་གདམས་པའི་ཉི་ཟེར་འཐུང་འདོད་པས།།
དད་རྩོན་འཁྲི་ཤིང་གཡོ་བའི་ཚལ་ནང་དུ།།
རྣམ་དཔྱོད་པད་དཀར་འདབ་སྟོང་རྒྱས་པར་མཛོད།།

སྣ་ཚོགས་ལས་ཀྱིས་སྐྲུན་པའི་ནགས་ཀྱི་གཞིར།།
ཀུན་རྟོག་བུང་བ་འཁོར་བའི་མལ་ཚེ་བས།།
ཆུ་ཤིང་སྙིང་པོ་ལེན་པའི་གྲིབ་སོའི་བར།།
ལང་ཚོ་ཉི་མའི་གཤོག་སྣེ་ནུབ་རིར་ཡོལ།།