སྐྱེ་བ་མི་ལུས་ཐོབ་པར་ཕ་མའི་དྲིན།།
སྐྱེས་ས་བོད་ཡུལ་ཡིན་པ་སྔོན་གྱི་ཚོགས།།
དམ་པའི་ཆོས་དང་མཇལ་བ་བླ་མའི་དྲིན།།
འཚོ་བར་སྐྱིད་སྡུག་གང་འཕྲད་ང་རའི་ལས།།

མི་ཡི་སེམས་ནི་འགྱུར་བ་སྐྱེན་པ་སྟེ། །
འདི་ཡིན་འཕྲོ་ལ་འདི་མིན་གཞན་ཞིག་འོང་། །
དེ་ཡི་རྗེས་སུ་ལུས་ཀྱང་འབྲང་པས་ན། །
ལུས་སེམས་གཉིས་ཀ་བྲེལ་བའི་ངང་ལ་ལུས། །

མི་ཡི་མི་ཚེ་ཟེར་བ་འདི་ཡིན་ལ། །
འཇིག་རྟེན་འཚོ་བ་ཟེར་ཡང་འདི་ཉིད་ཡིན། །
འདི་ལ་བརྟེན་ནས་དགའ་སྐྱོའི་སྣང་བ་བྱུང་། །
དེ་ལ་བརྟེན་ནས་རང་གཞན་གཉིས་ཀ་ངལ། །

ཟས་མེད་སྤྲང་པོ་ཟས་ལ་སྨོན་པ་འཆོར། །
ཟས་ཡོད་མི་ནི་རྒྱུ་ལ་ནོར་ལ་རྔམ། །
ནམ་ཞིག་ཚེ་ཡི་རྒྱུན་ཐག་མ་ཆད་པར། །
འཇིག་རྟེན་མི་ཡི་འདོད་སེམས་ཁེངས་པ་མེད། །

དེ་དང་དེ་འདྲའི་ལུས་སེམས་འབྲེལ་བ་དང་། །
རེ་དང་དོགས་པའི་ཞེན་འཛིན་ཆེ་དྲགས་པས། །
ལས་མང་ཁུར་གྱིས་དུབ་པའི་མྱོང་བ་འདི། །
ཁྱོད་དང་ང་ཡི་མི་ཚེ་ཡིན་པ་འདྲ། །

འོ་མས།

༄༅། །༢༠༢༣ལོའི་དཔལ་ས་སྐྱའི་སྤྲུལ་པའི་ལྷ་ཁང་ཆེན་མོའི་རྡོ་རྗེ་ཕུར་པའི་གར་འཆམ་སྒྲུབ་མཆོད་དང་བཅས་པ་ཡོངས་སུ་ལེགས་པར་གྲུབ་པ།

吉祥萨迦祖寺举行的普巴金刚大法会圆满结束。