སྨོན་པ།

ཚེ་རིང་ཟླ་བ།
སྔོ་ལྗང་གཡུ་ལོའི་དཀྱིལ་གྱི། །
སྦྲང་མའི་གཤོག་སྒྲ་ཉན་དུས། །
སྐྱིད་ཤོད་ལྷ་སའི་དབྱར་གཞུང་། །
མཇལ་རྒྱུ་བྱུང་ན་བསམ་སོང་། །

སྤྲིན་པ་སྨུག་པས་དེད་དེ། །
ཆར་བ་ཟམ་མེ་ཟིམ་མེ། །
སྐྱིད་ཤོད་དགོང་གི་ཉི་མ། །
ལྡེ་རྒྱུ་བྱུང་ན་བསམ་སོང་། །

མེ་ཏོག་སྤང་ལ་བཞད་དེ། །
སྤང་གིས་མཛེས་སྡུག་ངོམ་དུས། །
ལྷ་སའི་སྐྱིད་ཆུ་སྔོན་མོ། །
རྩེད་རོགས་ཡིན་ན་བསམ་སོང་། །

ང་ནི་བར་སྐོར་གླིང་གི། །
ཉི་མཚན་རྟག་ཏུ་གནས་པའི། །
གང་འཕུར་རང་ལ་དབང་བའི། །
བྱིའུ་ཆུང་ཡིན་ན་བསམ་སོང་། །

ལྷ་སའི་ཕོ་བྲང་ཡག་པ། །
ཕོ་བྲང་རྒྱ་ཕིབས་ཡག་པ། །
ང་ནི་རྒྱལ་ཕིབས་སྟེང་གི། །
ཚོན་མཁན་ཡིན་ན་བསམ་སོང་། །

རི་ཚོགས་གྱ་གྱུ་གྱུར་པའི་ཕ་ཤུལ་དུ།།
མངར་སྐྱུར་མཛེས་པའི་འཚོ་བ་ལ་མིན་ཀླུངས།།
སྨུག་སྤྲིན་དབུ་ཞྭ་གྱོན་པའི་རྫ་བརྒྱུད་ཀྱང་།།
ནོམ་ཕུད་གཞན་དུ་འཆོར་བའི་ཐན་སྙེ་ཞིག།

མདོ་སྔགས་བསྟན་འཛིན

ད་ལམ་དུས་ཚོད་ཀྱི་སོར་རྩེ་ནས་ཡོད་ཚད་མགྱོགས་དྲག་པར་འཁང་ར་གཏོང་བ་དང་། གང་སར་རང་གི་གནས་བབས་ཀྱིས་ཡིད་མ་ཚིམ་པའི་སྨྲེ་སྔགས་འདོན་རྒྱུ་ནི་འཚོ་བའི་བག་ལ་ཉལ་བའི་ཆ་ཤས་ཤིག་ཏུ་གྱུར་ཟིན་འདུག #诗歌[超话]#