མ་གཞི་ང་མྱི་རྩ་མེད་ཅིག་ཡིན། ཡིན་ཙང་སེམས་སུ་ནམ་རྒྱུན་བརྗེད་དུ་མེད་པ་ནི་ཕ་དང་མེས་པོ་ཚོའི་ང་ཚོའི་ལག་ཏུ་བཞག་པའི་ཕ་ཡུལ་དང་ཡུལ་སྲོལ་གོམས་གཤིས་སྐད་དང་ཡི་གེ་དམ་པའི་ཆོས་འདི་དག་རེད། འདི་དག་ང་རང་གི་ཚེ་སྲོག་ལས་ཀྱང་གལ་ཆེ་བ་ཞིག་རེད་སྙམ་ནས་ཁེར་རྐྱང་གི་རྒྱ་སྲང་ཉུལ་དུས་དང་། སེམས་གྲོགས་འགའ་ཤས་ལྷན་ཁ་བརྡ་གློད་དུས་དང་། སློབ་གླིང་དུ་ནང་ཆོས་ཀྱི་བཀའ་པོད་སོགས་སྦྱོང་དུས་ཀྱང་འདྲ། ཐ་ན་ཇ་ཁམ་གང་འཐུང་དུས་ཀྱང་ཕལ་ཆེར་འདི་ཚོའི་ཕྱོགས་ལ་འདང་རྒྱག་ཤོར་ནས་སེམས་ངལ་དང་སྐྱོ་དུབ་ཆེ་ཟེར་ན་མི་ཆོག་རྒྱུ་མེད།

མ་འོང་པར་ཐབས་ཤས་གང་ཡོད་ཀྱི་ངའི་ཡབ་མེས་ཀྱི་ཡི་གེ་འདི་རྒྱ་ནག་གི་གྲོང་ཁྱེར་ཆེན་མོ་ཧྲང་ཧེ་ཡི་ཁང་བརྩེགས་མང་པ་ཛམ་གླིང་སྟེང་གི་ཨང་གཉིས་པ་གྲགས་པ་དེའི་ངོར་བོད་ཡིག་ཆེན་པོས་༼

ཁྱེད་ཅག་ཧྲང་ཧེ་གྲོང་ཁྱེར་ལ་ཕེབས་པར་དགའ་བསུ་ཞུ། ཞེས་པའི་སྒོ་བྱང་ཆེན་པོ་ཞིག་སྦྱར་དགོས་འདུག་སྙམ་ནས་ཧྲང་ཧེའི་གྲོང་ཁྱེར་གྱི་ལྟེ་བ་ནས་རི་དྭགས་བསེ་རུ་བཞིན་འཁྱམ་སོང་བས་ཁེར་ཧྲང་ངང་སེམས་ཀྱི་དམ་བཅའ་ཞིག་བཞག་ཡོད་ཟེར་ན་མི་ཆོག་པ་མེད།

ས་ཆ་ཆེར་མ་ཐོན་རུང་མར་རྒྱ་ནག་གྲོང་འཁྱེར་འགའ་ཤས་སོང་ཙང་སེམས་སུ་བོད་ཡིག་དང་བོད་སྐད་དྲན་ནས་བཟོད་མི་ཐུབ་པས་སེམས་ཚོར་བྱུང་སོང་ཟེར་ན་མི་ཆོག་པ་མེད་ལ། ལ་ལ་ནི་རྒྱ་གྲོང་དུ་ཐོན་དུས་རྫིག་ངོམ་དང་རྫིག་བཤད་ཡ་མཚན་ཞིག་ལ་ཐོན་སོང་སྙམ་ནས་འདྲ་པར་འགའ་དྲ་ལམ་དུ་ཁྱབ་བསྒྲགས་བཏང་རྒྱ་གཙོ་བོ་རེད། ང་ནི་འདི་ཅན་པོའི་རིགས་ལ་སྤྲོ་བ་དེ་ཙམ་མི་འདུག དགོངས་པ་མ་ཚོམས། ཡིན་ཙང་། ངའི་ཐོག་མར་ངའི་བོད་ཡིག་ཁྱབ་བསྒྲགས་བྱའི་རྒྱུའི་ཐབས་ཤས་ཕྱོགས་ལ་འདངས་མང་པོ་བཏང་གིན་ཡོད། ངའི་པོད་ཕྲིན་ནང་གི་སྤུན་ཟླ་ཚོ། ཁྱོད་ཅག་གིས་བལྟས་ན་ཇི་ལྟར་བྱེད་ན་་་རྒྱ་ནག་གི་ས་འོག་མེ་འཁོར། གནམ་འཁོར། མེ་འཁོར། གནམ་ཐང་། སྤྱི་སྤྱོད་འབབ་ཚུགས་སོགས་ལ་བོད་ཡིག་ངེས་པར་དུ་བྲིས་བཞག་པའི་དུས་ཤིག་ལ་ཐབས་ཤས་གང་འདྲ་དང་གོང་རིམ་ལ་རེ་ཞུ་ཇི་ལྟར་བྱེད་དགོས། ང་ཚོའི་གཅིག་གྱུར་གྱིས་ནུས་པ་བསྩལ་ནས་གོངརིམ་ལ་རེ་བ་ཞུ་ན་བྱ་བ་ཆུང་ཆུང་གི་དོན་དག་ཆེན་པོ་འགྲུབ་པར་ཅི་ཆ།

མདོར་ན་ངའི་ཆེན་པོ་མ་ཐུབ་རུང་། ཧྲང་ཧེ་གྲོང་ཁྱེར་དུ་བོད་ཡིག་གི་སྒོ་བྱང་ཆེ་བས་བོད་ཟས་ཁང་ཅིག་ལ་འབད་པ་བྱ་རྩིས་ཡོད། [飞机]

རེ་བ་དེ་འགྲུབ་སོང་ན་ང་ལ་ཡོང་སྒོ་སྐར་གང་མེད་རུང་བོད་ཡིག་ཅིག་རིགས་ཐུབ་སོང་ན་ཡིད་ཚིམ་ཡོད།

༼གཟའ་མཇུག་གི་ལེ་ཚན།༽

སྒང་དང་སྦྲུལ་ཚང་།

སྒང་ཞིག་གིས་སྡོད་གནས་ཡག་པོ་ཞིག་འཚོལ་བཞིན་ཡོད། ཐ་མ་དེར་ཁོས་སྦྲུལ་ཚང་ཡོད་སའི་བྲག་སྐྱིབས་ཆུང་ངུ་ཞིག་རྙེད་དེ། ཁོ་ཚོ་དང་མཉམ་དུ་གནས་བཅའ་ཆོག་པའི་གནང་བ་ཞུས་པ་དང་སྦྲུལ་ཚང་གིས་ལྷག་བསམ་ཟོལ་མེད་ཀྱིས་མོས་མཐུན་བྱས།
ཡུན་རིང་མ་འགོར་བར་སྦྲུལ་ཚང་གིས་ཁོ་གནས་དེ་རུ་མི་སྡོད་པའི་རེ་བ་བྱས། སྒང་སྒྲོ་ཚེར་མ་ལྟར་རྣོ་བ་དག་གིས་ཁོ་ཚོར་སུན་གཙེར་ཚད་མེད་བྱས་པས། མཐར་ཐུག་ཁོ་གནས་སྤོར་བྱ་དགོས་ཚུལ་གུས་བཀུར་དང་བཅས་ཏེ་བཤད། སྒང་གིས། ཐུགས་རྗེ་ཆེ། ང་འདིར་གནས་བཅའ་བ་དེ་འདོད་བློ་དང་མཐུན་པ་ཞིག་རེད་ལ། ང་ད་དུང་འདི་ནས་བསྡད་རྩིས་ཡིན་ཟེར་བ་དང་། ཁོས་ཡ་རབས་སྤྱོད་བཟང་གི་ཟོལ་གྱིས་སྦྲུལ་ཚང་གི་སྒོ་སྲུང་སྐྱོབ་བྱས་པ་ན། ཁོ་ཚོའི་ལུས་ཕུང་སྲུང་སྐྱོབ་བྱེད་པར་གནས་ཡུལ་གཞན་ཞིག་བཙལ་དགོས་བྱུང་བའོ།།

གནད་ཚིག
མཛུབ་མོ་གཅིག་བྱིན་དང་ལག་པ་གཅིག་འཆོར་རྒྱུ་རེད།
༢༠༢༣-༩-༢
སྒྱུར་མཁན། ཀ་ར།

འོག་གི་ཟ་ཁང་དེའི་གནང་སྟངས་ནི་ལག་ལེན་གྱི་ཐོག་ནས་བོད་ཡིག་ལ་་བདག་པོ་རྒྱག་སྟངས་ཤིག་རེད། གཞན་ལས་བཤུས། ༼བོད་ལྗོང་ཉིང་ཁྲི་ས་ཁུལ་ཀོང་པོ་རྒྱ་མདའ་རྫོང་གི་ཇ་ཁང་ཞིག་ཏུ་འདི་ལྟར་འདུག

ད་ནི་ཁ་བཤད་ཙམ་མ་ཡིན་པར་ཚང་མས་རང་ཐོག་ནས་འགོ་བརྩམས་ཏེ་ཕ་སྐད་མ་ཡིག་འདི་ཅིས་ཀྱང་གང་སར་བཀོལ་སྤྱོད་མཛད་པར་རེ་ཞུ་ཞུས་པ་ཡིན། ཁ་དྲོ། [玫瑰][玫瑰][玫瑰]