ལས་འབྲེལ་ཡོད་པ་ནི་ངས་མི་ཚོགས་ཀྱི་ཁྲོད་ནས་ཁྱོད་མཐོང་བ་དང་། ལས་འབྲེལ་མེད་པ་ནི་ངས་མི་ཚོགས་ཀྱི་ཁྲོད་དུ་ཁྱོད་ཡོད་པར་མཐོང་བ་དེ་རེེད།  གལ་སྲིད་མུ་མཐུད་དུ་དགའ་བ་ཡོད་ན། སེམས་ཀྱི་མེ་ཏོག་ཁ་ཕྱེ་སྲིད་མོད། གལ་སྲིད་བརྩེ་བ་མེད་ན། རང་གི་ལག་པས་ཡིད་སེམས་དྲོད་ལ་བསྐྱལ་དགོས། 
缘起，我在人群中看见你；缘散，我看见你在人群中。如若流年有爱，就心随花开；如若人走情凉，就手心自暖。

ཤན་པའི་ལག་ཏུ་སྤྲད་པའི་དངུལ་ལོར་དེས་ཡང་བསྐྱར་སྒོ་ཕྱུགས་ཉོ་ཆོག་ལ། སྒོ་ཕྱུགས་དེ་ཚོ་ཡང་བསྐྱར་བཤས་ཁང་དུ་འདྲུད་དགོས་པ་རེད། ཁྱོད་ཀྱིས་ཤན་པ་ཚོ་ཇེ་ཕྱུག་ནས་ཇེ་ཕྱུག་ཏུ་བཏང་པ་ཡིན་ལ། འབྲོག་པ་ཚོ་ཇེ་དབུལ་ནས་ཇེ་དབུལ་དུ་བཏང་པ་རེད། འདི་ཁོ་ན་ཁྱོད་ཀྱི་བྱས་རྗེས་རེད་དོ།

—ཁ་བ་སྙིང་ལྕགས་ཀྱིས།

ནར་སོན་ཟེར་བ་ཡང་སྙིང་ཅི་ཞིག་རེད།

བྱིས་དུས་ཀྱི་ལྷད་མེད་དྭངས་གཙང་གི་རང་གཤིས་འདོར་ཐུབ་པས་ཡིན་ནམ།
དགའ་སྐྱོ་ཆགས་སྡང་གི་ཚོར་སྣང་མངོན་མི་འཇུག་པར་བསྲན་ཐུབ་པས་ཡིན་ནམ།
མི་འདོད་བཞིན་དུ་གཞན་གྱི་རྗེས་སུ་འབྲང་ཐུབ་པས་ཡིན་ནམ།
མི་དགའ་བའི་མི་ལ་འཛུམ་མདངས་སྟོན་ཐུབ་པས་ཡིན་ནམ།
ཨ་མ་ལ་ཨ་མ་ཞེས་ངག་མི་ཁྲོལ་བས་ཡིན་ནམ།
ཁེ་ཕན་གྱི་མདུན་དུ་རྩིས་ཐང་འདོར་ཐུབ་པས་ཡིན་ནམ།
དགའ་ཕྱོགས་ལ་འཇུག་མི་ཐུབ་པར་སྤྱིར་བཏང་གི་མི་ཞིག་བྱ་ཐུབ་པས་ཡིན་ནམ།
ཤི་བ་ལ་སྒུག་པ་བཞིན་བག་མེད་དུ་འཚོ་ཐུབ་པས་ཡིན་ནམ།
༢༠༢༣-༩-༣། གཙུག་རྒྱན།