དཀའ་སྡུག་གང་ཞིག་ནས་ཁྱེད་རང་མ་གཏོགས་མི་དྲན་

首页发布

དཀའ་སྡུག་གང་ཞིག་ནས་ཁྱེད་རང་མ་གཏོགས་མི་དྲན་པར་བྱེད། མི་ཚེ་ནི་སྐར་ཆ་འགའ། ཐུགས་ཡིད་རབ་ཏུ་ཆུང་བའི་བདག་སེམས་ལ། གནས་མལ་མང་པོ་ཞིག་མེད། རྩེ་གཅིག་སྒོམ་གྱི་དམིགས་རྟེན་རིགས་པའི་མེ་ལྕེ།

[鲜花]

མགོ་སྟོང་མ།

ངོ་གཉིས་མས།
སྔོན་ལས་གཅིག་འབྲེལ་གྱི་ཕ་མ་མིང་སྲིང་། །
དགེ་ལས་གཅིག་བསྐོས་ཀྱི་ཆོས་དང་གྲོགས་པོ། །
ཅི་འཛོམས་གང་འཛོམས་ནང་ཁྱེད་རང་མེད་ན། །
འཁོར་བའི་ཐང་ཆེན་འདི་རྫོགས་ཐབས་མི་འདུག །

ཟླ་བ་གྲོང་ཁྱེར་གྱི་ཆུང་འདྲིས་སོ་མ། །
བྲེལ་བྲེལ་འཚུབ་འཚུབ་ནང་ལན་རེ་མཇལ་དུས། །
གྱེས་ཁའི་མིག་ཟུང་དག་སྙིང་དུ་འཛུལ་ནས། །
ཤོར་བའི་འདས་སོང་གི་གཏམ་རྒྱུད་དྲན་ཁི། །

སྐྱ་ཆད་སྔོ་སྡུག་གི་འཇིག་རྟེན་མི་ཡུལ། །
ཨུ་ཐུག་ཐབས་ཟད་ཀྱི་རྫུན་ཚིག་སྒྲིག་སྟེ། །
ཁྱེད་ཀྱི་ཉེ་ཕྱོགས་སུ་ཅི་ལྟར་གཅར་ཡང་། །
འཛོམས་པའི་དུས་ཚིགས་ཀྱི་སྐལ་བ་མི་འདུག །

གཞོན་པའི་ན་ཚོད་ཀྱི་ཞེ་ཆགས་མགུར་ཏེ། །
བྱམས་པ་དྲན་ཚོད་ལ་སྙན་ངག་བྲི་དུས། །
སྤྲིན་དཀར་དུམ་བུ་བཞིན་བསྐྱོད་བའི་བར་སྣང་། །
ཆུང་འདྲིས་སོ་དཀར་མའི་ཕྱི་གཟུགས་འཐོར་ཁི། །

རྒྱང་རིང་གླིང་ཀ་ཡི་ངོས་ནས་བལྟས་ན། །
ངེས་མེད་ཕྱོགས་བཞི་ཡི་དུས་ཚིགས་གསེབ་ཏུ། །
ཕྲག་ཀའི་གཟན་སྣེ་ཡང་རླུང་གིས་བདས་ཏེ། །
སྡེ་ཁའི་འཕྱ་སྨོད་ཀྱང་ཆར་བ་འབབ་ཀི །

བུ་མོ་དོན་མེད་དུ་གཞན་ལག་ཤོར་དུས། །
གྱོང་གུན་ངེས་ཅན་ཞིག་ང་ལ་ཕོག་སོང་། །
བླངས་བའི་སྡོམ་པ་འདི་ཅི་ཞིག་ཡིན་ནམ། །
གློ་བུར་བསམ་གཞིགས་ཤིག་སྙིང་དུ་འཚངས་སོང་། །

སྤང་ཐང་ནགས་མེད་ནས་ཕྱི་ལ་འཁོར་ཏེ། །
གྲོང་སྡེ་ཆུང་ཆུང་འདིའི་ནང་ལ་བལྟས་དུས། །
ང་དང་སྙན་ངག་གི་འཚང་ཁ་རྒྱག་སའི། །
ཆུང་འདྲིས་མེ་ཏོག་མའི་ཁ་ཆད་དྲན་འོང་། །