དྲན་པས་ཟིན་ན་འཁྲུལ་བ་མི་འབྱུང་།།
觉知观照不生幻象
ཤེས་བཞིན་ལྡན་པས་གཡེང་བ་རྣམ་སྤོང་།།
因具正知散逸均弃
བག་ཡོད་སྐྱེ་བོ་འདིར་བདེ་ཕྱི་སྐྱིད།།
谨慎行者生吉世安
སྐྱིད་པའི་ཚིག་གསུམ་རྒྱན་དུ་ལོངས་ཤིག།
致福三语如佩取之

白玛格桑法王开示ཁྱབ་བདག་བླ་མས།

བོད་མི་ཕལ་ཆེ་བའི་གདོང་མདོག་སྐྱ་བོ་རང་མིན་པར་དམར་ཤས་ཆེ་བའི་རྒྱུ་མཚན་གྱིས་བོད་ཡུལ་ལ་གདོང་དམར་ཅན་གྱི་ཡུལ་ཞེས་ཟེར། མདོ་ལས་ཀྱང་། གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ།ཞེས་དང་། རྒྱའི་དེབ་ཐེར་དུ་བོད་མི་རྣམས་ལ་གདོང་གི་མཛེས་བྱེད་དུ་ཚོས་དམར་པོ་བགོ་བའི་གོམས་སྲོལ་ཡོད་པར་བཤད་པ་དང་། བོད་རང་གི་ཡི་གེ་རྙིང་པ་རྒྱལ་པོའི་བཀའ་ཐང་སོགས་ལས་ཀྱང་ཤ་ཟན་གདོང་དམར་ཅན་ཞེས་ཀྱང་སྣང་ངོ་།

མངོན་དགའི་ཞིང་གི་རྨད་བྱུང་ཡོན་ཏན་གྱི།།
སྙིང་པོ་གཅིག་ཏུ་བསྡུས་ནས་སྤུངས་པ་བཞིན།།
དགེ་བཅུ་ཀུན་ཚང་མདོ་སྨད་ཡུལ་གྲུའི་ཆ།།
དཔའ་རིས་སྣོད་བཅུད་བཀོད་པ་ཁྱད་པར་འཕགས།།