རྨ་ཆེན་རྫོང་རིག་གནས་ཅུས་ཀྱིས་གཙོ་སྒྲུབ་བྱས་ཏེ།

ཞིང་ཆེན་དང་ཁུལ་རྫོང་རིམ་པའི་གེ་སར་རིག་གནས་ཆེད་མཁས་པ་མང་པོ་གདན་དྲངས་ནས་༼གེ་སར་རིག་གནས་བགྲོ་གླེང་ཚོགས་འདུ་༽ཨ་མྱེས་རྨ་ཆེན་གངས་ལྗོངས་རིག་མཛོད་ལྟེ་གནས་སུ་ཟབ་རྒྱས་ངང་འཚོགས།昨日在阿尼玛卿藏族文化中心由玛沁县文化局的主持下顺利的召开了格萨尔文化论坛，邀请到了省级和国家级的各位专家教授，并圆满结束。

ཆོས་རྗེ་མཆོག་དགུང་གྲངས་ང་བརྒྱད་བཞེས་པ་ལྕགས་རྟ་ལོར(1990) ཟླ་བ་དྲུག་ལྷག་ལ་རྒྱ་བལ་འབྲུག་གསུམ་སོགས་སུ་ཕེབས་ནས་གནས་གཟིགས་དང་བསྟན་འགྲོའི་ཕན་བདེའི་རྩ་ལག་དམ་པ་རྣམས་དང་མཇལ་འཕྲད་གནང་ཚུལ་སྐོར་ཞིབ་པར་བརྗོད་པའི་ལེགས་བཤད་དྲན་ངོགས་ཀྱི་རྨི་སྣང་ཞེས་བྱ་བ་མགོ་མཇུག་ཆ་ཚང་བར་ལན་གཅིག་བཀླག་གྲུབ་པ་ལགས།

ཐ་སྙད།

རབ་གསལ་མདུན་གྱི་བྱེའུ་འཕུར་ཙམ་གྱིས། །
གཤོག་པ་ལོ་མའི་ངོས་སུ་རྡེབ་ཙམ་གྱིས། །
ཡལ་ག་རླུང་གིས་སྐྱོད་པའི་འགྲོས་ཙམ་གྱིས། །
ང་ནི་ཅི་ཡང་མིན་པའི་ཟོལ་དུ་བཏང་། །

འཕྲིན་པ་རྒྱང་དུ་གཏོང་བའི་གཟུགས་ཙམ་གྱིས། །
སེམས་ངལ་མ་ལུས་ཞུས་པའི་དོད་ཙམ་གྱིས། །
ཡིད་ཀྱི་འཇག་མ་དག་ཀྱང་ལྷོད་ཙམ་གྱིས། །
ང་ནི་ཅི་ཡང་ཡིན་པའི་ཟོལ་དུ་བཏང་། །

ནམ་ཟླ་འདི་གའི་དྲོ་གྲང་རྒྱང་དུ་གཏོང་། །
མེ་ཏོག་དག་གི་མཛེེས་པ་ཙད་པས་ཁྱེར། །
ཤུལ་དུ་ལྷུང་བའི་ལོ་མ་སྐམ་ཙམ་གྱིས། །
ང་ཡིས་ཅི་ཡང་མ་ཤོད་རང་གར་ལུས། །

སྟོན་ཟླ་མྱུར་སྟབས་རྫོགས་པའི་ལམ་གྱི་བར། །
གྲུ་ཤིང་རླུང་གིས་སྐྱོད་པའི་དུས་ཀྱི་ཆ། །
འཕྲལ་དུ་འོང་བའི་མཚོ་མོའི་རླབས་ཀྱི་ཕྲེང་། །
ཁ་ཕྱོགས་གཡོས་བྱུང་གྲུ་ཡང་ཁེག་པར་གྱུར། །

ལམ་འགྲོ་འཇའ་ལ་གཡེང་བའི་སྐབས་དེ་དག།
འཇའ་རིས་རྒྱང་དུ་བཀྱེད་པའི་ལས་དེའི་རྐྱེན། །
རྩྭ་ལོ་དག་ཀྱང་སེར་ཐིག་ལྷུང་བ་ན། །
ང་ཡི་སེམས་པ་སྨྲེང་ནས་སྨྲེང་དུ་སོང་། །