མཚར་སྒྲུང་།

———-///—-དྲེེད་པོ་ཧོར།
ཕོ་སར་ཞིག་དཔེ་མཛོད་ཁང་ལ་སོང་ནས། བུ་མོ་ཞིག་ལ་ང་ཁྱེད་ཀྱི་འགྲམ་ལ་བསྡད་ན་འགྲིག་གི་རེད་དམ་ཞེས་སྐད་ཆ་དྲིས། གློ་བུར་དུ་བུ་མོ་དེ་ཁོང་ཁྲོ་དང་བཅས་སྐད་ཤུགས་ཆེན་པོའི་ངར་བཞིན། ངས་ཁྱོད་དང་ལྷན་དུ་མཚན་གཅིག་དུས་ནམ་ཡང་སྐྱེལ་གྱི་མ་རེད་ཅེས་ལན་བརྒྱབ།

དེ་མ་ཐག་དཔེ་མཛོད་ཁང་ལ་ཡོད་པའི་སྐྱེས་ཕོ་མོ་ཀུན་གྱིས་ཕོ་སར་དེའི་གདོང་ལ་བལྟས་ཏེ་ཧང་སང་སངས་བྱས་པས། ཕོ་སར་དེ་ཧ་ཅང་ངོ་ཚ་བོ་དང་ཁ་སྐྱེངས་པོ་ཆགས་ཏེ། ཅི་བྱེད་དགོས་མ་ཤེས་པར་གྱུར།

ཅུང་ཙམ་རྗེེས་ནས། བུ་མོ་དེ་ཕོ་སར་དེའི་འགྲམ་ལ་སོང་ནས། སྐྱེས་པ་ཚོའི་སེམས་ལ་ཅི་ཞིག་ཡོད་མེད་ངས་ཤེས་ཀྱི་རེད། གང་ཡིན་ཟེར་ན། ངས་སེམས་ཁམས་རིག་པ་སློབ་སྦྱོང་བྱེད་བཞིན་ཡོད། ཁྱོད་དེ་རིང་ངོ་ཚ་པོ་ཆགས་སོང་བ་ལབ།

ཕོ་སར་དེས་ཀྱང་ལམ་སང་ཁོང་ཁྲོའི་རྣམ་འགྱུར་དང་བཅས་སྐད་ཤུགས་ཆེན་པོས། མཚན་གཅིག་ལ་སྒོར་མོ་ཆིག་ཁྲི་སུས་ཁྱོད་ལ་སྟེར་གྱི་རེད། ངས་མི་སྦྱིན་ལབ་པ་དང་། སྔར་བཞིན་དེར་ཡོད་མི་ཀུན་གྱི་ངོ་གདོང་བུ་མོ་ལ་ཕྱོགས་ཏེ་ཧང་སངས་བཞིན་བལྟས། བུ་མོ་ངོ་ཚ་ནས་གདོང་པ་དམར་རྐྱང་ཆགས་ཡོད།

དེ་ནས་ཕོ་སར་དེས་བུ་མོ་ལ། ག་ལེར་རྣ་ནང་ལ་ཤུབ་ཤུབ་ཏུ། ངས་ཁྲིམས་ལུགས་སློབ་སྦྱོང་བྱེད་ཀྱི་ཡོད། མི་གཞན་ལ་ཉེས་པ་གང་འདྲ་འགེལ་དགོས་མིན་ངས་ཤེས་ཀྱི་ཡོད་ལབ། ༡/༩/༢༠༢༣

[图片]
ཚོར་སྣང་གྱ་མ་གྱུ།

ཆར་བ་ཟིམ་ཙམ་འབབ་རྗེས། །
གནམ་ངོ་སྤྲིན་རླུང་ལྡང་སྟེ། །
སྒེའུ་ཁུང་མཐའ་འཚམས་དག་ནས།།
ང་ཡིས་བྱེའུ་ཆུང་མཐོང་སོང་།།

སེམས་འདི་ཅུང་ཙད་ཧད་དེ། །
དྲན་པ་ནང་དུ་དཀུག་ཚེ། །
ལས་དབང་བཙན་གྱིས་བསྒྱུར་བའི། །
མི་ཚེ་སྐྱོ་ཨང་བསམ་བྱུང་། །

གླེགས་བམ་སུམ་རྩེགས་ཁྲོད་ནས། །
ཆོས་ཉིད་བག་ཙམ་འཛུམ་པས། །
བན་ཆུང་སྣང་བ་ཡན་པོ། །
སྐབས་རེ་འཛུམ་ཞིང་གྲོལ་བ། །

ལོ་དང་ཟླ་བ་བསྙལ་བའི། །
ཕུགས་བསམ་ཆང་གི་ཉིང་བཅུད། །
ཁ་ཐགས་རིང་སོང་བསམ་ནས། །
ཞེ་ལ་སྨྲེང་བ་་ཐོགས་ཡོད། །

བཤད་པའི་སྙིང་གཏམ་གཅིག་ལ། །
གསང་ཚིག་གཞན་གྱིས་དཀྲོལ་བས། །
ངོ་ཚ་རང་གིས་ཉོས་ཏེ། །
དམ་ཚིག་སྲུང་དགོས་མི་འདུག།

ཚོར་བ་རྒྱ་ཡན་ཅིག་ལ། །
མི་ཚེ་དབྱངས་དང་བསྡེབ་སྟེ། །
ཚེ་ལ་འཛུམ་ཞིག་ཤར་ན། །
རྒས་ཀྱང་འགྱོད་པ་སུས་བྱེད། །

གཡོ་དང་རྒྱུ་ཡིས་མ་བསླད། །
མཛའ་བཅུག་གསེར་ཤན་ཅན་གྱི། །
ལས་ཀྱི་གནང་བའི་གྲོགས་པོ། །
བརྩེ་བ་སྔར་བཞིག་བརྟན་དགོས། །

སེམས་ལ་ཁ་བ་འབབ་ན། །
ཡུལ་ལ་དགུན་ཁ་མེད་ཀྱང་། །
དྲོ་སྐྱིད་དབྱར་གྱི་ཉི་གཞོན། །
ཞེ་ལ་འཁོར་བ་ལས་རེད། །

ཞེན་ཆགས་མེད་པའི་མི་ལ། །
བརྩེ་བ་གླེང་དོན་མེད་པས། །
ཐོབ་འདོད་ཨ་ཙ་མ་དེས། །
འཁོར་བ་སྐྱོང་ན་ཤོབ་རེད།

ཚིག་སྣེ་རིང་མ་ཐུང་འདི། །
ཚོར་བའི་སྣ་འདྲེན་ཡིན་ནམ། །
གསང་བའི་ས་ཁྲ་ཡིན་ནམ། །
སུ་ཡི་ལོ་ཟླ་ཡིན་ནམ། །

 

ཉེ་ལམ་ཁོམ་སྐབས་སུ་དྲྭ་ལམ་ནས་གནའ་བོའི་བོད་ཀྱི་འབྲོག་སྡེ་ཞིག་ལས་བྱུང་བའི་ན་གཞོན་ཕོ་མོ་ཟུང་གི་བརྩེ་དུང་གི་གཏམ་རྒྱུད་ཅིག་ལ་མཉན་པ་ཡིན། གཏམ་རྒྱུད་དེ་ཡིད་བཟོ་དང་དངོས་བྱུང་གང་ཡིན་མི་ཤེས་ཀྱང་ཡག་སྣང་ཞེ་དྲག་སྐྱེས། བརྩེ་དུང་ཟེར་བ་དོན་ངོ་མ་དེ་འདྲ་ཞིག་ལོས་ཡིན་སྙན་པ་ཞིག་རེད།

གཏམ་རྒྱུད་ཁྲོད་ཀྱི་ཕལ་བའི་མི་སྣ་རེ་རེའི་མི་གཞི་ཧ་ཅང་ཡག་པོ་ཡོད་པ་དེས་གནའ་མྱིའི་མི་གཞིའི་རུས་རྐང་གསེར་ཟེར་བ་དེ་ཡིད་ལ་ཡང་ཡང་འཁོར་བྱུང་། https://t.cn/RBSR99B