མདངས།

རེ་རྐང་གླིང་།

གངས་ཀྱི་ཞུན་མ་ཐིགས་པའི་གཡུ་ཡི་མེ་ལོང་ནང་ལ
རྒྱ་མཚོ་སྔོན་པོ་ཞིག་འཆར
ལྗང་མདོག་གི་གླིང་ཕྲན་ཡོད་ཅོག་མགོ་བོ་དུད་དེ
རླབས་ཕྲེང་དཀར་པོའི་མེ་ཏོག་གི་ཟེགས་མ་རྒུམ

ཁེར་ཧྲེང་གི་ཕ་བོང་ནག་པོ་དག་གི་ལུས་ལ
འོད་ཀྱི་ལྕེ་ཐེལ་དམར་པོ་རེ་བྱུགས་པ་ནས
ལྗོན་ཤིང་གི་རྟེན་དུ་གྱུར་བའི་རྩད་པ་སྨུག་པོ་དག་གི་མཆེ་བ
རྒྱ་མཚོའི་ཕྱོགས་སུ་གཙིགས

རྒྱ་མཚོའི་རྨ་ཁ་ལས་ཟགས་པའི་ཁྲག་ཐིགས་སྔོན་པོའི་ཚོགས
དཀྱིལ་འཁོར་ནག་པོའི་དབྱིངས་ཀྱི་འཛར་པང་ངོས་ལ་ཕྲུམ་ཕྲུམ་བབས

སྐར་མའི་རལ་གྲི་མཐའ་དག མུག་ནག་གི་ཕྱོགས་སུ་གདེངས་པས
དགུ་ཚིགས་སྐྱ་མོའི་སྐ་རགས་བཅད

མཐིང་ཁྲའི་གཡབ་དར་ལྷབ་ལྷུབ་སྐྱོད་པའི་ནམ་མཁའ་ནས
ཟླ་བ་སེར་པོའི་ཟེར་ཐིག་གི་ཀ་བ རྒྱ་མཚོའི་ལྷུམས་སུ་བཙུད

ས་གཞིའི་མངལ་སྒོ་ནས་བཏོན་པའི་མེ་རིའི་རྡོ་ཞུན་གྱི་གོང་བུ
ཁེར་ཧྲེང་གི་ཕ་བོང་ནག་པོ་ཞིག་ཏུ་གྲུབ
དུས་ཀྱི་རླུང་དམར་ལྡང་ཞིང ཡུལ་གྱི་སྤྲིན་ནག་གཏིབས་པས
ཕ་བོང་ནག་པོ་དེ་རྡོ་ཡི་སེང་གེ་ཞིག་ཏུ་གྱུར

གངས་ཀྱི་ཞུན་མ་བཏགས་པའི་མེ་ལོང་སྔོན་པོ་དེའི་ནང་ལ
གཡུ་རལ་ངོམ་པའི་སེང་གེ་དཀར་པོ་ཞིག་འཆར།

August 30，2023

ལོ་ཙཱ་བ་དང་སྐད་གཉིས་སྨྲ་བ་ཞེས་པ་ནི་འདི་འདྲ་ཞིག་ཡིན་ན་འགྲིག་སྟེ། མཁར་རྨེའུ་བསམ་གཏན་གྱིས་དབྱིན་ཡིག་གི་ལམ་ནས་བརྩམས་ཤིང་། བདེ་ཁང་བས་བོད་ཡིག་ཏུ་བསྒྱུར་བར། འདི་ལ་དབྱིན་ཡིག་གི་ཚིག་འགྲོས་དང་ཤན་ཤུགས། དེ་ཡི་ཤུལ་རྗེས་ཕྲ་མོ་ཙམ་ཡང་མི་འདུག་ཅེས་ཀྱང་ཐལ་མི་ཆེ་སྟེ། ཀློག་བཞིན་པའི་སྐབས་སུ་དེབ་འདི་སྒྱུར་དེབ་ཅིག་ཡིན་པ་ཡོངས་སུ་བརྗེད་དེ། བོད་ཡིག་གི་ལམ་ནས་བརྩམས་པའི་དཔེ་དེབ་ཅིག་ལ་འཇུག་བཞིན་པའི་སྣང་བ་སྐྱེས་པ་ནི། ད་གཟོད་ལོ་ཙཱ་བའི་ཁྱད་ཆོས་དངོས་དེ་ཡིན་རྒྱུ་རེད་སྙམ། མ་བདེན་ན་ཁྱོད་ཚོས་ལྟོས་དང་ཤེས་ངེས། https://t.cn/z8c1ZnZ

ང་རང་དཀའ་ཁག་དང་འཕྲད་དུས་རང་གི་གྲོགས་པོ་ཡིན་སྙམ་གྱིས་སྡུག་གཏམ་གཉོམ་པོ་གཉོམ་པོ་དག་སེམས་ཀྱི་སྙི་ས་སྙི་ས་ནས་ལག་ཏུ་གཏད་ན།རྩ་ཡི་རྒྱུ་ལམ་དུ་གྱུར་བའི་ལག་མཐིལ་དེ་ནས་ལ་དང་ལོང་བ་མེད་པར།ས་སྤུར་གནམ་སྤུར་བྱས་པའང་མི་སྐྱོན་མོད།མེད་པ་ལ་ཡོད་པ་དང་ཡོད་པ་ལ་རྭ།རྭ་ཡང་འདོམ་པ་བཅོ་བརྒྱད་དུ་སྨྲ་དགོས་པས་རྒྱུ་མཚན་དངོས་ནས་རྙེད་མ་བྱུང་།