བོད་ཀྱི་མཚན་ཉིད་རིག་པའི་ལོ་རྒྱུས་ནང་དུ་བཤད་གྲྭ་ལོགས་སུ་བཙུགས་ནས་རྒྱ་གཞུང་བསླབ་དེབ་བྱེད་པའི་རྨང་གཞི་དེ་ཇོ་བོའི་བཀའ་དྲིན་གྱིས་རྔོག་ལོ་སྐུ་མཆེད་ཀྱིས་གསང་ཕུ་ནེའུ་ཐོག་ནས་གཞི་ཚུགས་ཤིང་། དེ་ནས་རིམ་བཞིན་ལོ་ངོ་བརྒྱ་ཕྲག་ལྷག་ལ་གནས་འདི་ནས་མཁས་པ་སྐར་ཚོགས་ཀྱི་ཕྲེང་བ་བཞིན་ཐོན་ལ། གསང་ཕུ་ནེའུ་ཐོག་ཤིན་ཏུ་རྒྱས་པའི་སྐབས་དག་བོད་ཀྱི་མཚན་ཉིད་རིག་པའི་ལོ་རྒྱུས་ནང་དུ་ཉི་མ་ཉིན་གུང་དུ་སླེབས་པའི་དུས་ཤིག་ལ་ངོས་འཛིན་མི་ཆོག་པ་མེད་པར་སེམས། འོན་ཀྱང་གྲུབ་མཐའ་སོ་སོའི་ལུགས་འཛིན་པའི་མཁས་པ་སྣ་ཚོགས་བྱུང་ཞིང་ནང་ཁུལ་དུ་ཁམས་ཚན་བཙུགས། གསང་ཕུ་ནས་ཐོན་པའི་བོད་མཁས་པ་དག་གི་གྲས་སུ་རྒྱ་གཞུང་དག་ལ་འགྲེལ་བ་མི་འདྲ་བ་དང་དགོངས་པ་བཀྲལ་ཚུལ་མི་མཐུན་པ་སྣ་ཚོགས་བྱུང་བས་མཚམས་ཤིག་ནས་ཁམས་ཚན་སོ་སོས་རང་རང་ཕྱོགས་གཏོགས་ཀྱི་བོད་མཁས་པ་དག་ཚད་མར་བཟུང་བའི་དུས་ཚོད་ཅིག་ཀྱང་བྱུང་འདུག དེ་ནས་བཟུང་རྒྱ་གཞུང་བསླབ་དེབ་བྱེད་པའི་ལུགས་བཟང་དེ་ཡང་གནས་འདི་ནས་ཉམས་དམས་སུ་སོང་། མདོར་དྲིལ་ན་བོད་ཀྱི་མཚན་ཉིད་པའི་སྡེ་རུ་རྒྱ་གཞུང་བསླབ་དེབ་བྱེད་པའི་ལུགས་དེ་གསང་ཕུ་ནས་དར་ཞིང་གསང་ཕུ་ནས་ཉམས་རྒུད་དུ་སོང་བ་ཡིན་པ་འདྲ། [月亮]

བདེན་བཞིའི་གནས་ལུགས་མ་ཤེས་ཁྲོ་བའི་རྒྱུ།།
ཉམས་ལེན་གོ་རྟོགས་མ་སད་ལོག་ལྟས་བསླད།།
ལེགས་ཉེས་བླང་དོར་འབྱེད་པའི་རྣམ་དཔྱོད་མེད།།
བརྩོན་པའི་གཤོག་ཟུང་ཞན་དེ་སྐུར་འདེབས་པས།།
ཉེས་དམིགས་འདི་དག་བསམ་ན་ལན་ཆགས་རེད།། [失望]#每天闷书#

࿐དྲན་པའི་ཡོལ་བའི་ངོས་སུ་དམའ་འབྲིང་ལོ་རིམ་གཉིས་པ་ནས་བཟུང་ཏེ་ལོ་རེ་བཞིན་ཕ་ཡུལ་མདོ་སྨད་ཤར་ཕྱོགས་ཀྱི་ཆོས་སྡེ་ཆེན་མོ་ཀླུ་ཚང་དགོན་ཆེན་མོའི་གླིང་སྨད་ཀྱི་གྲྭ་ཤག་འདི་ནས་རིག་པའི་གནས་མཐའ་དག་ལ་མངའ་བརྙེས་པའི་དགེ་བའི་བཤེས་གཉེན་ཆེན་མོ་༧རྒྱ་གྲོལ་ལམ་ཤེས་རབ་བསྟན་དར་སོགས་ཀྱི་ཞབས་ལ་གཏུག་ནས་ས་ལམ་གྲུབ་མཐའ་དང་ལམ་རིམ། སྤྱོད་འཇུག སུམ་རྟགས། སྒྲ་རིག་པ། བསྡུས་གྲྭ། སྙན་ངག། ལོ་རྒྱུས་སོགས་གཙོས་པའི་གཞུང་རྣམས་བག་ཆགས་ཙམ་བཞག་མྱོང་བའི་ཁུལ་བྱས། ༢༠༡༥ལོ་ཡས་མས་ཙམ་ལོ་རེར་བཞིན་གནས་འདིར་ཡོང་པའི་སྐལ་བ་མ་ལྡན་ཡང་། ལོ་གཉིས་གསུམ་ནང་ལ་ཐེངས་ཤིག་ཅིས་ཀྱང་འདིར་ཡོང་ནས་དགེ་བའི་བཤེས་གཉེན་རྣམས་དང་གཞན་བློ་ཁ་མཐུན་པའི་ཆོས་གྲོགས་ཁ་ཤས་དང་ལྷན་ཏུ་ཁ་བརྡ་ཀློད། གུ་རེ་རྩེ། རྒྱ་ཇ་འཐུང་། ཟ་མ་ཟ་བ་སོགས་ལས་སྣ་ཚོགས་བྱས་པ་ཡིན། དེ་རིང་ཡང་བསྐྱར་གནས་འདིར་ཡོང་ནས་དགེ་བའི་བཤེས་གཉེན་རྣམས་ལ་ཁམས་བདེ་འཚམས་ཞུས་པ་ཡིན་ལ། ཕྱིར་ལམ་དུ་ཆས་དུས་དགེ་བའི་བཤེས་གཉེན་ཆེན་མོ་༧རྒྱ་གྲོལ་ལགས་ནས་བསམ་པའི་རྒྱགས་ཕྱེ་གྱ་ནོམ་པ་ཞིག་གིས་སྐྱེལ་མ་ཞུས།