ལྗོན་ཤིང་ལས། སྔོན་ཚེ་བྱ་ཆེན་ཤང་པ་ཡིས། །སངས་རྒྱས་མཆོད་པའི་མཆོད་རྫས་སུ། །རྒྱ་མཚོའི་མཐའ་ནས་དྲིལ་བུའི་གཟུགས། །མེ་ཏོག་དཀར་སེར་དམར་སྔོ་བཞི། །བླངས་ནས་རྒྱལ་བར་མཆོད་པ་ལས། །རྒྱལ་བ་དགྱེས་ནས་མེ་ཏོག་དེ། །ཕྱག་གིས་བཞེས་ནས་མཁའ་ལ་གཏོར། །སྙིགས་དུས་མཆོག་གསུམ་མཆོད་པའི་རྫས། །ཐབས་ཤེས་མཚོན་བྱེད་རྡོ་དྲིལ་གྱི། །རྣམ་པར་བཀྲ་བའི་མེ་ཏོག་དེ། །འཛམ་གླིང་ཡུལ་གྲུ་ཐམས་ཅད་དུ། །སྐྱེ་བར་ཤོག་ཅེས་གསུངས་པའི་ཚེ། །བདེན་མཐུས་ཡུལ་གྲུ་ཀུན་ལ་འཁྲུངས། །དེ་ཕྱིར་ཤང་དྲིལ་ཞེས་བརྗོད་དོ། །ཞེས་གསུངས།#སྟོན་དུས་ཀྱི་ཕ་ཡུལ།# https://t.cn/ELYLrKb

ལོ་ན་ཉི་ཤུ

ལོ་ན་ཉི་ཤུའི་རྗེས་སུ
འུ་གཉིས་ཀ་རྒས་ཚར
སྣང་བ་རླུང་གིས་ཁུར
ལང་ཚོ་སད་ཀྱིས་བཅོམས
ཨ་གསར་ཡལ

ལོ་ན་ཉི་ཤུའི་རྗེས་སུ
འུ་གཉིས་ཀ་འགྱུར་ཟིན
སྐྲ་མཐར་སྤུ་དཀར་གཟེང
མིག་མཐར་མཆི་མ་འཁྱིལ
སེམས་གཅོང་ལྕི

ལོ་ན་ཉི་ཤུའི་རྗེས་སུ
ངས་ཁྱོད་ལ་གསང་ཚིག་དུ་མ་ཤིག
དུམ་བུར་བགོས་ནས་བྱིན
ཡོད་ཚད་ལ་བདེ་མོ་བཞགས
ང་འགྲོ་བར་རན་པས་ཡིན

ལོ་ན་ཉི་ཤུའི་རྗེས་སུ
འུ་གཉིས་ཀྱིས་གསང་གཏམ་དང་མཚན་མོ
མཚན་མོ་ལས་འདས་པ་དག་གླེང་ཤིང
ལས་དབང་གི་བཀོད་བསྒྲིགས་ལ་འཁོན་སེམས་ལྡང
འུ་གཉིས་གྱེས་ཚར་བས་ཡིན

ལོ་ན་ཉི་ཤུའི་རྗེས་སུ
འུ་གཉིས་ཀ་འགྲོ་རན
ལང་ཚོ་འཐོར་ཤུལ་དུ་ལུས་པའི་ཉི་ཤུ་དང
ཉི་ཤུའི་ཐང་གཞོང་དུ་བཀྲམས་པའི་ཕྱིར་དྲན
ཡོད་ཚད་ཀྱི་ཡོད་ཚད་ལ་གྱེས་ཕྱག་ཞུས https://t.cn/ELwHUaG

རང་ཉིད་ལགས། ཁྱོད་ལ་གྲོགས་པོ་མང་པོ་ཞིག་གཏན་ནས་མེད་མོད། གྲོགས་པོའི་བློ་སྣ་ཆུ་ཡིན་པས། གནས་གཅིག་ནས་འཁྱིལ་འདུག་ཟེར་རྒྱུ་ཁག་པོ་རེད།
དེ་བས་ཆུ་བོ་བཞུར་འབབ་ཀྱིས་གནོན་ཤུགས་མི་འབྱུང་བར་བསམ་གཞིག་རེའང་བྱོས།

——རང་ཉིད་གདམས་པ་ལས་ཕྱུང་།