心态是怎样的，生活就会怎样，命运就会怎样。

对力所能及的事全力以赴
对不可控制的事顺其自然

祈愿所有人趋入善道
祈愿所有人离苦得乐
祈愿所有人平安吉祥

ཨོཾ་ཨཱ་ཧཱུྃཿབཛྲ་གུ་རུ་པདྨ་སིདྡྷཱི་ཧཱུྃཿ
嗡啊吽 曼札厄勒 白玛悉地 吽
​​​

སྟོན་པ་ཐུགས་རྗེ་ཅན་གྱིས། བདེ་བ་འདོད་ཅིང་སྡུག་བསྔལ་མི་འདོད་པའི་གཞི་རྩའི་མངོན་འདོད་འདིའི་ཆེད་དུ་སྐྱེ་འཆི་བྲལ་བའི་གཏན་བདེའི་ལམ་བུ་འཚོལ་བའི་སྐྱེ་བོ་རྣམས་ལ་བདེ་སྡུག་གི་འབྱུང་རྩ་དང་། དགེ་སྡིག་གི་བླང་དོར་དང་གཉུག་མའི་བདེན་དོན་སོགས་མདོར་ན་ཡིད་ཚིམ་པའི་ནང་སེམས་ཀྱི་ཞི་བདེ་འཚོལ་ཐབས་སུ་བདེན་པ་བཞི་ཡི་ཆོས་ཚུལ་འདི་གསུངས་པ་ཡིན། དེ་ཡང་རྗེ་བདག་ཉིད་ཆེན་པོས། “བདེན་བཞི་ནི་ཐེག་པ་ཆེ་ཆུང་ཀུན་ཏུ་ལན་དུ་མར་གསུངས་ཤིང༌། འཁོར་བར་འཇུག་པ་དང་དེ་ལས་ལྡོག་པའི་གནད་རྣམས་བདེ་བར་གཤེགས་པས་བསྡུས་པ་ཡིན་པས་རྣམ་གྲོལ་བསྒྲུབ་པ་ལ་ཤིན་ཏུ་གལ་ཆེ་ཞིང༌། ཉམས་ལེན་གྱི་འགག༌སྡོམ་ཡང་ཆེ་བས་རིམ་པ་དེ་ལྟར་དུ་སློབ་མ་འཁྲིད་དགོས་ཏེ། སྡུག་བདེན་བསམས་པའི་སྒོ་ནས་འཁོར་བ་ལ་ཞེན་ལོག་རྣལ་མ་ཞིག་མེད་ན། ཐར་པ་ཐོབ་འདོད་ཚིག་ཙམ་དུ་འགྲོ་བས་ཅི་བྱས་ཀུན་འབྱུང་དུ་འགྲོ་ལ། ཀུན་འབྱུང་བསམས་པའི་སྒོ་ནས་འཁོར་བའི་རྩ་བ་ལས་དང་ཉོན་མོངས་པ་རྣམས་ལེགས་པར་མི་ཤེས་ན། འབེན་མ་མཐོང་བའི་མདའ་བརྡེག་པ་ལྟར་ལམ་གྱི་གནད་རྣམས་ཆད་ཅིང་སྲིད་པ་ལས་གྲོལ་བའི་ལམ་མ་ཡིན་པ་ལ་ཡིན་པར་བཟུང་ནས་ངལ་བ་འབྲས་བུ་མེད་པར་འགྱུར་བའི་ཕྱིར་དང༌། སྤང་བྱ་སྡུག་ཀུན་མ་ཤེས་ན། དེ་ཉེ་བར་ཞི་བའི་ཐར་པའང་ངོས་མི་ཟིན་པས་ཐར་པ་དོན་གཉེར་ཡང་རློམ་པ་ཙམ་དུ་ཟད་པའི་ཕྱིར་རོ། །” ཞེས་གསུངས་པ་ལྟར་དང་།

དེ་བཞིན་བླ་མ་བདག་ཉིད་ཆེན་པོས། "བདེན་བཞི་འདི་ནི་ནང་བའི་ལྟ་བ་དང་ཉམས་ལེན་གྱི་རྩ་བའི་སྒྲོམ་ཡིན།" ཞེས་གསུངས་པ་དག་གིས་མཚོན། བདེན་པ་བཞི་ནི་ནང་པ་སངས་རྒྱས་པའི་རྩ་བའི་ཆོས་ཀྱི་སྡོམ་ཆེན་པོ་དང་ཉམས་ལེན་གྱི་རྨང་གཞི་བཏིང་ས་ཞིག་ཡིན་ལ། དེ་བས་ང་ཚོ་ནང་པའི་གྲལ་དུ་ཐེ་བའི་མི་ཞིག་ཡིན་པའི་ངོས་ནས་བདེན་བཞིའི་ཆོས་ཚུལ་འདི་ལ་དམིགས་ཀྱིས་བཀར་ནས་སློབ་སྦྱོང་བྱས་ཏེ་ཆ་ཡོད་རྒྱུས་ཡོད་བྱེད་རྒྱུ་དང་། གཙོ་བོར་ནང་སེམས་སུ་བདེན་བཞིའི་འཇུག་ལྡོག་འབྲེལ་བའི་ཉམས་ལེན་རྨང་གཞི་བཏིང་ནས་བདེན་བཞིའི་སྐོར་ལ་མི་ཚེའི་འཚོ་བ་དངོས་ཀྱི་ནང་དུ་མྱོང་ཐོག་ནས་གོ་རྒྱུ་དང་ཚོར་རྒྱུ་སླེབས་དགོས་རྒྱུ་ནི་གནད་ཀྱི་དོན་པོར་སྣང་ངོ་། །

བདག་ལ་མཚོན་ན་བདེན་བཞིའི་ཉམས་ལེན་ཕར་ཞོག་གོ་བ་ཡང་དག་པ་ཞིག་མེད་ཀྱང་བདེན་བཞི་ལ་ངོས་འཛིན་བྱེད་རྒྱུ་དང་དོན་སྤྱི་རགས་པ་ཤར་བ་ལ་ཕན་ཐོགས་དང་གོ་བ་སྟེར་ཚབས་ཆེ་ཤོས་ནི། “ནད་ནི་ཤེས་བྱ་ནད་ཀྱི་རྒྱུ་ནི་སྤང་བྱ་ལ། །བདེར་གནས་ཐོབ་བྱ་སྨན་ནི་བསྟེན་པར་བྱ་བ་ལྟར། །སྡུག་བསྔལ་རྒྱུ་དང་དེ་འགོག་པ་དང་དེ་བཞིན་ལམ། །ཤེས་བྱ་སྤང་བྱ་རིག་པར་བྱ་ཞིང་བསྟེན་པར་བྱ། །”ཞེས་རྒྱུད་བླ་མའི་ཚིགས་བཅད་འདི་ཡིན། དེ་ཡང་ཚིགས་བཅད་འདི་ལམ་རིམ་ཆེན་མོའི་བདེན་བཞིའི་ཐད་དུ་དྲངས་ནས་འགྲེལ་བཤད་གནང་བ་ཡོད་པ་དེས་ཡིན་ནོ། །

དེ་དུས་ཀྱི་ང་ཚོར་རྨི་ལམ་ཡོད། རྩོམ་རིག་དང་བརྩེ་དུང་། ད་དུང་རྒྱལ་ཁམས་ཕྱོགས་མེད་དུ་མྱུལ་བའི་ཕུགས་བསམ་དེ་ཡོད། ད་ལྟ་བའི་ང་ཚོས་མཚན་གུང་ཆང་ལ་རོལ། པུ་ཙེ་དང་པུ་ཙེ་ཕྲད་པ། རྨི་ལམ་ཆག་པའི་སྒྲ་ཁོ་ནའོ།།

__པའེ་ཏའོ་ཡི་<<ཁང་བ་སྔོན་པོ།>>་ལས།