#微博[超话]# ༄༅། །ང་རྒྱལ་ཅན་ལ་མགུ་དུས་མེད།།
ཕྲག་དོག་ཅན་ལ་དགའ་དུས་མེད།།
འདོད་ཆགས་ཅན་ལ་ཆོག་དུས་མེད།།
ཞེ་སྡང་ཅན་ལ་མཐུན་དུས་མེད།།
སེར་སྣ་ཅན་ལ་ཡོད་དུས་མེད།།
གཏི་མུག་ཅན་ལ་འགྲུབ་དུས་མེད།།
འཁྲུལ་བའི་སེམས་ལ་བདེ་དུས་མེད།།

傲慢者无满足之时，
嫉妒者无欢喜之时，
贪欲者无餍足之时，
嗔恨者无和睦之时，
吝啬者无具财之时，
愚痴者无成事之时，
心乱者无快乐之时。

༄༅།།དེ་ཡང་རྣམ་ཐར་ཆེན་མོ་ལས། དེ་སྐབས་སུ་གཉལ་དུ་ཆོས་འཁོར་ཞིག་འཛུགས་པར་བཞེད་ནས་ར་གྲོང་མཁན་པོ་ལ་ཞལ་ཏ་གནང་བས་ཁོང་གི་སྦྱིན་བདག་གི་མཐིལ་ལེན་ཞུས་ཤིང་། གཞན་ཡང་དད་འབུལ་མང་དུ་བྱུང་བ་ལ་བརྟེན་ནས་གཉལ་ཕྱོགས་ཀྱི་དགེ་འདུན་གྱི་སྡེ་ཕལ་ཆེ་བའི་སྡེ་སྣོད་འཛིན་པ་ཐམས་ཅད་བསྡུས་ཏེ་ཆོས་ཀྱི་འཁོར་ལོ་ཞག་མང་པོ་བར་དུ་མཛད་ཅིང་། དེ་བར་དགེ་འདུན་ཚོགས་པ་ལ་ཞབས་ཏོག་ཕུན་སུམ་ཚོགས་པ་གྲུབ། དེ་ཡང་གཉལ་གྱི་སྡེ་པ་རྣམས་ཕན་ཚུན་གྲལ་སོགས་ལ་ཡེ་མི་འཆམ་པས་ལྷན་གཅིག་ཏུ་ཚོགས་པ་མི་སྲིད་པ་ཙམ་ཡིན་པ་ལ།དེ་དུས་རྗེ་ཉིད་ཀྱི་ཐུགས་རྗེའི་སྟོབས་དང་ཐབས་མཁས་པའི་དབང་གིས་ཐམས་ཅད་རྩོད་པ་མེད་ཅིང་དམ་པའི་ཆོས་ཀྱིས་དུས་འདའ་བར་གྱུར་བ་ལ། རྗེ་ཉིད་ནས་དད་ཅན་སོ་སོ་ལ་དད་འབུལ་དང་རྒྱུན་པའི་བསྙེན་བཀུར་ཁས་ལེན་དགེ་སྐུལ་སོགས་ཀྱི་ཞལ་ཏ་གནང་བར་ཡངཐམས་ཅད་སྤྲོ་དགའ་་དང་བཅས་པས་ལྷུར་ལེན་པར་གྱུར་སྣང་སྟེ། དེ་ལྟ་བུའི་ཆོས་འཁོར་ལ་གཉལ་གྱི་ལུང་ར་ཆེན་མོར་གྲགས་་ཤིང་། དུས་ཕྱིས་ཀྱང་དེའི་ལོ་དུས་ལ་ཆོས་འཁོར་ཞག་མང་པོར་བྱེད་པ་མ་ཆག་པར་ཡོད་དོ།

བོད་ཀྱི་བུད་མེད་ཚོའི་ནང་དུ་ཡི་གེ་ཤེས་མཁན་ཤིན་ཏུ་ཉུང་ཤིང་དེ་ལས་ཀྱང་ཡི་གེ་འབྲི་མཁན་ནི་དཀོན་པའི་ཚད་དུ་བཞག་ཀྱང་ཆོག ལྷག་ཏུ་ཁ་རྩང་དེ་རིང་གི་དུས་སྐབས་འདི་རྣམ་གཡེང་དང་འུར་ཟིང་ལ་གོམས་ལོབས་སོང་བའི་དུས་ཤིག་ཡིན་པས་ཡི་གེ་བྲིས་ཤིང་དེབ་ཏུ་དཔར་མཁན་ནི་ཇེ་བས་ཇེ་དཀོན་དུ་འགྲོ་བཞིན་ཡོད། བུད་མེད་འདི་གཉིས་ཀྱིས་སློབ་ཞོར་དུ་བྲིས་པའི་རྩོམ་ཡིག་དག་དེབ་ཏུ་བསྐྲུན་ནས་ཨ་མའི་ནུ་རིན་ཙམ་དང་ཁྱིམ་གྱི་ཟས་རིན་ཙམ། ཡང་ན་དགེ་རྒན་གྱི་བཀའ་དྲིན་མཚོན་བྱེད་ཙམ་དུ་སོང་ཞེས་བརྗོད་ཀྱང་ཆོག་པས་ཚང་མས་ཐུགས་ཁུར་དང་རྒྱབ་སྐྱོར་གནང་བར་ཞུ།