ད་ལོར་敦煌ཏུན་ཧོང་རགས་མཇལ་བྱས་པ།
ཏུན་ཧོང་།
ཞེས་པའི་མིང་འདི་ཇི་ལྟར་བྱས་ནས་ཐོག་མིན་ལ་ཟེར་སྲོལ་འགའ་འདུག བོད་ཀྱི་༼འདུ་ཁང་༽ཞེས་པ་ཟུར་ཆག་པར་འདོད་པ་དང་། འགའ་ཡིས་གནས་འདིར་ས་ཕུག་སྟོང་དང་སངས་རྒྱས་སྟོང་སྐུ་ཡོད་པས་དེ་སྐད་བཏགས་པ་རེད་ཟེར་བ་དང་། ཡང་གཞན་གྱིས་སྔོན་བཙན་པོ་ཁྲི་ལྡེ་གཙུག་བརྟན་གྱི་རྒྱལ་རབས་སྐབས་ལོ་བརྒྱ་ཕྲག་ལྷག་ཅིག་ལ་བོད་ཀྱི་མངའ་ཁོངས་སུ་གནས་པས། སྐབས་དེར་བོད་ཀྱི་སྟོང་དཔོན་ཞིག་གིས་ས་དེར་བཟུང་བས་༼སྟོང་དཔོན༽ཞེས་པ་ཟུར་ཆག་ནས་ཏུན་ཧོང་ཞེས་པ་ཐོགས་ཚུལ་སོགས་བཤད་སྟངས་འདྲ་མིན་འདུག་ཀྱང་ཕྱི་མར་ཅུང་བདེན་པ་ར་སྤྲོད་བྱས་འདུག
གནས་འདི་ནི་ཕྱི་ལོ་སྔོན༢༦༦ལོར་ཆིན་རྒྱལ་རབས་སྐབས་ནང་པའི་རྣལ་འབྱོར་པ་༼བློ་བཙུན༽ཟེར་བར་དག་སྣང་ཁྱད་པར་ཅན་ལས་སངས་རྒྱས་སྟོང་སྐུ་ཞིག་ས་ཕུག་འདིའི་ངོས་སུ་འཐིམ་སྣང་འཆར་བས་རྐྱེན་བྱས་ཏེ་ཡུལ་དེར་ཕུག་པ་ཞིག་བརྐོས་ཏེ་སྒོམ་སྒྲུབ་བྱས་ཏེ་ཐོག་མ་འདི་བྱུང་བ་ཡིན་ཞེས་ཡུལ་དེར་ཡོད་པའི་ཐང་རྒྱལ་རབས་སྐབས་ཀྱི་རྡོ་རིང་དེར་འདུག ཡང་འདིར་སྔོན་གཡུ་ལམ། ཆོས་ལམ། ཟ་འོག་དར་ལམ་ཞེས་སོགས་རྒྱལ་ཕྱི་ནང་བར་གྱི་ཚོང་འབྲེལ་གྱི་ལྟེ་གནས་ཡིན་པ་དང་ཐང་དགེ་སློང་རྒྱ་གར་ནས་ཆོས་བླངས་ནས་ཕྱིར་རྒྱ་ནག་རྒྱལ་ས་西安ཞིས་ཨན་དུ་ཕེབས་ལམ་ཡིན་པ་སོགས་ཀྱིས་མིང་སོ་སོར་གྲགས་པའང་ཡོད།
རྗེས་སུ་༡༨༩༩ལོར་གསར་རྙེད་བྱུང་ཞིང་ནང་དུ་ཡོད་པའི་རིག་མཛོད་སྐོར་ནི། གནའ་བོའི་སྤྱི་ཚོགས་སྐོར་གྱི་ཡིག་ཆ་དང་། ཁྲིམས་ལུགས་དང་། ཆོས་ལུགས། སྐད་ཡིག རྩོམ་ཡིག སྨན་དཔྱད་སོགས་རིན་ཐང་ཅན་ཤ་སྟག་གི་སྐོར་དང་། ཡིག་རིག་མི་འདྲ་བ་བཅུ་བདུན་ཙམ་དང་། དེ་དག་ལས་བརྒྱ་ཆའི༨༠%ཙམ་ནང་བསྟན་སྐོར་གྱི་དཔེ་རྙིང་ཡིན་པར་བཤད། འདི་དག་ནི་དུས་རབས་སྔོན་མའི་དུས་མགོ་ནས་རིམ་པར་དབྱིན་ཇི་བ་དང་ཧྥ་རན་སི་དང་ཉི་ཧོང་པ་དག་གིས་རིམ་གྱིས་ཧབ་ཐོབ་བྱས་ཏེ་ཁྱེར་བ་དང་། དེ་རྗེས་སུ་རྒྱ་ནག་གིས་ཀྱང་ལྷག་མ་དག་རྒྱལ་ས་པེ་ཅང་དུ་ཁྱེར་ཏེ་ད་ལྟ་སོ་སོའི་དངོས་རྙིང་བཤམས་སྟོན་ཁང་དུ་བཞུགས་པ་ལས་འདིར་ད་ལྟ་འཁྱེར་མི་བཏུབ་པའི་འདྲ་སྐུ་ཆེན་པོ་འགའ་དང་། ལྡེབ་རིས་རྙིང་བ། ས་ཕུག་སྟོང་པ་དག་བསྐྱར་བཅོས་རེ་བྱས་ནས་བཞག་པ་སོགས་ལས་ཅང་མི་འདུག གནས་དེར་ཕུག་སྟོང་༤༩༢ཡོད་པར་བཤད་ཅིང་ཆེ་ཆུང་ཀུན་བརྩིས་པས་ཕུག་སྟོང་དེ་ཙམ་ཞིག་ཡོད་ཚོད་གདའ།
ཏུན་ཧོང་།
ཞེས་པའི་མིང་འདི་ཇི་ལྟར་བྱས་ནས་ཐོག་མིན་ལ་ཟེར་སྲོལ་འགའ་འདུག བོད་ཀྱི་༼འདུ་ཁང་༽ཞེས་པ་ཟུར་ཆག་པར་འདོད་པ་དང་། འགའ་ཡིས་གནས་འདིར་ས་ཕུག་སྟོང་དང་སངས་རྒྱས་སྟོང་སྐུ་ཡོད་པས་དེ་སྐད་བཏགས་པ་རེད་ཟེར་བ་དང་། ཡང་གཞན་གྱིས་སྔོན་བཙན་པོ་ཁྲི་ལྡེ་གཙུག་བརྟན་གྱི་རྒྱལ་རབས་སྐབས་ལོ་བརྒྱ་ཕྲག་ལྷག་ཅིག་ལ་བོད་ཀྱི་མངའ་ཁོངས་སུ་གནས་པས། སྐབས་དེར་བོད་ཀྱི་སྟོང་དཔོན་ཞིག་གིས་ས་དེར་བཟུང་བས་༼སྟོང་དཔོན༽ཞེས་པ་ཟུར་ཆག་ནས་ཏུན་ཧོང་ཞེས་པ་ཐོགས་ཚུལ་སོགས་བཤད་སྟངས་འདྲ་མིན་འདུག་ཀྱང་ཕྱི་མར་ཅུང་བདེན་པ་ར་སྤྲོད་བྱས་འདུག
གནས་འདི་ནི་ཕྱི་ལོ་སྔོན༢༦༦ལོར་ཆིན་རྒྱལ་རབས་སྐབས་ནང་པའི་རྣལ་འབྱོར་པ་༼བློ་བཙུན༽ཟེར་བར་དག་སྣང་ཁྱད་པར་ཅན་ལས་སངས་རྒྱས་སྟོང་སྐུ་ཞིག་ས་ཕུག་འདིའི་ངོས་སུ་འཐིམ་སྣང་འཆར་བས་རྐྱེན་བྱས་ཏེ་ཡུལ་དེར་ཕུག་པ་ཞིག་བརྐོས་ཏེ་སྒོམ་སྒྲུབ་བྱས་ཏེ་ཐོག་མ་འདི་བྱུང་བ་ཡིན་ཞེས་ཡུལ་དེར་ཡོད་པའི་ཐང་རྒྱལ་རབས་སྐབས་ཀྱི་རྡོ་རིང་དེར་འདུག ཡང་འདིར་སྔོན་གཡུ་ལམ། ཆོས་ལམ། ཟ་འོག་དར་ལམ་ཞེས་སོགས་རྒྱལ་ཕྱི་ནང་བར་གྱི་ཚོང་འབྲེལ་གྱི་ལྟེ་གནས་ཡིན་པ་དང་ཐང་དགེ་སློང་རྒྱ་གར་ནས་ཆོས་བླངས་ནས་ཕྱིར་རྒྱ་ནག་རྒྱལ་ས་西安ཞིས་ཨན་དུ་ཕེབས་ལམ་ཡིན་པ་སོགས་ཀྱིས་མིང་སོ་སོར་གྲགས་པའང་ཡོད།
རྗེས་སུ་༡༨༩༩ལོར་གསར་རྙེད་བྱུང་ཞིང་ནང་དུ་ཡོད་པའི་རིག་མཛོད་སྐོར་ནི། གནའ་བོའི་སྤྱི་ཚོགས་སྐོར་གྱི་ཡིག་ཆ་དང་། ཁྲིམས་ལུགས་དང་། ཆོས་ལུགས། སྐད་ཡིག རྩོམ་ཡིག སྨན་དཔྱད་སོགས་རིན་ཐང་ཅན་ཤ་སྟག་གི་སྐོར་དང་། ཡིག་རིག་མི་འདྲ་བ་བཅུ་བདུན་ཙམ་དང་། དེ་དག་ལས་བརྒྱ་ཆའི༨༠%ཙམ་ནང་བསྟན་སྐོར་གྱི་དཔེ་རྙིང་ཡིན་པར་བཤད། འདི་དག་ནི་དུས་རབས་སྔོན་མའི་དུས་མགོ་ནས་རིམ་པར་དབྱིན་ཇི་བ་དང་ཧྥ་རན་སི་དང་ཉི་ཧོང་པ་དག་གིས་རིམ་གྱིས་ཧབ་ཐོབ་བྱས་ཏེ་ཁྱེར་བ་དང་། དེ་རྗེས་སུ་རྒྱ་ནག་གིས་ཀྱང་ལྷག་མ་དག་རྒྱལ་ས་པེ་ཅང་དུ་ཁྱེར་ཏེ་ད་ལྟ་སོ་སོའི་དངོས་རྙིང་བཤམས་སྟོན་ཁང་དུ་བཞུགས་པ་ལས་འདིར་ད་ལྟ་འཁྱེར་མི་བཏུབ་པའི་འདྲ་སྐུ་ཆེན་པོ་འགའ་དང་། ལྡེབ་རིས་རྙིང་བ། ས་ཕུག་སྟོང་པ་དག་བསྐྱར་བཅོས་རེ་བྱས་ནས་བཞག་པ་སོགས་ལས་ཅང་མི་འདུག གནས་དེར་ཕུག་སྟོང་༤༩༢ཡོད་པར་བཤད་ཅིང་ཆེ་ཆུང་ཀུན་བརྩིས་པས་ཕུག་སྟོང་དེ་ཙམ་ཞིག་ཡོད་ཚོད་གདའ།
རྒྱུགས་སྤྲོད་དང་ཤེས་ཡོན།
————///—-དྲེད་པོ་ཧོར།
ཧོང་ཀོང་གི་གློག་བརྙན་འཁྲབ་སྟོན་པ་གྲགས་ཅན་ཨེན་ཌི་ལཱོ་ལ་རྒྱུད་པ་བུ་མོ་གཅིག་ཁེ་རུ་མ་ཡོད་པ་དང་། བུ་མོ་དེ་ཁོ་རང་དགུང་ན་ལྔ་བཅུ་ང་གཅིག་ལ་སོན་པ་དང་གཟོར་སྐྱེས་པ་ཡིན། ཁོང་གི་ཆེས་བྱམས་ཤོས་དང་རྩ་ཆེ་ཤོས་ཀྱི་མི་དེ་ནི་རང་གི་བུ་མོ་གཅིག་པུ་དེ་ཡིན་ཞིང་། ཁོས་བུ་མོ་དེ་ལ་གཞན་སུས་ཀྱང་མ་ཐུབ་པའི་ལྟ་རྟོགས་ལྷག་མ་ཅི་ཞིག་བྱས་ཡོད་རྒྱུ་རེད་ལབ་ན། རང་གི་བུ་མོ་དེ་ཡིག་རྒྱུགས་གཏོང་མི་དགོས་སའི་སློབ་གྲྭ་ཞིག་ཏུ་མངགས་འདུག རྒྱུ་མཚན་ནི་རང་གི་བུ་མོར་རྒྱུགས་སྤྲོད་ཀྱི་གནོན་ཤུགས་དང་དཀའ་ངལ་མྱོང་བཅུག་འདོད་མེད་པས་རེད། རླབས་ཆེན་གྱི་སྐྱེས་བུ་ཁོང་གིས་གནང་སྟངས་འདི་ལ། དཔྱད་བརྗོད་པ་མང་པོ་ཞིག་གིས་སྒྲུབ་ཕྱོགས་ནས་ལྟ་ཚུལ་བཟུང་འདུག ངོ་མ་ཕྲུ་གུ་ལ་བསམ་བློ་གཏོང་སྟངས་དེ་ཧང་སངས་བ་ཞིག་ཡིན་པ་དང་། དེང་སང་གི་ཕྲུ་གུ་རྣམས་ཀྱིས་མྱོང་བཞིན་པའི་རྒྱུགས་སྤྲོད་ཀྱི་གནོན་ཤུགས་དང་། འཇིགས་སྐྲག་དེ་ནི་བསམ་ཡུལ་ལས་འདས་པ་ཞིག་ཡིན་ལ། དེང་གི་སློབ་ཐོན་པ་དང་སློབ་མ་ཕལ་ཆེ་བ་ལ་རྒྱུགས་སྤྲོད་གནོན་ཤུགས་ཀྱིས་སེམས་ཁམས་ནད་པ་བཟོས་ཡོད་པ་ཞིབ་འཇུག་པ་དག་གིས་བཤད་ཀྱི་ཡོད།
སྤྱིར་རྒྱུགས་སྤྲོད་ནི་གཞུང་དང་སྒྲིག་འཛུག་དག་གིས། དགོས་དབང་ཞིག་གིས་ལས་ཀ་ལྷག་མ་ལྟ་བུ་ཞིག་ཆེད་དུ་བཟོས་བཞག་པ་ལས། མི་སྒེར་གྱི་ཤེས་ཡོན་དང་སློབ་སྦྱོང་ལ་དེ་ཙམ་འབྲེལ་བ་མེད་པ་ལྟར་ཆགས་ཡོད། ད་དུང་འགའ་རེས་ཟེར་ན་རྒྱུགས་སྤྲོད་ཀྱིས་ཤེས་ཡོན་དངོས་ལ་གནོད་ཚུལ་གྱི་བསམ་འཆར་འདོན་མཁན་ཀྱང་དགེ་རྒན་ཆེན་མོ་མང་པོ་ཡོད། ལྷག་པར་ཤེས་ཡོན་སྲིད་ཇུས་ཀྱི་ལམ་ལུགས་དམ་པོ་ཡོད་སའི་རྒྱལ་ཁབ་རེ་ཟུང་གི་ཕྲུ་གུ་རྣམས་ལ། དམིགས་གསལ་ནས་རྒྱུགས་སྤྲོད་ཀྱི་གནོན་ཤུགས་ལྕི་དྲགས་ཚུལ་གྱི་དགག་པ་བརྗོད་མཁན་དེ་བས་ཀྱང་ཤིན་ཏུ་མང་། ཁྱིམ་བདག་ཕ་མ་དང་། དགེ་རྒན། སློབ་གྲྭ། སྲིད་གཞུང་ཀུན་གྱིས་འདིའི་སྐོར་ལ་དེང་སྐབས་བསམ་གཞིག་ནན་མོ་གཏོང་རན་ཡོད་པའི་གནས་ཚུལ་ཞིག་ཆགས་ཡོད། རང་གསོད་དང་། མི་དམངས་ནང་མེ་མདག་རྒྱག་པ། སྨན་རྫས་རིགས་སྤྱོད་པ་སོགས་ཀྱི་སྤྱི་ཚོགས་ཀྱི་དཀའ་རྙོག་མང་པོ་ཞིག་ཀྱང་རྒྱུགས་སྤྲོད་ལམ་ལུགས་དང་འབྲེལ་བ་སྒོ་ཀུན་ནས་མེད་པ་ཡང་ཆགས་མེད།
ང་ཚོ་ལ་དགོས་པ་དང་བརྩོན་ས་ནི་ཤེས་བྱ་དང་ཡོན་ཏན་ཡིན་པ་ལས། གནོན་ཤུགས་དང་མནར་གཅོད་སེམས་ངལ་དེ་ཚོ་ནི་གཏན་ནས་མིན། ཤེས་ཡོན་སློབ་སྦྱོང་ནི་དེ་བས་ཀྱང་འདི་དག་གི་མཚོན་པའི་སྡུག་བསྔལ་དེ་དག་སེལ་ཐབས་སུ་འགྲོ་དགོས་པ་ལས། དཀའ་ངལ་བཟོ་བྱེད་དང་། སྡུག་བསྔལ་འདྲེན་བྱེད་དུ་གྱུར་མི་རུང་། དེ་ལྟར་གྱུར་ན་ཁ་ཟས་དུག་ཏུ་སོང་བ་དང་ཆ་ཡིན། དེ་ཕྱིར་འཇར་པན་དུ་ཉམས་མྱོང་དེ་དག་དངོས་སུ་མངོན་མྱོང་ཐོབ་ནས། འཛིན་རིམ་གང་མཚམས་མཐོན་པོ་ཞིག་ལ་མ་སླེབས་བར་རྒྱུགས་སྤྲོད་མེད་པ་བཟོས་ཡོད་ཚུལ་ཐོས། ང་ཚོ་འགྲོ་བ་མི་འདི་བལྟས་ཚོད་ལ་སྤྱང་གྲུང་དོད་ཤོས་ཀྱི་སེམས་ཅན་གྱི་རིགས་ཤིག་ཡིན་ཡང་། སྐབས་རེར་ནང་ཆོས་ལས་གསུངས་བ་བཞིན་བདེ་བ་འདོད་ཀྱང་བདེ་བའི་རྒྱུ་སྒྲུབ་མི་ཤེས་ཟེར་བ་ལྟར། བདེ་སྐྱིད་ཀྱི་ཆེད་དུ་ཐོབ་པ་ལས་ཀྱང་ཤོར་བ་མང་དྲགས་འགྲོ་མཁན་ཞིག་ཡིན་པས། ངེས་པར་དུ་བདེ་སྐྱིད་ཅི་ཞིག་ལས་ཐོབ་མིན་རང་གི་ཀླད་པའི་ནང་རྩིས་གསལ་བོ་སྐོར་ཐུབ་པ་ཞིག་དགོས་སོ།། ༡༢/༧/༢༠༢༣
————///—-དྲེད་པོ་ཧོར།
ཧོང་ཀོང་གི་གློག་བརྙན་འཁྲབ་སྟོན་པ་གྲགས་ཅན་ཨེན་ཌི་ལཱོ་ལ་རྒྱུད་པ་བུ་མོ་གཅིག་ཁེ་རུ་མ་ཡོད་པ་དང་། བུ་མོ་དེ་ཁོ་རང་དགུང་ན་ལྔ་བཅུ་ང་གཅིག་ལ་སོན་པ་དང་གཟོར་སྐྱེས་པ་ཡིན། ཁོང་གི་ཆེས་བྱམས་ཤོས་དང་རྩ་ཆེ་ཤོས་ཀྱི་མི་དེ་ནི་རང་གི་བུ་མོ་གཅིག་པུ་དེ་ཡིན་ཞིང་། ཁོས་བུ་མོ་དེ་ལ་གཞན་སུས་ཀྱང་མ་ཐུབ་པའི་ལྟ་རྟོགས་ལྷག་མ་ཅི་ཞིག་བྱས་ཡོད་རྒྱུ་རེད་ལབ་ན། རང་གི་བུ་མོ་དེ་ཡིག་རྒྱུགས་གཏོང་མི་དགོས་སའི་སློབ་གྲྭ་ཞིག་ཏུ་མངགས་འདུག རྒྱུ་མཚན་ནི་རང་གི་བུ་མོར་རྒྱུགས་སྤྲོད་ཀྱི་གནོན་ཤུགས་དང་དཀའ་ངལ་མྱོང་བཅུག་འདོད་མེད་པས་རེད། རླབས་ཆེན་གྱི་སྐྱེས་བུ་ཁོང་གིས་གནང་སྟངས་འདི་ལ། དཔྱད་བརྗོད་པ་མང་པོ་ཞིག་གིས་སྒྲུབ་ཕྱོགས་ནས་ལྟ་ཚུལ་བཟུང་འདུག ངོ་མ་ཕྲུ་གུ་ལ་བསམ་བློ་གཏོང་སྟངས་དེ་ཧང་སངས་བ་ཞིག་ཡིན་པ་དང་། དེང་སང་གི་ཕྲུ་གུ་རྣམས་ཀྱིས་མྱོང་བཞིན་པའི་རྒྱུགས་སྤྲོད་ཀྱི་གནོན་ཤུགས་དང་། འཇིགས་སྐྲག་དེ་ནི་བསམ་ཡུལ་ལས་འདས་པ་ཞིག་ཡིན་ལ། དེང་གི་སློབ་ཐོན་པ་དང་སློབ་མ་ཕལ་ཆེ་བ་ལ་རྒྱུགས་སྤྲོད་གནོན་ཤུགས་ཀྱིས་སེམས་ཁམས་ནད་པ་བཟོས་ཡོད་པ་ཞིབ་འཇུག་པ་དག་གིས་བཤད་ཀྱི་ཡོད།
སྤྱིར་རྒྱུགས་སྤྲོད་ནི་གཞུང་དང་སྒྲིག་འཛུག་དག་གིས། དགོས་དབང་ཞིག་གིས་ལས་ཀ་ལྷག་མ་ལྟ་བུ་ཞིག་ཆེད་དུ་བཟོས་བཞག་པ་ལས། མི་སྒེར་གྱི་ཤེས་ཡོན་དང་སློབ་སྦྱོང་ལ་དེ་ཙམ་འབྲེལ་བ་མེད་པ་ལྟར་ཆགས་ཡོད། ད་དུང་འགའ་རེས་ཟེར་ན་རྒྱུགས་སྤྲོད་ཀྱིས་ཤེས་ཡོན་དངོས་ལ་གནོད་ཚུལ་གྱི་བསམ་འཆར་འདོན་མཁན་ཀྱང་དགེ་རྒན་ཆེན་མོ་མང་པོ་ཡོད། ལྷག་པར་ཤེས་ཡོན་སྲིད་ཇུས་ཀྱི་ལམ་ལུགས་དམ་པོ་ཡོད་སའི་རྒྱལ་ཁབ་རེ་ཟུང་གི་ཕྲུ་གུ་རྣམས་ལ། དམིགས་གསལ་ནས་རྒྱུགས་སྤྲོད་ཀྱི་གནོན་ཤུགས་ལྕི་དྲགས་ཚུལ་གྱི་དགག་པ་བརྗོད་མཁན་དེ་བས་ཀྱང་ཤིན་ཏུ་མང་། ཁྱིམ་བདག་ཕ་མ་དང་། དགེ་རྒན། སློབ་གྲྭ། སྲིད་གཞུང་ཀུན་གྱིས་འདིའི་སྐོར་ལ་དེང་སྐབས་བསམ་གཞིག་ནན་མོ་གཏོང་རན་ཡོད་པའི་གནས་ཚུལ་ཞིག་ཆགས་ཡོད། རང་གསོད་དང་། མི་དམངས་ནང་མེ་མདག་རྒྱག་པ། སྨན་རྫས་རིགས་སྤྱོད་པ་སོགས་ཀྱི་སྤྱི་ཚོགས་ཀྱི་དཀའ་རྙོག་མང་པོ་ཞིག་ཀྱང་རྒྱུགས་སྤྲོད་ལམ་ལུགས་དང་འབྲེལ་བ་སྒོ་ཀུན་ནས་མེད་པ་ཡང་ཆགས་མེད།
ང་ཚོ་ལ་དགོས་པ་དང་བརྩོན་ས་ནི་ཤེས་བྱ་དང་ཡོན་ཏན་ཡིན་པ་ལས། གནོན་ཤུགས་དང་མནར་གཅོད་སེམས་ངལ་དེ་ཚོ་ནི་གཏན་ནས་མིན། ཤེས་ཡོན་སློབ་སྦྱོང་ནི་དེ་བས་ཀྱང་འདི་དག་གི་མཚོན་པའི་སྡུག་བསྔལ་དེ་དག་སེལ་ཐབས་སུ་འགྲོ་དགོས་པ་ལས། དཀའ་ངལ་བཟོ་བྱེད་དང་། སྡུག་བསྔལ་འདྲེན་བྱེད་དུ་གྱུར་མི་རུང་། དེ་ལྟར་གྱུར་ན་ཁ་ཟས་དུག་ཏུ་སོང་བ་དང་ཆ་ཡིན། དེ་ཕྱིར་འཇར་པན་དུ་ཉམས་མྱོང་དེ་དག་དངོས་སུ་མངོན་མྱོང་ཐོབ་ནས། འཛིན་རིམ་གང་མཚམས་མཐོན་པོ་ཞིག་ལ་མ་སླེབས་བར་རྒྱུགས་སྤྲོད་མེད་པ་བཟོས་ཡོད་ཚུལ་ཐོས། ང་ཚོ་འགྲོ་བ་མི་འདི་བལྟས་ཚོད་ལ་སྤྱང་གྲུང་དོད་ཤོས་ཀྱི་སེམས་ཅན་གྱི་རིགས་ཤིག་ཡིན་ཡང་། སྐབས་རེར་ནང་ཆོས་ལས་གསུངས་བ་བཞིན་བདེ་བ་འདོད་ཀྱང་བདེ་བའི་རྒྱུ་སྒྲུབ་མི་ཤེས་ཟེར་བ་ལྟར། བདེ་སྐྱིད་ཀྱི་ཆེད་དུ་ཐོབ་པ་ལས་ཀྱང་ཤོར་བ་མང་དྲགས་འགྲོ་མཁན་ཞིག་ཡིན་པས། ངེས་པར་དུ་བདེ་སྐྱིད་ཅི་ཞིག་ལས་ཐོབ་མིན་རང་གི་ཀླད་པའི་ནང་རྩིས་གསལ་བོ་སྐོར་ཐུབ་པ་ཞིག་དགོས་སོ།། ༡༢/༧/༢༠༢༣
སྤང་ལྗོངས།
མ་བཅོས་རང་བྱུང་གི་སྤང་ཐང་།
ཉི་མས་རིང་པོར་བསྲིངས་པའི་གྲིབ་གཟུགས།
རླུང་སྤྲིན་གྱི་འདུ་འགོད་སྐྱེན་པའི་ནམ་མཁའ།
ཆུ་བུར་ལྟ་བའི་འཚོ་གནས་ཀྱི་འགྱུར་བ།
གས་ཆག་སླ་བའི་མིའི་འབྲེལ་ལམ།
ངས་ཡོད་ཚད་བཟོ་བཅོས་མེད་པའི་རང་བཞིན་དངོས་མ་རུ་མཐོང་བྱུང་། https://t.cn/A6tCn4m0
མ་བཅོས་རང་བྱུང་གི་སྤང་ཐང་།
ཉི་མས་རིང་པོར་བསྲིངས་པའི་གྲིབ་གཟུགས།
རླུང་སྤྲིན་གྱི་འདུ་འགོད་སྐྱེན་པའི་ནམ་མཁའ།
ཆུ་བུར་ལྟ་བའི་འཚོ་གནས་ཀྱི་འགྱུར་བ།
གས་ཆག་སླ་བའི་མིའི་འབྲེལ་ལམ།
ངས་ཡོད་ཚད་བཟོ་བཅོས་མེད་པའི་རང་བཞིན་དངོས་མ་རུ་མཐོང་བྱུང་། https://t.cn/A6tCn4m0
✋热门推荐