༄༅། ། མཚོ་སྔོན་དགེ་འོས་སློབ་གྲྭ་ཆེན་མོའི་དགེ་རྒན་ཆེན་མོ་ལྕགས་ཐར་རྒྱལ་གྱི་མི་ལོ་དུ་མའི་རིང་གི་དཔེ་ཀློག་ཟིན་བྲིས་ལ་ཐེངས་གཅིག་མཇལ་བའི་སྐལ་བ་བྱུང་བ་འདིའང་བསོད་ནམས་ཀྱི་མཐུ་ཆེན་པོ་ལས་བྱུང་བ་ནི་ཅི་ལ་མིན།

རེ་འབོད་དང་རེ་སྐུལ །ད་ནི་སྟོང་ལོ་ཉེར་སུམ་རེད་འཛམ་གླིང་དང་སྤྱི་ཚོགས་ཡར་རྒྱས་འགྲོ་བའི་དུས་འདིར ། ཡར་རྒྱས་ཀྱང་གཟིགས་ཅན་དངོས་པོའི་དཔལ་ཡོན་ནི་མིག་ཅན་ལ་ལྟར་སྣང་བས་སྨོས་མེད ། དེ་རིང་ཁ་སང་གི་སྤྱི་ཚོགས་དང་ཁོར་ཡུག་འདི་ཡོད་ཚད་རྒྱུ་དང་དབང་གིས་ཁ་ལོ་བསྒྱུར་ནས་འགྲོ་བཞིན་ཡོད་པའི་སྤྱི་ཚོགས་ཤིག་དང་།གཡོ་དང་སྒྱུ་ཅན་སྤྱང་གྲུང་དང་ཤེས་རབ་ཅན་དུ་རློམ་པའི་དུས་ངན་དང་ཁོར་ཡུག་ཏུ་ཆགས་འདུག
བསམ་པ་དང་ཤེས་རིག་གི་དཔལ་ཡོན་དུས་ཀྱི་འཕོ་འགྱུར་དང་བླ་མའི་ལུང་བསྟན་གང་ལ་ལྟོས་ཀྱང་སྟོང་ལོའི་ན་གཞོན་དག་ལ་སློབ་སྦྱོང་གི་གོ་སྐབས་ཞིག་ཅི་ནས་ཀྱང་སྤྲོད་དགོས་འདུག དེ་ནི་གསར་བའི་ལས་འགུལ་ཞིག་མ་ཡིན་པར་ཉམས་པ་སླར་གསོ་ཞིག་ཡིན་འདུག་་་ 1905ལོར་གདན་རབས་དྲུག་པ་བཀའ་ཆེན་བློ་བཟང་དཔལ་ལྡན་ཚང་གི་སྒྲ་དང་སྙན་ངག་རྩིས་སོགས་རིག་གནས་སྐོར་དང་ལམ་རིམ་སྔགས་རིམ་བསྐྱེད་རྫོགས་དང་ས་ལམ་སོགས་ཀྱི་དཔེ་ཁྲིད་མང་དུ་གནང་བ་དང་།1997ལོར་མཚན་ཉིད་དགོན་གྱི་དགེ་བཤེས་སྐྱོར་དཔོན་ཀླུ་སྒྲུབ་ཉི་མ་གདན་དྲངས་ཏེ་བསེའི་བསྡུས་དང་སུམ་རྟགས་སོགས་ཁྲིད་པ་ལོ་རྒྱུས་ན་གསལ ། བཅའ་ཡིག་ཤེལ་དཀར་གྱི་ཟུར་འདེབས་ལས་“ལམ་བསླབ་པ་གསུམ་གྱི་ཉམས་ལེན་དང་།ལུང་སྡེ་སྣོད་གསུམ་གྱི་འཆད་ཉན་གསང་ཆེན་རྡོ་རྗེ་ཐེག་པའི་བཤད་སྒྲུབ་ཚུལ་བཞིན་བྱས་ཏེ།”ཞེས་གསུངས་པ་ལྟར་རང་དགོན་གྱི་སྒྲིག་ལམ་དང་ཡང་མཐུན་འདུག དུས་རབས་དང་མཐུན་པར་ཤེས་རིག་གི་ལམ་ཁ་ལ་སྙེག་དགོས་པ་ནི་ངེས་དོན་གྱི་རྣམ་དཔྱོད་ཅན་དག་གི་གསུང་ན་ཉི་མ་ལྟར་ཤར་ཡོད་སྟབས་བདག་ལྟ་བུའི་ངལ་བ་བྱས་པ་ལ་དགོས་པ་མེད་་་་རྗེ་ཉིད་ཀྱི་ལུང་བསྟན་གཤམ་དུ་བཀོད་ཡོད་པའི་ནང་དུ་“ཕྱི་མའི་སྤྲུལ་སྐུ་ནི་གངས་ཅན་བཅུ་ཕྲག་རིག་པར་མཁྱེན་དཔྱོད་ཡངས་ཤིང་བསྟན་པ་དང་འགྲོ་བ་ལ་གཅིག་ཏུ་སྨན་པའི་མཆོག་སྤྲུལ་ཉི་གཞོན་གསར་བ་ཞིག་འབྱོན་རྒྱུ་ཡིན་པར་ཐེ་ཚོམ་མེད”ཅེས་གསུང་ལྟར་ད་ལྟ་ནས་མགོ་བཟུང་ནས་ཤེས་ཡོན་གྱི་སློབ་སྦྱོང་དང་མི་གཞིའི་ཀུན་སྤྱོད་གཉིས་ཁ་མི་འབྲལ་རྒྱུ་ནི་གལ་ཆེན་པོ་ཡིན།གལ་ཏེ་མགོ་མ་བཟུང་ན་དྲོང་སྲོང་ཆེན་པོ་གང་གིས་བདེན་ཚིག་མངོན་ཏུ་གྱུར་བའི་སྐལ་བཟང་གི་ཉིན་མོ་སྟེ་ཐུན་མོང་སྣང་ཚོད་ལྟར་ན་གཉིས་སྟོང་ཞེ་གསུམ་ལ་སླེབས་སྐབས་ཁོང་གི་བསམ་བློའི་ཁ་ཕྱོགས་དང་མཐུན་པའི་མཉམ་ལས་པ་སུ་ཞིག་གིས་བྱེད།དད་སོགས་ཡུལ་ལྔ་ལ་མཁས་པའམ་རྗེས་མཐུན་པར་མཁས་པའི་གདུལ་བྱ་སུ་ཞིག་གིས་བྱེད །།

ཅེས་རི་བོང་དགོན་གྱི་གྲལ་མཐར་གཏོགས་པའི་བཙུན་གཟུགས་འཛིན་པ་ཉི་མ་ནས་མལ་ས་མ་བདེ་བར་སྤེལ།དམིགས་གསལ་གཟིར་གནས་རྣམས་ཀྱི་ཐུགས་དང་འགལ་ན་བཟོད་གསོལ་ཞུ་ཞུ།༢༣/༥/༢༠

དབུས་པ་རྣམས་ཀྱིས། དིང་སང་ཨ་མདོ་རིག་པའི་འབྱུང་གནས་ཤིག་ཡིན་གསུངས། ང་ཚོས་ཀྱང་ཡིན་མདོག་ཁ་པོ་བྱས་ནས་བསྡད་པ་ཡིན། ཨ་མདོའི་མི་ལ་ཧུར་བརྩོན་ཆེ་གསུངས་བྱུང་། དེ་ཡང་བདེན་པ་ཡིན་ཁུལ་གྱིས་བསྡད་པ་ཡིན། བསྡད་བཞིན་བསྡད་བཞིན། ཨ་མདོ་པས་ཚོགས་འདུ་སྣ་ཚོགས་སྐོང་ནས་དེང་རབས་བོད་སྐད་ཀྱི་མ་ལག་གསར་སྐྲུན་བྱེད་དགོས་ཟེར། རྒྱ་ཞེས་པའི་ཐ་སྙད་ལ་སྲོག་གསར་བ་བསྣན་ནས་འགྲེལ་བ་གསར་དུ་བསྐྱོན་དགོས་ཟེར། སོག་པོ་བློ་བཟང་རྟ་དབྱངས་ཀྱིས་དུས་རབས་གོང་མར་འགྱུར་བའི་ཆོས་སྣང་ལམ་ཡིག་གསར་དུ་རྙེད་པ་ཡིན་ཟེར། མདོར་ན། ཨ་མདོ་བ་ཚོས་མི་ཟེར་བ་གང་ཡང་མེད། མཛོ་ཁྱུང་དཀར་དང་འབྲི་ཐོལ་མ་རྒྱ་ཡིག་ལ་ཇི་བཞིན་དུ་འགྱུར་དགོས་ཟེར། དོན་གྲུབ་རྒྱལ་བླ་བསང་པོའི་སྙིང་སྟོབས་འཛམ་གླིང་ལ་བསྒྲགས་དགོས་ཟེར། མཚོ་སྔོན་པོའི་མཐའ་འཁོར་ནས་གེ་སར་གྱི་སྣང་བརྙན་ཞིག་བཞེངས་དགོས་ཟེར། རྩོམ་པ་པོ་ཁྱུ་དང་ཁྱུ་བྱས་ནས་ཐམས་ཅད་ལ་ཟོག་མིང་འདོགས་དགོས་ཟེར། སྙན་ངག་པ་ཡིན་ན་རང་གི་ཨ་མ་ལའང་ངོ་ཚ་མི་དགོས་པར་རྡོ་རྗེ་ལག་ཏུ་བཟུང་ནས་གང་སར་རྒྱུགས་ཆོག་ཟེར། སློབ་ཆེན་སློབ་དེབ་ལ་དབུ་ཚད་ས་ལམ་དང་སེམས་སེམས་བྱུང་སོགས་བསྟན་བཅོས་གསར་པ་གང་མགྱོགས་སྒོས་གསར་དུ་རྩོམ་དགོས་ཟེར། དབུས་པ་རྣམས་འཛུམ་དམུལ་དམུལ། ཡ་མཚར་མཚར། ཨ་མདོ་པ། འུར་ཆིལ་ཆིལ་མ་བྱེད་རོགས། ཁུ་སིམ་མེར་ཅུང་ཟད་བཞུགས་དང་ཟེར། — བན་ཤུལ་པས་སེམས་ཚོར་ཙམ་ལས་སུ་གང་ལའང་དམིགས་པ་མེད་ཞུས་པའོ།། [捂脸]