དུས་རབས་དཀྱིལ་མར་བཞེངས་ཤིང་མིའི་བུ་མང་པོས་ཤེས་རིག་གི་བདུད་རྩི་མྱོང་རོལ་བྱ་སའི་ཧྥི་རན་སིའི་དཔེ་མཛོད་ཁང་འདི།ཉེ་ཆར་དེ་གའི་ཁ་ཆེའི་ཇག་ཕྲུག་འགས་ཞུགས་སུ་སྦར་ཚར་ཡོད་འདུག སྔོན་ཆད་འཕགས་ཡུལ་ཀྱི་དཔལ་ན་ལེནྜལ་དང་ཨོ་ཏན་ཏཱ་པུ་རི།བི་ཀྲ་མ་ལ་ཤཱི་ལ་སོགས་གྲགས་ཅན་གྱི་གཙུག་ལག་སྡེ་ཚན་ཐམས་ཅད་ཀྱང་ཁོ་ཚོས་འདི་བཞིན་མེར་བསྲེགས་ཏེ་ཐལ་བ་སྤར་གང་ལ་བསྒྱུར་བ་རེད།མདོར་ན་མིའི་རིགས་ཀྱི་ཚེ་སྲོག་དང་དཔལ་ཡོན་གྱི་གཤེད་དུ་སོང་བའི་ནག་ཚོགས་འདི་ཚོའི་སེམས་གཏིང་གི་རྨོངས་མུན་ལ་དུས་རབས་ཀྱི་འགྱུར་ལྡོག་གི་འོད་སྣང་གིས་འགྱུར་བ་ཨེན་ཙམ་ཡང་གཏོང་ཐུབ་གི་མེད་པ་འདྲ།

ཁམས་ཀྱི་གནས་ཆེན་ཉེར་ལྔའི་ནང་ནས་ཤར་གཉན་པོ་གཡུ་རྩེ།
དེ་ཡང་ཨ་མདོ་དགེ་བཤེས་ཇམ་དཔལ་རོལ་བའི་བློ་གྲོས་ཞལ་ནས།།
སྤྱི་ལྟར་ས་འཛིན་བྲག་རི་གངས་ཅན་ལ།།
ནང་དུ་བཻ་ཌྲ་ས་གཞིའི་ཁོད་སྙོམས་པ།།
གཡུ་ཡི་ར་བ་ཟུར་བཞི་ལོག་བརྒྱད་ལ།།
གསེར་གྱི་སྒོ་མོ་བརྒྱ་ཁྲི་བཞི་སྟོང་གི།
མཛེས་པར་སྤྲས་པའི་ནོར་བུ་ཁྲ་ཚོམས་ཀྱིས།།
པད་མའི་འོད་ཀྱིས་ཉི་ཟླའི་སྣང་བ་འགོག།

༸འཇམ་མགོན་བླ་མ་ཤར་ཙོང་ཁ་པ་ཆེན་པོའི་དྲིན་ཅན་རྩ་བའི་བླ་མ་ཆོས་རྗེ་དོན་གྲུབ་རིན་ཆེན་མཆོག་དཔལ་རྡོ་རྗེ་འཇིགས་བྱེད་ཀྱི་བསྙེན་སྒྲུབ་གནང་ས་སྐུ་འབུམ་ཆུ་དཀར་རི་ཁྲོད་ཀྱི་ཕྱིའི་བཀོད་པ་ངོ་མཚར་དད་ལྡན་ཡིད་ཀྱི་དགའ་ཚལ་ལོ།།