མེ་ཏོག་སད་ཀྱིས་བཅོམས་དུས།།

སྦྲང་མར་ཕྱི་མིག་མེད་སོང་།།

རྟ་ཕོའི་ན་ཚོད་རྒུད་དུས།།

བདག་པོས་ས་མཐར་སྤྱུགས་སོང་།།

དམ་ཚིག་རི་མོ་ཡལ་དུས།།

བྱམས་པ་རྒྱང་ལ་བཞུད་སོང་།།

ཁྲེལ་དང་ཕྱི་ཐག་མ་གླེང་།།

རང་སེམས་སྨྲེང་བའི་གཞི་རེད།།[下雨][蜡烛]

བུད་མེད་ཆ་མེད་ཅིག་གིས་བསྐུར་བའི་འཕྲིན་ཡིག 2

“གལ་ཏེ་ཁྱོད་ཀྱིས་འཕྲིན་ཡིག་འདི་ལག་ཏུ་བཟུང་ཡོད་ཚེ། སྐབས་དེར། ཁྱོད་ཀྱིས་དེ་ནི་འཇིག་རྟེན་འདི་དང་གཏན་དུ་གྱེས་ཟིན་པའི་བུད་མེད་ཅིག་གིས་ཁྱོད་ལ་མོའི་ཚེ་གང་གི་གཏམ་རྒྱུད་བཤད་ཀྱིན་ཡོད་པར་ཉམས་འཇོག་གནང་རོགས། དེ་རུ་མོས་བསམ་ཤེས་པ་ནས་ཚེ་སྲོག་གི་ཆེས་མཐའ་མཇུག་བར་དུ། ཁྱོད་ལ་དབང་བའི་ཁོང་མོའི་ཚེ་གང་གི་གཏམ་རྒྱུད་བཤད་ཡོད། འདས་པོ་ཞིག་ལ་མཚོན་ན་འདོད་འདུན་གཞན་ཅི་ཡང་མེད་པས། མོ་ལ་བརྩེ་དུང་དང་སྙིང་རྗེ། སེམས་གསོ་སོགས་གང་ཡང་མི་དགོས། རེ་བ་ཉག་ཅིག་ཡོད་པ་ནི། ན་ཟུག་གིས་མནར་བའི་སེམས་ཤིག་གིས་འདི་ལྟར་བྲེལ་བྲེལ་འཚབ་འཚུབ་ཀྱིས་སྙིང་གཏམ་ཡོད་ཚད་ཕྱི་རུ་བྱོ་བར་ཡིད་ཆེས་གནང་དགོས་པ་དེ་ཡིན། ཁྱོད་ཀྱིས་ངས་བཤད་པའི་དོན་དག་ཡོད་ཚད་ལ་ཡིད་ཆེས་གནང་རོགས། ང་ལ་འདི་ལས་རེ་བ་ཅི་ཡང་མེད་དེ། ཨ་མ་ཞིག་གིས་རང་གི་འདས་ཟིན་པའི་བུ་གཅིག་པུའི་བེམ་པོའི་གམ་ནས་རྫུན་བཤད་མི་སྲིད།”

དྲངས་རྟགས་“”འདིར་བཀོད་ཡོད་པ་དག་གི་འདོན་མི་བདེ་ས་ནས་རང་འདོད་ཀྱིས་བཅོས་ཡོད།

ཕོ་སྐྱེས་ཐམས་ཅད་དཔའ་བོའི་གྲོགས་སུ་ཤར།། མོ་སྐྱེས་རིགས་མཐུན་རྣམས་ལ་ཞེ་སྡང་བྲལ།། མ་དང་སྲིང་མོ་ལྟ་བུར་གུས་ཤིང་མོས།། འགྲན་སེམས་ཕྲག་དོག་ལོག་ལྟ་བྲལ་བར་ཤོག།