དེང་སང་ང་ཚོའི་ཉེ་འཁོར་གྱི་ཁྱིམ་བདག་ཚོས་བྱིས་པའི་རྒྱུགས་སྐར་ལ་སེམས་ཁྲལ་བྱེད།
དེའི་ཆེད་དུ་བྱིས་པ་དང་ཁ་རྩོད་བྱེད། འཐབ་རྩོད་བྱེད། མྱ་ངན་དང་སྨྲེ་སྔགས་འདོན།
མནའ་མྱི་རྒན་པོ་ཚོས་སློབ་མའི་མི་གཞི་ལ་གདེང་འཇོགས་བྱེད་ཅིང་།
དེ་ལ་སྟོད་སྔགས་བྱེད། གོང་བཀུལ་བྱེད། དེ་ལ་ཆེ་མཐོང་དང་བརྩི་བཀུར་བྱེད།
ཡ་རབས་སྤྱོད་བཟང་ལྡན་པའི་བུ་རྒྱུད་ཅིག་གསོ་སྐྱོང་ཐུབ་པར་ཆེད་དུ་འབད་བརྩོན་བྱེད།

མ་རིག་རྣམ་རྟོག་འདྲེ་མོའ་ིགར་སྟབས་ཀྱི་རྗེས་སུ། །
མི་བདེན་འཁྲུལ་བའི་ཆོས་འདི་ཡོམ་ཡོམ་དུ་གཡོས་པས། །
དེ་རིང་མཐོང་བའི་ཟང་ཟིང་སང་ཉིན་ནི་བརྗེད་དེ།།
 གང་ལ་གཏད་སོ་མེད་པའི་ངང་ཚུལ་འདི་སྐྱོ་བ། །

དགེ་ཆོས།

ངའི་གྲོགས་མོ་ཞིག་ཕ་ཡུལ་ལ་ལོག་དུས་ཁོ་མོས་ང་ལ་ལོའུ་ལི་གཉིས་ལ་ལྟོ་བྱིན་དུ་བཅུག ཉིན་ལྟར་ངས་ཁོ་ཚོའི་ཁྱིམ་དུ་སོང་ནས་ལོའུ་ལི་གཉིས་དང་མཉམ་དུ་དུས་ཚོད་གཅིག་གཉིས་ཙམ་འགོར། ཉིན་རེ་རེ་བཞིན་ངས་སྒོ་ཕྱེ་དུས་ཁོ་གཉིས་ཀྱིས་སྒོ་ཁ་ནས་ང་སྒུག་ཡོད། ངས་ཁོ་ཚོར་ཟས་དང་ཆུ་གསར་པ་བརྗེས་ཚར་རྗེས་ཁོ་གཉིས་ངའི་མཐའ་འཁོར་དུ་ཡར་འཁོར་མར་འཁོར་བྱེད་ནས། ད་གཟོད་ཟ་མ་ཟ་རེད། འམཚམས་མཚམས་ངས་དཔེ་ཆ་ལྟ་དུས་ཁོ་གཉིས་ངའི་དཔེ་ཆའི་སྟེང་དུ་ཉལ་ནས་ང་དང་མཉམ་དུ་རྩེ་འདོད།
ང་འགྲོ་རན་དུས་ཁོ་གཉིས་ཀྱང་སྒོ་ཁར་ཡོང་ནས་ང་དང་ཁ་བྲལ་མི་ཐུབ་བའི་རྣམ་པ་བསྟན། ང་ཡང་སེམས་མི་བདེ་བའི་ཚོར་སྣང་བྱུང་།
སྙིང་རྗེ་བའི་ལོའུ་ལི་གཉིས་ལགས།
མི་ཟེར་བའི་སེམས་ཅན་ང་ཚོས།
བྱམས་སེམས་ཅན་ཡིན་ཟེར་ནས།
རི་སྐྱེས་ཁྱེད་ཚོ་ཁྱིམ་ནང་བཙོན།
རྐང་ལག་བཞིའི་སེན་མོ་བླངས།
ང་ཡང་རང་དོན་གྱི་ཆེད།
ཕྱིར་མི་འགྲོ་ཐབས་མེད་རེད།
ཁྱེད་གཉིས་བདེ་མོ་བྱེད།
སང་ཉི་མ་མ་ཤར་གོང་།
ཁྱེད་གཉིས་ལ་ལྟ་ཡོང་།