བདག་ནི་འདི་ནས་ཚེ་རབས་ཐམས་ཅད་དུ།། བླ་མ་ལྷག་པའི་ལྷ་ཡི་རྗེས་སུ་བཟུང་།། བསླབ་གསུམ་ཡོན་ཏན་རྒྱ་མཚོའི་གཏེར་ལ་དབང་།། བསྟན་འགྲོའི་དོན་ཆེན་འབད་མེད་འགྲུབ་པར་ཤོག

རྒྱལ་ཀུན་ཡབ་གཅིག་འཇམ་དཔལ་དཔའ་བོ་ཉིད།།
བཤེས་གཉེན་ཚུལ་བཟུང་གདུལ་བྱའི་དོན་མཛད་པ།།
མི་ཕམ་ཕྱོགས་ལས་རྣམ་རྒྱལ་གང་དེ་ཡིས།།
སྐྱེ་བའི་ཕྲེང་བ་ཀུན་ཏུ་རྗེས་འཛིན་མཛོད།།

སྔ་འགྱུར་བསྟན་པའི་མངའ་བདག་ཆེན་པོ་མི་ཕམ་ཕྱོགས་ལས་རྣམ་པར་རྒྱལ་བའི་སྡེ་ཆེན་པོ་གང་ཉིད་གཟུགས་སྐུའི་བཀོད་པ་ཆོས་དབྱིངས་སུ་བསྡུས་ནས་བགྲང་བྱ་༡༡༡ ལོན་པའི་ཉིན་མོ།

རིག་སྟོང་འཇམ་དཔལ་གཞོན་ནུའི་བྱིན་རླབས་ལས།།  
དགོངས་པའི་ཀློང་ནས་སྤོབས་པའི་གཏེར་བརྒྱད་གྲོལ།།
ལུང་རྟོགས་ཆོས་མཛོད་རྒྱ་མཚོའི་མངའ་བདག་མཆོག།
ཨ་ཛི་ཏ་བི་ཛ་ཡ་ལ་གསོལ་བ་འདེབས།།[合十][合十][合十]