#.

རྩ་བ་འབུ་ལ་ལོ་མ་རྩྭ།།
ཁུ་བ་ཟད་དང་ལུས་སྟོབས་གསོ།།
དེ་བཞིན་དབྱར་རྩྭ་དགུན་འབུ་ཁྱོད།།
མྱུར་ཏུ་ལག་ལ་འབྱོར་བར་སྨོན།།

རྒྱ་འདྲེ་ཀླ་ཀློའི་ཀུན་དག་པོ།།
བོད་ཀྱི་དབྱར་རྩྭ་ཁ་མིག་སྙེག།
སྲེད་པ་ཆེ་རུང་གོང་མི་སྟེར།།
འདི་ཚོ་སྡང་མིག་ཅིའི་མི་སྟོན།།

མགོ་གཡོག་མགོ་སྐོར་ལས་ཀའི་རིགས།།
ཞུགས་ན་མི་བཟང་འདྲེན་མཆོག་སྨྲས།།
འོན་ཀྱང་དམིགས་གསལ་འདི་འདྲའི་རིགས།།
དགོངས་པ་གནང་བར་མཁྱེན་མཛོད་ཅིག།

བཙོན་དུ་ལུས་པའི་གཅེས་ཕྲུག
སྐར་མར་སྨོན་ནམ་ཟླ་བར་དགའ།
གལ་སྲིད་སྐར་མར་སྨོན་ན།
དོ་དགོང་ཕ་ཡུལ་གྱི་ནམ་མཁའི་མཐོང་དབྱིངས་སུ་སྐར་མ་གསར་བ་ཞིག་བསྣན་ཡོད།
གལ་སྲིད་ཟླ་བར་དགའ་ན།
དོ་དགོང་མི་ཡུལ་གྱི་དབྱར་ཟླའི་བསིལ་ཟེར་དུ་ཞེན་ཆགས་མོད་པོ་ཞིག་འདྲེས་ཡོད།

ཆོས་མཚམས་ཀྱི་དུས་ཚོད་ཉུང་ཙམ་བེད་སྤྱད་དེ་རྗེ་བཙུན་པའི་གྲུབ་བསྡུས་ལ་ཉན་ཀློག་ཅིག་བྱས་པ་ཡིན། ངོས་ནས་སེ་ར་པའི་ཡིག་ཆ་ལ་སྐྱབས་སུ་བསྟེན་མི་དགོས་མོད་སློབ་དཔོན་གྱི་ཟེར་སྒྲོས་ཙམ་ལས་གཞན་ལུགས་ཀྱི་སྡོམ་འཇོག་པའི་དུས་རབས་བརྒལ་ཟིན་ཞིང“ཐོས་པ་བརྒྱ་ལས་མཐོང་བ་གཅིག་མཆོག”ཅེས་པའི་ཚུལ་ལྟར་གཞུང་འདི་ལ་ཉེ་མཇལ་ཞིག་གནང་བ་ཡིན།

ཞོར་དུ་ཆོས་བརྒྱུད་གཞན་གྱི་བློ་ལྡན་དག་གིས་ཀྱང་གྲུབ་མཐའི་རྣམ་གཞག་ཀློག་དུས་ཀུན་མཁྱེན་ཀློང་ཆེན་པའི་གྲུབ་མཐའ་མཛོད་དང་། ཡིད་བཞིན་མཛོད་སྨད། བླ་མ་མི་ཕམ་པའི་གཞུང་སྤྱིའི་དཀའ་གནད་གསུམ་ལ་ཟུར་གཟིགས་གནང་ན་སྔ་འགྱུར་རྙིང་མའི་གྲུབ་མཐའི་རྣམ་གཞག་གི་ཆིངས་དེ་ན་གསལ་ཞེས་པ་ནི་རང་གཞུང་ངོས་སྦྱོར་དང་བཅས་སོ།།