ཕ་ཡུལ།

   དུས་དེ་རིང་།མེས་པོ་བཀའ་དྲིན་ཅན་གྱི་རྐང་ལམ་ཕྲ་མོ་དེ་བརྒལ་ནས་རང་གི་ཚེ་སྲོག་འབུས་སའི་ས་ཆ་དེ་ལ་རྒྱུས་ལོ་བྱས།མི་རེ་རེ་ལ་རང་གི་འཚར་ལོང་བྱུང་ས་དང་རང་ཉིད་སྐྱེས་སའི་གནས་ཞིག་ཡོད་རྒྱུ་རེད།དེ་རིང་ང་ཚོ་མཉམ་དུ་ངས་སྣེ་ཁྲིད་བྱེད་སྟེ་ངའི་ཕ་ཡུལ་གྱི་མཛེས་ལྗོངས་དང་ཡུལ་མིིིིིིི་རྣམས་ལ་མཚམས་འདྲི་བྱེད་འགྲོ།

   ཐང་སྐྱིད།སྙན་ངག་མཁས་པས་དུས་རྒྱུད་བེད་སྤྱོད་བྱེད་བའི་ཐ་སྙད་ཞིག་ཡིན་ན་ཐང་།ཡང་ན་མཛེས་སྡུག་གིས་ཁེངས་ཤིང་མཐའ་མི་མངོན་པའི་རྩྭ་ཐང་ཞིག་ལ་གོ་ཆོག།

  རྫ་ཆུ་དང་སྤང་ཆུའི་རླབས་སྒྲ།བྲག་ངར་གྱིས་འདར་སྒྲ།བསིལ་རླུང་འཇམ་པོ།ཀྲུང་གོའི་བྱང་དམག་དང་མཚུངས་བའི་ལྕམ་ཤིང་དེ་དག་ཅི་འདྲའི་ཡིད་འོད་འཕྲོད།ང་རང་རང་དབང་མེད་པ་ས་ཆ་དེ་ན་ཅུང་ཙམ་འདུག་དགོས་བྱུང་།དེ་ནས་རིམ་གྱིས་སོང་ཚེ་བརྗིད་ཆགས་པའི་ཉི་ཟླ་ལྕགས་རི་དེ་དང་པོ་མིག་ལམ་དུ་མཐོང་ཡོང་།རྒན་པོའི་ངག་རྒྱུད་དུ་ལྕགས་རི་འདི་ནི་ལྷ་སའི་ལྕགས་པོ་རི་ནའི་དར་བ་རེད་བཤད་སྲོལ་ཡོད།རྗེ་བཙུན་འཇམ་དབྱངས་ཀྱིས་རྣམ་སྤྲུལ་བླ་མ་ཡིད་བཞིན་ནོར་བུའི་ཆོས་འཁོར་བསྐོར་སའི་གནས་བྱིན་རླབས་ཅན་རབ་དཀར་ཐང་དེའི་མཛེས་མཉམ་ཡང་མིག་འོད་དགའ་སྟོན་མྱོང་ཆོག།དེའི་ཟུར་ན་བླ་མ་རིག་འཛིན་རྒྱལ་མཚོ་དང་མཆོག་སྤྲུལ་བཀྲ་ཤིས་བསམ་འགྲུསི་སྐུ་བལྟམས་སའི་སྡེ་བ་ཡོད།

    སྤྱིར་ཐང་སྐྱིད་ཞེས་པའི་ཡུལ་འདིར་ཚྭ་ཡར་སྡེ་བ་དང་ཚྭ་མར་སྡེ་བ་ཆེན་པོ་གཉིས་ཡོད་པའི་རྐྱེན་གྱི།ངེད་ཡར་སྡེ་བའི་ཁོར་ཡུག་ལ་མཛེས་མཉམ་ངོ་སྤྲོོད་ཅུང་བྱེད།དབྱར་གསུམ་མེ་ཏོག་གི་དྲི་བསུང་གང་སར་ཁྱབ་ཅིང་།ཁུ་བྱུག་འཇོལ་མོོོས་གསུང་སྐད་རྣ་བ་སྙན་ལ།གནག་ཕྱུགས་ཁྱུ་ཚོགས་དང་རྟ་ཕོའི་འཚེར་སྐད།འོ་ཇའི་དྲི་ཞིམ།རྫབོའི་གླུ་སྐད་སོགས་ནི་གནས་འདིའི་རྒྱན་ཆ་ཞིག་དང་མཚུངས།དགུན་གསུམ་གངས་དཀར་སེང་གེ་དཀར་མོ་ངལ་གསོ་ལ་རོལ་ཤིག།དཔྱིད་ཀྱི་དཔལ་མོ་མགྲོན་ལ་ཕེབས་ཏེ།ཁ་བའི་ས་འཛིན་ཡོངས་པོ་དར་གྱིས་རྒྱན་ཞིང་རང་བྱུང་ཁམས་ལ་དངུལ་དཀར་གྱིས་འཇིག་རྟེན་གསར་པ་བསྐྲུན།འཛམ་གླིང་ཡང་རྩེ་ན་ལྷད་མེད་དག་གཙང་གི་བོོད་མི་སེམས་འདུག་རེ་རེ་སེམས་ལ་ཉར་བཞིན་རྣམ་དག་གི་སྨོན་ལམ་འདེབས་བཞིན་གདའ།ངའི་ཕ་ཡུལ་ལ་དགུན་དུས་ཅུང་འཁྱག།ཡིན་ཡང་དགུན་དུས་སུ་ཕ་མ་སྤུན་ཆེན་ལྷན་ཏུ་འཛོམས་ལོ་གཅིག་གིས་རང་གི་མཉམ་མྱོང་ལ་ཕྱོགས་བསྡོམས་བྱེད།མི་འདང་ས་ལ་ཁ་བསྣོན་དང་ལེགས་འགྲུབ་ཡོང་བའི་དོན་ལ་དགའ་བ་འབུམ་གྱི་བསུ་ནས་དགའ་དགའ་སྐྱིད་སྐྱིད་ངལ་གསོ་ལ་རོལ་བའི་དུས་ཚོད་ཁྱད་པར་བ་ཞིག་ཡིན།ང་རང་དགུན་དུས་ལ་ཧ་ཅང་དགའ།

   མེ་ཏོག་གི་འདབ་མ་སིལ་བུ་ཐོར་ཞིང་།ནོར་འཛིན་སྒེག་མོོོས་སེར་མདོག་གིས་ལྭ་བ་གྱོན་ནས་འཁང་ར་དང་ཕྱོགས་རིས་མེད་པར་འབྱོར་ཕྱུག་གི་བང་མཛོད་ལ་བྱིན་རླབས་ཀྱི་བདུད་བརྩི་གནང་བཞིན་འདུག།སྟོན་དུས་ནིིིིིིིི་ཚབ་ཚབ་འུར་འུར་གྱིས་ཤོར་འགྲོ།

      དཔྱིད་དུས་དག་གཙང་གི་མཁའ་དབུགས་ལ་ཉིི་ཤར་གྱི་རྩེེ་མོ་འཆར་ཏེ།གསར་སྐྱེས་ཀྱི་མྱུ་གུས་ལ་གསོན་ཤུགས་རྒྱས་ཞིང་རྒྱང་རིང་ན་ཡོད་པའི་ཁུ་བྱུག་དང་ཁྲུང་ཁྲུང་ངང་བ་སོགས་གསར་མདོག་གི་ས་གཞི་ལ་ལེགས་སྐྱེས་ཁྱེར་ནས་འབྲུ་དྲུག་གིས་ས་བོན་འདེབས་ཞིག་ཡོད།

    ལང་ཚོང་ལ་རྒས་པར་མེད་པའི་ངའི་ཕ་ཡུལ་གྱིི་བཤད་བསྒྲུབ་སྤྱང་གསུམ་གྱི་བསྟན་པ་དར་ཞིང་ཡུལ་མི་ཡོངས་ཀྱིས་ཅིིིིིིི་བསམ་ཐམས་ཅད་འགེག་མེད་ཡིད་བཞིན་དུ་འགྲུབ་བའི་བཀྲ་ཤིས་བདེ་ལེགས་ཞུ།

དོན་དངོས་སུ་དགེ་ཆོས་ལ་གང་འདྲ་ཞིག་ཡོད་དམ།

ང་ཚོས་དགེ་འདུན་ཆོས་འཕེལ་ཟེར་བའི་མིང་འདི་ཐོས་མ་ཐག་སྐྱ་རིས་སུ་བཞུགས་པའི་དགེ་ཆོས་ལས་ཚོན་མདངས་དང་ཤའི་གཟུགས་སུ་གྲུབ་པའི་དགེ་ཆོས་ཤིག་ཡིད་ངོར་འཆར་མི་ཐུབ་པ་གང་གིས་ཕྱིར། འདི་ལ་འཕྲུལ་མིས་བཟོས་པའི་དགེ་ཆོས་ཟེར།

སྔོན་ཆད་བྱིས་པ་ཡིན་དུས་ཞིག་ལ་ཇིང་གུར་རྒྱལ་བོ་ཞེས་བའི་བརྙན་འཕྲིན་ཞིག་ལ་བལྟས་མྱོང་། ང་ལ་བག་ཆགས་ཟབ་མོ་ཞིག་ཡོད་པ་ནི་ཁོང་གི་དཔའ་རྩལ་དང་བློ་སྟོབས། ཡང་ན་མཛད་འཕྲིན་སོགས་ཡིན་པ་ནི་སྨོས་ག་ལ་དགོས། དེ་ལས་ཀྱང་བག་ཆགས་ཆེས་ཟབ་མོ་ནི་ཡངས་ཤིང་ཆེ་བའི་སོག་པའི་རྩྭ་ཐང་ཆེན་མོ་ཡིན་ཕྱིར།

ད་ཐེངས་སོག་པའི་རྩྭ་ཐང་ལ་རོལ་མྱོང་བྱས་པ་ཡིན་ལ། བག་ཆགས་ལས་བྱུང་བའི་མྱོང་བ་དང་ལྷན་དུ་བདག་གི་ཚོར་དགའ་ནི་ཡངས་ཤིང་ཆེ་བའི་རྩྭ་ཐང་ལས་ཀྱང་རྒྱང་དུ་ཆས་སོ།།