དགའ་ཞེན་ནི་འཚོ་བའི་སེལ་སྨན་ཡིན།ཁྱོད་ལ་དོན་དངོས་ཀྱི་ལྗིད་ཏིག་ཏིག་གི་སྐབས་སུ་ཡང་བའི་ཚོར་བ་སྟེར།མི་ཚེ་ཉམ་ཐག་པའི་སྐབས་སུ་རང་ཉིད་རྩ་ཆེན་ཡིན་པར་འདོད།

बुद्धं शरणं गच्छामि।
བུདྡྷཾ་ཤ་ར་ཎཾ་གཙྪཱ་མི།
སངས་རྒྱས་ལ་སྐྱབས་སུ་མཆིའོ།།
皈依佛

धर्मं शरणं गच्छामि।
དྷརྨཾ་ཤ་ར་ཎཾ་གཙྪཱ་མི།
ཆོས་ལ་སྐྱབས་སུ་མཆིའོ།།
皈依法

संघं शरणं गच्छामि॥
སཾ་གྷཾ་ཤ་ར་ཎཾ་གཙྪཱ་མི།
དགེ་འདུན་ལ་སྐྱབས་སུ་མཆིའོ།།
皈依僧

སྤྲུལ་སྐུ།

ཀ་དག་ཡེ་བྱོན་སྤྲུལ་པའི་སྐུ། །
ཁ་ངག་མཛད་པ་ངན་མི་རུང་། །
ག་བུར་དྲི་མ་ཡལ་བའི་རྗེས། །
ང་ཚོས་སྨན་ལ་སྦྱར་མི་སྲིད། །

ཅ་དག་སློབ་སྦྱོང་ལེགས་མཛད་ནས། །
ཆ་ཚང་མི་ལས་ལྷག་པ་དགོས། །
ཇ་ལྗང་སྣག་ཚ་ནག་པོ་ལ། །
ཉ་གང་ཟླ་བར་སུ་ཡི་འཛིན། །

ཏ་ཐཱ་ག་ཏའི་རིགས་ཡིན་ཀྱང་། །
ཐ་ཆད་མཛད་པ་མཛད་མི་རུང་། །
ད་ལྟའི་སྐྱེ་འགྲོའི་དད་པ་ནི། །
ན་དའི་རྩེ་བཞིན་རབ་ཏུ་ཕྲ། །

པ་ཅར་དངོས་པོ་ཆུང་ངུ་ཡང་། །
ཕ་ཚན་སྤུན་ལའང་་སྦྱིན་མི་བྱ། །
བ་མོ་ལག་མཐིལ་ཙམ་ནག་ན། །
མ་ངེས་པ་ཡིས་ནག་པོར་ཟེར། །

ཙ་བོ་རྗེས་འཇུག་འགྲོ་བ་ཡི། །
ཚ་སྡུག་རྒྱུ་འབྲས་སེལ་བ་དགོས། །
ཛ་རག་དངུལ་གྱི་བུམ་པའི་ནང་། །
ཝ་ལེ་བདུད་རྩི་ཡོད་པའི་དོན། །

ཞྭ་གོས་ཟ་འོག་བཟང་པོའི་ནང་། །
ཟ་ཉལ་གཉིད་ལ་རོལ་མི་རུང་། །
འ་ཆད་འུ་ཐུག་འབུལ་བ་ལས། །
ཡ་མཚན་དཀོར་ནག་གང་ནས་འབྱུང་། །

ར་བ་གཅིག་པའི་དགེ་འདུན་སྡེ། །
ལ་ལ་བསྟོད་སྨད་བྱེད་མི་རུང་། །
ཤ་ཁྲག་ལས་གྲུབ་སྐྱེ་བོ་ཡི། །
ས་སོར་བཤད་པའི་འབྱུང་རྐྱེན་ཡིན། །

ཧ་ཅང་རྒྱུན་ལྡན་མིན་པ་ཡི། །
ཨ་ཅག་ཉེ་སར་ཁྲིད་མི་རུང་། །
ཧ་ལམ་ཙམ་གྱི་མི་ཁས་ཀྱང་། །
ཨ་ཀྲད་བཞིན་དུ་གཡུག་ལ་ལྟོས། །