གཞན་གྱིས་བསྟོད་ཀྱང་རང་སེམས་རང་གིས་ཤེས།།

他人虽赞自心自了知，
ཇི་ལྟར་བསྟོད་ཀྱང་ཇེ་བཟང་ལ་མི་འགྲོ།།

如何称赞亦不更贤善，
གཞན་གྱིས་སྨད་ཀྱང་རང་སེམས་རང་གིས་ཤེས།།

他人虽讥自心自了知，
ཇི་ལྟར་སྨད་ཀྱང་ཇེ་ངན་ལ་མི་འགྲོ།།

如何讥毁亦不更恶劣，
དེས་ན་བསྟོད་སྨད་རེ་དོགས་མི་བྱེད་པར།།

故于赞讥勿患得与失，
བག་ཡངས་འཚོ་བ་སེམས་ཀྱི་བདེ་སྐྱིད་ཡིན།།

宽心度日心之安乐也。

རྗེས་ཕྱོགས་ར་བའི་ནང་གང་དགར་མེ་ཏོག་བཏབ་རྗེས།ཁྱོད་ཀྱིས་ཉིན་རྒྱུན་ལྷོད་ལྷོད་ངང་ཆུ་གཏོར་ཆོག པར་བསྐྱོན་ཆོག ཞིབ་ཏུ་བསྣུབས་ཆོག ས་ལ་འཐོར་བའི་འདབ་མ་དེབ་གྱི་ཤོག་ལྷེར་འཇོག་བསམ་ཡང་། ཡང་ན་རྐང་གཅིག་བཏོག་ནས་གྲོགས་ལ་སྦྱིན་བསམ་ཡང་།ར་བ་དེ་ཁྱེད་ཀྱི་ཡིན་ལ།མེ་ཏོག་དེ་ཡང་ཁྱེད་ཀྱི་ཡིན།

གལ་ཏེ་གནམ་གཤིས་ཀྱི་འགྱུར་ལྡོག་གི་དབང་གིས། གློ་རྡེག་ཏུ་གྲངས་རང་ཆེར་རྒྱས་ཚེ། ངའི་ཁ་པར་འདིའི་པར་མིག་ཡང་འཁྱག་གིས་བསྡམ་པ་བཞིན་ཁག་འདུག་པ་ལས་པར་ལེན་མི་ཐུབ། བརྒྱ་ལ་ཕྱིར་རང་སར་ཚོད་ཐོག་ཏུ་ཐོན་པའི་དུས་ཚོད་རེ་ཡོད་མོད། ཅུང་ཙམ་གྲངས་བ་ལས་མི་དགོས་སླར་ཡང་འཁྱག་གིས་བསྡམས་འགྲོ། གནས་ཚུལ་འདི་འདྲའི་འོག་ཏུ་རང་གི་འདོད་པ་ལྟར་ལྗོངས་རྒྱ་བདེ་མོ་ཞིག་ཀྱང་བྱེད་མི་ཐུབ་ལ། གང་ཞིག་ནས་ཤིན་ཏུ་མཐོང་དཀའ་བའི་དངོས་རྣམ་ངོ་མཚར་བ་རེ་མཐོང་ཡང་ཕངས་སེམས་ཆེན་པོའི་གྱེས་དགོས་ལས་ཐབས་ཅི་ཡང་མི་རྙེད། པར་ལེན་པ་དབུལ་བོ་ཞིག་ལ་མཚོན་ན། ཁ་པར་གྱི་པར་མིག་སྐྱོན་སོང་བ་ནི་རང་གི་མིག་རྡོ་གཉིས་ཐང་ལ་ལྷུང་བ་ལས་ཀྱང་ན་ཟུག་ལྕི་བ་ཞིག་རེད། གལ་ཏེ་མིག་ཞིག་ལ་རང་གི་དགའ་ཕྱོགས་ཀྱི་ཐད་ནས་ཆ་རྐྱེན་འདི་ཙམ་ཡང་མེད་པར་གྱུར་ཚེ། སུ་ཞིག་ལ་ཁག་དཀྲི་བའམ་ལེ་བརྡ་བྱེད་དགོས་སམ།