࿑ གངས་ལྗོངས་སྨན་གྲོང་ནས་ད་ལོ་སྟེ་རབ་གནས་ཆུ་ཡོས་ལོར་དཔལ་ལྡན་རྒྱུད་བཞི་ཧྲིལ་བོ་དུས་གཅིག་ལ་བློ་རྒྱུགས་ཕུལ་མཁན་གྱི་རྩེར་སོན་སློབ་བུ་གཉིས་བྱུང་བ། ཨ་མདོ་མཐོང་སྡེའི་བློ་བཟང་དོན་གྲུབ་དང་། ཁམས་ཡུལ་ཤུལ་ཐུབ་བསྟན་མཚོ་མོ། [鲜花]
གསོ་རིག་རྒྱུད་བཞིའི་གཞུང་ཚད། གཞུང་ཚད། དུམ་བུ། ༤ ལེའུ། ༡༥༦ ཤླཽ་ཀ ། ༦༨༠༢
藏医典籍《四部医典》共：4部、156章、80万字

࿑རྒྱལ་བ་དགེ་འདུན་གྲུབ་ཀྱི་ཞལ་སྔ་ལས། ས་ག་ཞེས་གྲགས་ཧོར་ཟླ་བཞི་བ་ཡི།་དཀར་བོའི་ཕྱོགས་ཀྱི་ཚེས་པ་བརྒྱད་ལ་ནི།།རབ་ཏུ་བྱུང་བའི་དུས་ཆེན་ཡོད་པར་ངེས།། ཞེས་གསུང་པ་ལྟར་དེ་རིང་སངས་རྒྱས་སྐུ་བལྟམས་པ་དང་རབ་ཏུ་བྱུང་བའི་དུས་ཆེན་ཁྱད་པར་ཅན་ཚེས་བརྒྱད་ལ་བསྙེན་རྫོགས་ཀྱི་སྡོམ་པ་མནོས་པའི་རང་དང་སྤུན་གྲོགས་ཚོ་གཙོས་འདུས་འཕགས་ཡོངས་ཀྱིས་ཚེ་ཆོས་མཐར་ཕྱིན་པའི་སྨོན་ལམ་འདེབས་པ་ལགས་སོ།

࿑རྣམ་ཤེས་ལས་ལ་ཞུགས་ཚུལ།

དཔལ་བདེ་མཆོག་འབྱུང་བ་ཞེས་བྱ་བའི་རྒྱུད་ཀྱི་རྒྱལ་བོ་ཆེན་པོ་ལས།

སྔོན་གྱི་དགེ་བ་ལ་ལྟོས་ནས།།

དབང་པོ་རྣོ་འབྲིང་རྟུལ་བོར་འགྱུར།།
དེ་ཕྱིར་སྔོན་གྱི་ལས་ཀྱིས་ནི།། སྐྱེ་དང་འཆི་བ་ཡང་དག་མཐོང་།།

ཚོགས་པ་མ་རྙེད་དེ་སྲིད་དུ།།

ཞག་བདུན་བར་དོའི་སྲིད་པར་གནས།།

སྲིད་པ་བར་དོའི་སེམས་ཅན་ནི།། འགྲོན་པོའི་བགྲིད་པ་ཇི་བཞིན་དུ།།

འདི་ལྟར་ལས་ཀྱི་ཞགས་པ་ཡིས།། འགྲོ་བ་དྲུག་ཏུ་རབ་ཏུ་སྐྱེ།།
ཕ་མའི་ཀུན་ཏུ་སྦྱོར་སོགས་ནི།། སྲིད་པའི་སྐྱེ་བོས་མཐོང་བར་འགྱུར།།

རྟ་ལ་ཞོན་བཞིན་རྣམ་ཤེས་ནི།། རླུང་གི་བཞོན་པ་ཞོན་ནས་སུ།།

སྐད་ཅིག་ཐང་ཅིག་ཉིད་ལ་ནི།། ཤིན་ཏུ་མྱུར་བར་འོངས་གྱུར་ནས།།

ཤུན་དུ་དགའ་དང་བཅས་སྟོབས་ཀྱིས།། ཁ་ཡི་ལམ་ནས་འཇུག་པར་འགྱུར།།
རྩ་ནི་སྟོང་ཕྲག་བདུན་བཅུ་གཉིས།། རབ་བསྐུལ་དེ་ཡི་སྐད་ཅིག་ལ།།

ཨཱ་ལི་ཀཱ་ལི་ཞུ་བྱས་པས།། མཆོག་ཏུ་དགའ་བ་ཡང་དག་འཐོབ།།
ཁུ་བ་ཁྲག་གི་དབུས་སུ་ནི།། ཐུག་ལེའི་གཟུགས་ཀྱིས་ཡང་དག་གནས།།

རྒྱལ་བའི་བཀའ་འགྱུར་རིན་པོ་ཆེ་ཀློག་པ་ལས་ཚུར་དྲངས། ༢༠༢༣-༤-༡༠ཉིན།