༄༅། །སྤྲུལ་སྐུ་དག་ལ་གནང་བའི་སློབ་གཉེར་བསླབ་བྱ།

མཛད་པ་པོ། གུང་ཐང་བསྟན་པའི་སྒྲོན་མེ།

རབ་འབྱམས་རྒྱལ་བ་ཀུན་གྱི་ཡེ་ཤེས་ནི། །
དུས་མཐར་ཐུབ་བསྟན་རྒྱལ་མཚན་བསྒྲེང་བའི་ཕྱིར། །
གསུམ་ལྡན་ངུར་སྨྲིག་འཆང་བའི་རྣམ་རོལ་པ། །
ཡབ་རྗེ་འཇིགས་མེད་དབང་པོའི་ཞབས་ལ་འདུད། །
དམ་པའི་སྐྱེས་བུ་འགའ་ཞིག་མདོ་སྔགས་ཀྱི། །
ལམ་བཟང་སྒྲུབ་ཚུལ་བསླབ་བྱ་དགོས་སོ་ཟེར། །
གཞན་ལ་ཕན་པའི་བསླབ་བྱ་བྱེད་པ་པོ། །
རང་ཉིད་བསམ་ཞིང་རང་ལ་ཡི་མུག་སྐྱེས། །
འདི་ཕྱིའི་སྐྱབས་སུ་བླ་མ་བསྟེན་ན་ཡང་། །
བདེན་ཁ་རང་གིས་བཟུང་བ་ཡིད་རེ་མུག །
དལ་འབྱོར་དོན་ཆེ་རྙེད་དཀའ་ཟེར་བཞིན་དུ། །
དོན་མེད་སྟོང་པར་ཟད་པ་ཡིད་རེ་མུག །
ནོར་རྐུན་མཐོང་ནས་ཤིན་ཏུ་ཟོན་བྱེད་ཀྱང་། །
མི་རྐུན་གཤིན་རྗེའི་ཟོན་མེད་ཡིད་རེ་མུག །
ལྐོག་གྱུར་གནས་ལུགས་འཚོལ་བའི་ཁུལ་བྱེད་ཀྱང་། །
མངོན་འགྱུར་འཆི་བ་མི་མཐོང་ཡིད་རེ་མུག །
ཉེས་སྤྱོད་ཆུ་བོ་ཐུར་དུ་རྒྱུག་བཞིན་དུ། །
བདེ་འགྲོའི་རི་རྩེར་ཕྱིན་འདོད་ཡིད་རེ་མུག །
བདེ་འགྲོར་མ་ཟད་བདེ་བ་ཅན་འདོད་ཀྱང་། །
དམྱལ་བའི་གཏིང་རྡོ་བྱེད་པ་ཡིད་རེ་མུག །
སྐྱིད་སྡུག་འདམ་དབང་ཡོད་ཅིང་ཤེས་བཞིན་དུ། །
ཐར་མེད་བཙོན་རར་འཇུག་པ་ཡིད་རེ་མུག །
གཞན་ལ་འདི་ཕྱིའི་སྐྱབས་འཇུག་ཁས་ལེན་ཡང་། །
རང་ཉིད་གར་འགྲོ་མེད་པ་ཡིད་རེ་མུག །
བསྟན་འཛིན་གོང་མའི་གྲལ་དུ་འཚང་ན་ཡང་། །
བསྟན་པའི་སྒོ་རུ་མ་ཆུད་ཡིད་རེ་མུག །
སྡོམ་གསུམ་ནོར་བུའི་གཏེར་ཁ་ཕྱེ་བ་ལས། །
ཉེས་ལྟུང་རྙོག་ཆུ་རྡོལ་བ་ཡིད་རེ་མུག །
གྲོལ་བ་ཐར་པ་དོན་གཉེར་ཟེར་བཞིན་དུ། །
སྲེད་མཁོས་ཕྱི་ཕྱིར་འཆིང་བ་ཡིད་རེ་མུག །
ཐར་འདོད་སྐྱེས་བུ་ཡིན་པ་གཞིར་བཞག་ལ། །
ཅི་བྱས་འཁོར་བའི་རྒྱུར་སོང་ཡིད་རེ་མུག །
མིག་རྩ་འཁོར་ལ་གཏད་དེ་ཆོག་ཤེས་ཀྱི། །
གདམས་ངག་བྲོ་བའི་ཆོས་བཤད་ཡིད་རེ་མུག །
དཀའ་ཚེགས་ཆེ་ལ་འདི་ཕྱི་གང་དུ་ཡང་། །
ཕན་མེད་ཤྭ་སྡུག་ཁྱི་སྡུག་ཡིད་རེ་མུག །
རྩེ་གཅིག་དད་པའི་རྒྱུ་ནོར་བསགས་བསགས་ཀྱང་། །
འཆི་ཚེ་ཅམ་གྱིས་བསྐྱུར་དགོས་ཡིད་རེ་མུག །
འདི་བས་འདི་དགོས་མང་སྟེ་བཤོལ་བའི་འོས། །
དམ་ཆོས་གཅིག་པུར་བབ་པ་ཡིད་རེ་མུག །
བསྟན་པའི་བྱ་བར་བཏགས་ནས་སྡེ་དགོན་བསྐྱངས། །
ཆགས་སྡང་རུ་མར་སོང་པ་ཡིད་རེ་མུག །
གྲྭ་སློབ་སྦྱིན་བདག་ངན་པ་ཡར་ཐེན་པས། །
རང་ཉིད་ཐུར་དུ་ལྷུང་བ་ཡིད་རེ་མུག །
རྒྱ་ཆེན་གཞུང་ལུགས་ལྟ་བའི་མིག་བགྲད་ནས། །
བླང་དོར་ལག་ནོམ་དགོས་པ་ཡིད་རེ་མུག །
འགྲིག་འགྲིག་ཆོས་གཏམ་བཤད་ཀྱང་སྤྱོད་ཚུལ་ལ། །
བལྟས་ཀྱིན་གྲོགས་ཀྱི་ཞེ་ཁྲེལ་ཡིད་རེ་མུག །
གཡོ་སྒྱུ་འཕྲལ་ལ་གཞན་གྱི་མ་ཤེས་ཀྱང་། །
མཆོག་གསུམ་ཐུགས་ཁྲེལ་འབྱུང་བ་ཡིད་རེ་མུག །
སྙིང་རྗེའི་ཉམས་བཏོད་རང་མཁོ་ཕུགས་སུ་བཅུག །
བྱི་ལའི་འཇམ་སྐད་འདོན་པ་ཡིད་རེ་མུག །
དགེ་སྦྱོར་བྱས་ཀྱིན་སེམས་དང་རྨི་ལྟས་ཚུན། །
ཇེ་ཐུར་ཇེ་ཐུར་འགྲོ་བ་ཡིད་རེ་མུག །
མི་ཚེ་ཆོས་ལ་བསྐྱལ་བའི་མལ་ས་ནས། །
དུད་འགྲོའི་བེམ་པོ་བྱུང་ན་ཡིད་རེ་མུག །
ད་ལྟ་གདེང་ཡོད་ཁུལ་གྱིས་སོས་བདེར་བསྡད། །
འཆི་ཁ་སྡུག་སྨྲས་ཤོར་ན་ཡིད་རེ་མུག །
མདོར་ན་འཁྲུལ་པ་མེད་པ་རྒྱལ་བའི་བཀའ། །
སྔོན་བྱོན་དམ་པའི་གསུང་དང་རྣམ་པར་ཐར། །
འཁོར་འདས་སྐྱོན་ཡོན་གང་གི་སྒོ་ནས་ཀྱང་། །
རང་གི་སེམས་ལ་བལྟས་ན་ཡིད་རེ་མུག །
འོན་ཀྱང་ཁོ་བོ་ད་ལྟ་མི་རྣམས་ཀྱིས། །
དམ་པར་བཀུར་བས་རང་རྒྱུས་ཤེས་བཞིན་དུ། །
སྟོང་འུར་ལང་བས་དམ་པའི་ཁུར་འཛིན་ཅིང་། །
དེ་ཡི་རྫུན་འགེབས་གཡོ་སྒྱུ་ཅི་ཡང་བྱས། །
རང་གི་ངང་ཚུལ་འདི་ཡིས་རྗེས་དཔག་ན། །
སྙིགས་དུས་བླ་སྤྲུལ་དགེ་བའི་བཤེས་གཉེན་དུ། །
གྲགས་པའི་ཁྲོད་ནའང་ཕྱི་ནང་གོ་འཛོལ་བ། །
ང་འདྲ་ཡོད་དམ་སྙམ་དུ་དོགས་པ་སྐྱེས། །
མཆོད་གྲལ་ལྡེར་བཟོ་ལྟ་བུའི་བླ་ཆེན་དང་། །
བཅོས་མའི་མེ་ཏོག་འདྲ་བའི་སྐུ་སྐྱེའི་རིགས། །
མཁས་དང་གྲུབ་པའི་འབག་གྱོན་གར་མཁན་རྣམས། །
གཞན་མགོ་འདོན་པའི་སྔོན་ལ་རང་མགོ་ཐོན། །
ངང་ཚུལ་དྲང་པོར་སྨྲས་པའི་བདེན་གཏམ་འདིས། །
མི་རྣམས་རང་སེམས་ལྟ་བའི་མིག་འདྲེན་དུ། །
སོང་སྟེ་སྐྱོན་ཡོན་བླང་དོར་ངོས་ཟིན་ནས། །
ཆོས་ལ་ཆོས་བཞིན་སྤྱོད་པའི་རྒྱུར་གྱུར་ཅིག །

ཅེས་པ་འདི་ནི་མཁྱེན་རབ་ཀྱི་དབང་ཕྱུག་རྩེ་དབུ་སྤྲུལ་སྐུ་འཇམས་དབྱངས་བཤེས་གཉེན་གྱིས་བསླབ་བྱ་ཞིག་དགོས་ཚུལ་བྱུང་བ་ལྟར་བྲི་བར་བརྩམས་པའི་ཚེ། གཞན་ལ་སློབ་པ་ལ་རང་ཅི་འདྲར་སོང་འདུག་སྙམ་དུ་རྣམ་རྟོག་གི་རྒྱུ་ཚུལ་འདི་འདྲ་ཞིག་བྱུང་བ་ལྟར་གོ་སླའི་ཚུལ་དུ། བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྨྲས་པའོ། །

#微博[超话]# ༄༅། །ཡིན་ཡིན་ཐག་གཅོད་སྔ་བའི་སྔོན་སོ་ན།།
མིན་མིན་འགལ་ཟླའི་དཀའ་ཁག་མང་ལྷག་པས།།
ཡིན་མིན་ཞིབ་འཇུག་བྱེད་པའི་རྣམ་དཔྱོད་འདི།།
མཐའ་མེད་ཡར་རྒྱས་ལམ་དུ་བསྐྱོད་པར་བྱ།།

༄༅།།བདེ་ཆེན་ཞིང་དུ་སྐྱེ་བའི་སྨོན་ལམ་ནི།  极乐浄土祈请文
ཨེ་མ་ཧོཿ
ངོ་མཚར་སངས་རྒྱས་སྣང་བ་མཐའ་ཡས་དང་༔
（稀有难得无量光）
གཡས་སུ་ཇོ་བོ་ཐུགས་རྗེ་ཆེན་པོ་དང་༔
（右有大悲观世音）
གཡོན་དུ་སེམས་དཔའ་མཐུ་ཆེན་ཐོབ་རྣམས་ལ༔
（左为大力大势至）
སངས་རྒྱས་བྱང་སེམས་དཔག་མེད་འཁོར་གྱིས་བསྐོར༔
（无量佛菩萨围绕）
བདེ་སྐྱིད་ངོ་མཚར་དཔག་ཏུ་མེད་པ་ཡི༔
（但有无量之妙乐）
བདེ་བ་ཅན་ཞེས་བྱ་བའི་ཞིང་ཁམས་དེར༔
（此即清净极乐国）
བདག་ནི་འདི་ནས་ཚེ་འཕོས་གྱུར་མ་ཐག༔
（愿我命终随即能）
སྐྱེ་བ་གཞན་གྱིས་བར་མ་ཆོད་པ་རུ༔
（不为他生所阻断）
དེ་རུ་སྐྱེས་ནས་སྣང་མཐའི་ཞལ་མཐོང་ཤོག༔
（生彼亲见弥陀佛）
དེ་སྐད་བདག་གིས་སྨོན་ལམ་བཏབ་པ་འདི༔
（我今如是发愿已）
ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས༔
（十方诸佛及菩萨）
གེགས་མེད་འགྲུབ་པར་བྱིན་གྱིས་བརླབ་ཏུ་གསོལ༔
（加持令无碍成就）
ཏདྱ་ཐཱཿཔཉྩ་དྲི་ཡ་ཨ་ཝ་བོདྷ་ནཱ་ཡེ་སྭཱཧཱ༔