#འཚོ་བའི་གོ་ཐོས།#
༧ སྐྱབས་རྗེ་དབལ་མང་པཎྜི་ཏ་ཆེན་པོའི་ཞལ་སྔ་ནས།

དེ་ཡང་ཀློག་སློབ་པའི་ཐོག་མར་ཀ་ཁ་སློབ་དགོས་པ་ལྟར།
བཀའ་པོད་ལྔའི་བརྡ་དོན་ལ་སྦྱངས་པའི་ཐོག་མར་བསྡུས་གྲྭའི་རིགས་པ་སླ་རིམ་ནས་སྦྱངས་དུ་འཇུག་པ་ནི།
ལས་དང་བོ་བ་རྣམས་གཞུང་དོན་ལ་འཇུག་སླ་བའི་ཐབས་མཁས་གནད་ཆེན་པོ་ཡིན་པར་གོ་དགོས།

བསྡུས་གྲྭ་སྦྱང་པ་ན།
ལྟ་བ་གཏན་ལ་འབེབས་པའི་འགོ་ཚུགས་པ་ཡིན།
ཐ་སྙད་ཚད་གྲུབ་འཇོག་པའི་འགོ་ཚུགས་པ་ཡིན།
བདེན་མེད་དང་བདེན་གྲུབ་སོགས་ཕན་ཚུན་སྤང་འགལ་གྱི་དགག་སྒྲུབ་གཏན་ལ་འབེབས་པའི་འགོ་ཚུགས་པ་ཡིན་གསུངས་སོ།

རྣམ་འགྲེལ་ལེའུ་དང་བོའི་མཐའ་དཔྱོད་ཚད་མའི་འོད་བརྒྱ་འབར་བ་ལས།
བསྡུས་གྲྭའི་ཁས་ལེན་གྱི་རིགས་པ་ནི་བོད་ཀྱི་འཁྲུལ་བ་བརྒྱ་ཕྲག་ཟློག་བྱེད་ཡིན་གསུངས་པ་ནི།
དེ་འདྲའི་ཁས་ལེན་སོང་ཚུལ་གྱི་ཞིབ་ཆ་མ་འདྲེས་པར་ཤེས་པ་གལ་ཆེ་བའི་དོན་དུ་ཤེས་དགོས་སོ།

བསྡུས་གྲྭའི་རིགས་པ་རྣམས་དབུ་མའི་ལྟ་བ་རྙེད་པའི་ཐབས་མཆོག་ཡིན་ཞེས།
༧ འཇམ་པའི་དབྱངས་དཀོན་མཆོག་བསྟན་པའི་སྒྲོན་མེ་དཔལ་བཟང་བོའི་ཞལ་སྔ་ནས་ལས་ཐོས་ཏེ།
རྗེ་ཉིད་ཀྱི་བསྡུས་གཞུང་རིགས་ལམ་འཕྲུལ་གྱི་ལྡེ་མིག་ལས།
ཁྱད་པར་གཞི་དང་མ་འབྲེལ་སྤྱི་ལྡོག་མ།།
རྣམ་པ་གཞི་མེད་སྐྱེས་བུའི་དོན་མིན་ལོ།།
ངེས་བཟུང་མེད་ལ་མེད་ཅེས་སྨྲ་བ་ཡང་།།
མི་རུང་མིང་ཙམ་དབུ་མའི་འཕྲུལ་འདེགས་ཡིན།།
ཞེས་གསུངས་པ་ལྟར་རོ།

འཛིན་མཚམས་མི་རྙེད་པའི་ཚིག་འཁྲི་བ་ཆེ་བ་ནི་དོན་དམ་དཔྱོད་བྱེད་དུ་སོང་ནས།
ཀུན་རྫོབ་མ་རྙེད་པའི་དབང་གིས་ཡིན་ཏེ།
བདེན་གཉིས་ལས།
ཇི་ལྟར་སྣང་བཞིན་དངོས་པོའི་ཕྱིར།།
འདི་ལ་དཔྱོད་པ་མི་འཇུག་གོ།
ཞེས་གསུངས་པ་ལྟར་རོ།
བསྡུས་ཚད་ཀྱི་རིགས་པ་ནི་དབུ་མའི་ལྟ་བ་ཁོ་ནར་མ་ཟད།
ནང་རིག་པའི་གཞུང་དོན་ལ་གལ་ཆེ་བ་ཡིན་ཏེ།
བསྡུས་མཚན་སོགས་ཀྱི་བརྡ་དོན་དང་།
དེའི་སྟེང་ནས་སྒྲུབ་དང་སུན་འབྱིན་ཡང་དག་ལྟར་སྣང་གི་ཁྱད་པར་འབྱེད་མ་ནུས་ན།
གཞུང་ཆེན་མོ་གང་གི་དོན་ལ་རིགས་པ་བཞིའི་སྒོ་ནས་དཔྱད་ཚུལ་ཤེས་དཀའ་བས་སོ།

༄༅།། ཡི་གེ་གང་མང་ཞིག་བྲིས་ནས་བསུབས་ལ་བསུབས་ནས་བྲིས་བྲིས་མཐར་ངས་ཁྱེད་ལ་བརྗོད་འདོད་ཀྱི་སྐད་ཆ་དག་མགྲིན་པར་འགགས་ནས་སྨྲ་བརྗོད་ཀྱི་དབང་བོ་ཉམས་སོང་བ་ཇི་བཞིན་ཅི་ཡང་བཤད་མི་ཐུབ་ལ། ཅི་ཡང་འབྲི་མ་ཕོད་པའི་སྙིང་ཆུང་སྡར་མ་བཞིན་ཡང་ཡང་ཕྱི་ནུར་བྱས། དུས་ད་ལྟ་ཡང་ངས་རླབས་ཆེན་གྱི་མི་བུ་ཁྱེད་ཉིད་ངེད་ཅག་དང་གཏན་དུ་གྱེས་སོང་བ་ལ་ཡིད་ཆེས་བྱེད་དཀའ། ངས་ད་དུང་ཁྱེད་ཀྱི་བརྩམས་ཆོས་ཡོད་ཚད་ལ་ཞལ་མཇལ་གནང་ཚར་མེད། ཁྱེད་ཀྱི་གློག་བརྙན་དག་ལའང་བལྟས་ཚར་མེད། ཁྱེད་ཉིད་འདི་ལྟར་བཞུད་སོང་རྗེས་གཏམ་རྒྱུད་ཀྱི་འཕྲོ་མ་དེ་སུ་ལ་བཤད། བོད་ཀྱི་གཅེས་ཕྲུག་ཟེར་བའི་སྙིང་ཉེ་བའི་མིང་བྱང་དེ་སུ་ལ་འབོད།

རྒྱང་དུ་བཞུད་པའི་སྐར་ཆེན་ལགས། སྐུ་ན་ལྔ་བཅུ་ནི་དུས་ཀྱི་བགྲོད་པ་ལགས་ཀྱི་ཁྱེད་ཉིད་ག་ལ་ཡིན།
#️️️
惋惜一个伟大灵魂的逝去。

ཉིན་འདི་དག་ལ། ངས་མཚམས་མཚམས་སུ་དྲན་ཡོང་བ་ནི། འདས་པོ་ཁོང་གི་སྒྲུང་ཐུང་། ༼གངས༽དང་༼སྙན་ངག་པ་དུར་ཁྲོད་རྗེས་སུ་དྲན་པ༽དེ་གཉིས་རེད། སྔོན་ཆད་སློབ་གྲྭ་ན་ཡོད་དུས། ཚོགས་ཐུན་སྐབས་སུ། སློབ་དེབ་ཀྱིས་ཁོང་གི་བརྩམས་སྒྲུང་དེབ་ལ་ཕྱི་ཐུམ་འདྲ་བ་ཞིག་བྱས་ཏེ་ལྐོག་ལྐོག་སུད་སུད་ཀྱིས་བཀླགས་མྱོང་པའི་ལོ་ཟླ་དེ་དག་རེད། ད་རུང་གློག་བརྙན་༼གཡང་མདའ།༽རེད། ༼དབུགས་ལྒང་༽རེད། ད་ནི་གཏམ་རྒྱུད་ཁྱད་མཚར་པོ་ཤོད་མཁན་གྱི་སྐྱེས་མཆོག་ཁོང་། ང་ཚོ་དང་གྱེས་ཏེ་སླར་ཡང་འོད་ཀྱི་ཀོང་བུར་ཐིམ་སོང་། ཇི་ལྟར་བསམ་ན་དེ་ལྟར་ཕངས་པ་ལ་ཨང་།