དཔའ་མཛངས་ལྡན་པའི་ཤེས་རབ་ཅིག་ཡོད་ན། 
རང་གི་མིག་ཟུང་གིས་བརྟག་དཔྱད་དང་། 
བརྩེ་སེམས་ཀྱིས་གཅེས་སྐྱོང་། 
རྣམ་དཔྱོད་ཀྱིས་བརྡར་ཤ་གཅོད་པའི་མི་ཞིག་བྱེད་པ་ལས། 
གྲིབ་གཟུགས་ཤིག་བྱེད་མི་སྲིད།

一个勇敢而率真的灵魂，
能用自己的眼睛去观察，
用自己的心去爱，
用自己的理智去判断。
不做影子，
而做人。

བཞུགས་པའི་དུས་སུ་རི་ཁའི་སྤྲང་པོ་ཞིག

།
གཤེགས་པའི་རྗེས་སུ་ཆེ་དགུའི་མཆོད་གནས་ཤིག །
ཀུན་ཏུ་འབྲེལ་ཚད་ཐར་ལམ་འདྲེན་པ་ཞིག

།
བྱང་ཕྱོགས་མུན་པ་གསལ་བའི་སྒྲོན་མེ་ཞིག

།

ལུས་ལ་བལྟས་ན་སྙིང་རྗེའི་མིག་ཆུ་འདྲེན།

།
སེམས་ལ་བལྟས་ན་དད་པའི་སྤུ་ལོང་གཡོ།

།
དགའ་སྐྱོ་དུས་གཅིག་འདྲེན་པའི་རྣམ་ཐར་ཅན།

།
ས་སྟེང་གྲུབ་པའི་གཙུག་རྒྱན་ཐོས་པ་དགའ།

།

མི་ཡིས་མཐོང་ན་འཁོས་མེད་འབྱོར་མེད་ཅིག

།
ལྷ་ཡིས་མཐོང་ན་སངས་རྒྱས་གསོན་པོ་ཞིག

།
ཚེ་ལུས་གཅིག་ལ་ཟུང་འཇུག་མཆོག་བརྙེས་པའི། །
སྐྱེས་མཆོག་བཞད་པ་རྡོ་རྗེའི་རྣམ་ཐར་དྲན།

།

ཕྱི་ཡི་མིག་ཟུང་ནང་དུ་འཛུལ་བ་ཞིག

།
ནང་གི་རུས་གོག་ཕྱི་རུ་འབུར་བ་ཞིག།

།
སྤང་ལ་བེ་ཕུར་བཏབ་འདྲ་ཕུག་སྟོང་དུ།

།
གཅེར་བུར་སྒྲུབ་ཚུགས་ཟིན་པའི་རྣམ་ཐར་དྲན།

གངས་རིའི་སུལ་ན་རས་རྐྱང་བླ་གོས་ཅན།

།
བདེ་དྲོད་མེ་ལྟར་འབར་བའི་སྒོམ་ཆེན་ཞིག

།
སྣང་སྲིད་གླུ་རུ་གྱེར་བའི་འཁྲུལ་ཞིག་གི།

།
རྣམ་ཐར་དྲན་ཞིང་དད་པའི་མཆི་མ་བཀུ།

།

བླ་མས་གཟིགས་ན་དབང་རབ་སྣོད་ལྡན་སྟེ།

།
མོས་གུས་ལྟེམ་རྐྱང་མེད་པའི་སློབ་མ་ཞིག

།
སློབ་མས་མཇལ་ན་ཐབས་གྲོལ་དེད་དཔོན་ཏེ།

།
གདམས་ངག་འཛད་པ་མེད་པའི་བླ་མ་ཞིག

།

ས་འཁྱག་རྡོ་འབུར་སྟེང་གི་དབྱུག་བཟུང་ཞིག

།
སྐྱོ་བའི་གླུ་ཆུང་བྲག་ལ་ལེན་པ་ཞིག

།
སངས་རྒྱས་སེམས་ལས་བརྙེད་པའི་རས་པ་ཞིག །
འཁོར་འདས་བར་ལག་དངོས་སུ་གྱེས་པ་མཚར།

།

སྐབས་རེར་བྱ་རྒྱལ་བཞིན་དུ་མཁའ་ལ་ལྡིང་།

།
སྐབས་རེར་གཡག་རའི་ཕུག་ནས་མགུར་དབྱངས་སྒྲོག

།
འཁོར་འདས་སེམས་ལ་དབང་བའི་རྣམ་ཐར་ལ། །
ངུ་མ་རྒོད་ཀྱི་ཚོར་འདུ་འདྲེས་པ་ཞིག

།

འདིར་སྣང་དོར་བའི་བྱ་བཏང་རྒྱལ་པོ་ཞིག

།
མཐོ་དམན་ངོ་སྲུང་བྲལ་བའི་མི་རྒན་ཞིག

།
རྫོང་དྲུག་བྲག་ལ་འཁོར་བའི་རི་དྭགས་ཤིག

།
ཆོས་བརྒྱད་སྒྲོག་ཏུ་ཚུད་དུས་སླར་ཡང་དྲན།

།

ད་ལྟ་མངོན་དགའི་ཞིང་དུ་གཤེགས་པའི་ཤུལ།

།
མཚན་ཙམ་ཐོས་ཀྱང་སྲིད་པའི་སྣང་ཤས་ཀུན།

།
ཟང་ངེ་ཐལ་ལེ་ཧྲུལ་པོར་བྱེད་དོ་ཞེས།

།
བྱིན་རླབས་འགྲན་ཟླ་བྲལ་ཁྱོད་སླར་ཡང་དྲན།

།

སྐྱེ་འཆིའི་བཙོན་ལས་ཐར་བའི་ཤྭ་བ་ཞིག

།
ཆོས་ཉིད་ནམ་འཕང་ཆོད་པའི་རྒོད་པོ་ཞིག

།
སྐུ་བཞིའི་བཙན་ས་ཟིན་པའི་རྣམ་ཐར་དེ།

།
སྡུག་བསྔལ་འདམ་དུ་བྱིང་ཚེ་ལྷག་པར་དྲན།

།

དོན་ཀུན་གྲུབ་པས།

ངས་མི་འདྲི། ཁྱོད་ཀྱིས་མི་བཤད། འདི་ནི་བར་ཐག་རེད།
ངས་དྲིས་ཡོད། ཁྱོད་ཀྱིས་མི་བཤད། འདི་ནི་འགལ་ཟླ་རེད།
ངས་དྲིས་ཡོད། ཁྱོད་ཀྱིས་བཤད་པ་རེད། འདི་ནི་ཡིད་ཆེས་རེད།
ཁྱོད་ཀྱིས་མི་བཤད། ངས་མི་འདྲི། འདི་ནི་མ་གྲོས་གཅིག་མཐུན་རེད།
ངས་མི་འདྲི། ཁྱོད་ཀྱིས་བཤད་པ། འདི་ནི་བརྟེན་ས་ཡིན།