འབྲི་བཞིན་པའི་དགའ་ལྡན་ལྷ་བརྒྱ་མའི་འགྲེལ་བ་ལས་ཟུར་འདོན།

(བསྔོ་བའི་ཡན་ལག་གི་སྐབས།)

ཁྱད་པར་རྗེ་བཙུན་བློ་བཟང་གྲགས་པ་ཡི། །བསྟན་པའི་སྙིང་པོ་རིང་དུ་གསལ་བྱེད་ཤོག །ཅེས་པའི་དོན་ལ། རྗེ་བླ་མའི་བསྟན་པའི་སྙིང་པོ་གསལ་བར་བྱེད་པར་ཤོག་ཅེས་འགྲེལ་ཚུལ་གཅིག་དང་། སྟོན་པ་ཤཱཀྱ་ཐུབ་པའི་བསྟན་པའི་སྙིང་པོར་གྱུར་བ་འཇམ་མགོན་བླ་མའི་རིང་ལུགས་གསལ་བར་བྱེད་པ་ཤོག་ཅེས་འགྲེལ་ཚུལ་གཉིས་ཡོད་པར་མཇལ་མོད། ཕྱི་མ་འདི་ལེགས་པར་མཐོང་སྟེ། རི་བོ་དགེ་ལྡན་པའི་བསྟན་པ་འདི་ནི། རྨད་བྱུང་རྣམ་ཐར་གཙང་མའི་ཁྲིམས་དང་ལྡན། །རླབས་ཆེན་རྒྱལ་སྲས་སྤྱོད་པའི་སྙིང་སྟོབས་ཆེ། །བདེ་སྟོང་མཆོག་གི་རིམ་གཉིས་རྣལ་འབྱོར་སྤྱོད། །བློ་བཟང་རྒྱལ་བའི་བསྟན་དང་མཇལ་བར་ཤོག །ཅེས་གསུངས་པ་ལྟར་རྨད་དུ་བྱུང་བའི་ཚུལ་ཁྲིམས་ཀྱི་རྟེན་ངེས་པར་འབྱུང་བ་དང་། བདག་པས་གཞན་གཅེས་པའི་བྱང་ཆུབ་ཀྱི་སེམས་དང་། སྣང་སྟོང་ཟུང་དུ་འཇུག་པའི་ཟབ་མོ་རྟེན་འབྱུང་གི་ལྟ་བ་སྟེ། རྒྱལ་སྲས་ཀྱི་ལྟ་སྤྱོད་རླབས་པོ་ཆེ་དང་། བདེ་སྟོང་དབྱེར་མི་ཕྱེད་པའི་ཟབ་ལམ་རྡོ་རྗེ་ཐེག་པའི་རྣལ་འབྱོར་བཅས་ལམ་གྱི་གཙོ་བོ་རྣམ་པ་གསུམ་དང་སྔགས་བླ་མེད་ཀྱི་ཉམས་ལེན་རྣམས་གྲུ་བཞི་ལམ་གྱིས་འཁྱེར་ཆོག་ཆོག་གི་བསྟན་པ་གྲུ་བཞི་ལྷམ་མེ་པ་ཞིག་ཡིན་པས། མཉམ་མེད་ཤཱཀྱ་སེང་གེའི་བསྟན་པའི་སྙིང་པོ་ལ་འདི་ལས་གཞན་དུ་ཅི་ཞིག་མཆིས་ཏེ། འདི་ཁོ་ན་ཡིན་ནོ། །

ཡོན་ཏན་སངས་རྒྱས་ཀུན་དང་མཉམ་ན་ཡང་།།
བཀའ་དྲིན་སངས་རྒྱས་ཀུན་ལས་ལྷག་པའི་མགོན།།
དཔལ་མགོན་བླ་མའི་ཞབས་ལ་ཕྱག་བགྱིའོ།།
བདག་སོགས་འགྲོ་བའི་བློ་སྣ་ཆོས་ལ་བསྒྱུར།།

#བུམ་ཆུ་དང་མདུད་པ།སྔགས་མར་སོགས་ལ་ནུས་པ་ཇི་ལྟར་བཞུག
ང་ཚོའི་ཆོས་ལུགས་པའི་ཆོ་ག་དང་སྔགས་བགྲང་ནས་ཆུ་དང་མར། མདུད་པ་སོགས་ལ་བྱིན་རླབས་རྒྱབ་ན་བུམ་ཆུའམ་སྔགས་ཆུ་དང་མདུད་པ། སྔགས་མར་སོགས་ལ་ནད་གདོན་སོགས་སེལ་བའི་ནུས་པའམ་བྱིན་རླབས་ཡོད་པ་དད་པའི་ངོས་ནས་བསམ་ན་ལྟ་ཅི། དེང་གི་ཚན་རིག་པའི་ལག་ཆས་ཚོད་ལྟ་བྱས་ན་ནུས་པ་མངོན་གསལ་དོད་པོ་ཡོད་པ་རེད་འདུག

དཔེར་ན་་དགོན་ནང་ནས་ཆ་གསུམ་སོགས་ཆོ་གའི་སྒོ་ནས་བུམ་ཆུ་བསྒྲུབ་པ་དང་སྔགས་བགྲང་ནས་མར་དང་མདུད་པ་སོགས་ལ་སྔགས་རྒྱབ་ན་གྲོང་གི་ནད་པ་སོགས་ཀྱིས་བཀོལ་ན་ཆུ་མར་མདུད་སོགས་ཀྱིས་བྱིན་རླབས་བཟུང་ཡོད་པས་ཕན་པ་འབྱུང་བ་བྱུང་དང་འབྱུང་ངེས་རེད་དེ། མིག་དབང་གི་སྤྱོད་ཡུལ་དུ་གྱུར་བ་ཚན་རིག་གི་ཚོད་ལྟའི་ལམ་ནས་ཀྱང་རྙེད་རྒྱུ་འདུག ང་ཚོས་ཀྱང་ལ་ལ་ཞིག་ཚན་རིག་གི་ལག་ཆ་བཀོལ་ནས་སྔགས་དང་ཆོ་གའི་བྱིན་རླབས་ཀྱི་ནུས་པ་འཛུབ་མོས་རི་རྩེ་སྟོན་རྒྱུ་ཡོད་པ་བཞིན་བྱས་ན་དེང་གི་མིའི་བསམ་སྤྱོད་དང་མཐུན་པའི་ཆོས་དང་ཆོ་གའི་ནུས་པ་ངོ་སྤྲོད་སྟངས་ཡག་པོ་ཞིག་རེད་བསམ། ཆོས་དང་ཆོ་ག སྔགས་དང་བྱིན་རླབས་ནི་རིག་པ་དང་ཚན་རིག་པས་ཇི་ལྟར་བསད་ན་དེ་ལྟར་རིན་ཐང་ཇེ་ཆེ་དང་ཇེ་ཟབ་ཡིན་པ་ལས་རིན་ཐང་ཉམས་འགྲོ་བ་ཞིག་མིན་པས་རིག་པ་ཞིབ་སར་བབ་ནས་ལུང་དང་རིག་པ། དེང་གི་ཚན་རིག་གི་ལག་ཆས་དཔྱོད་ན་དེ་བས་ཡག་གོ

རང་ཉིད་ལ་ཚོད་ལྟ་བྱེད་བྱེད་ཀྱི་རྒྱུ་ཆའམ་ལག་ཆ་འདང་ན་་་བུམ་ཆུ་དང་སྔགས་མར་སོགས་ལ་བྱིན་རླབས་བཞུགས་ཚུལ་ཚོད་ལྟ་བྱེད་པའི་འདུན་པ་དེབ་འདི་ཀློག་པས་ཇེ་ཆེ་ནས་ཇེ་ཆེེ་གྱུར་སོང་། ཆོས་ཕྱོགས་ནས་ལྟ་ཅི་ཚན་རིག་གིས་ཀྱང་གཙོ་བོ་ཀུན་སློང་ལ་རག་ལས་པར་ངོས་འཛིན་དམ་པོ་བྱེད་ཀྱིན་འདུག་པ་ཚོར། འཇར་མིན་གྱི་ཚན་རིག་པ་ཅང་པིན་ཧྲིན་གྱིས་ཆུ་ཡིས་དྲིས་ལེན་ཤེས་ཅེས་པའི་དེབ་བཀླག་ཞོར།[呲牙][呲牙][呲牙]