#林家谦[超话]# 相關新聞更新
as1.entertainment：
「九成似林家謙」拍拖惹熱烈討論
Serrini強行代答：結婚前都仲係單身
家謙借老友過橋：都係寫返我同Tyson啦

林家謙與Serrini去年分別拿下叱咤樂壇男歌手銀獎及叱咤樂壇我最喜愛的女歌手，今日呢對「樹林世一」以地球冷衫與蝴蝶裙出席在昂坪市集舉行的《2022年度叱咤樂壇流行榜頒獎典禮》記招。

兩人受訪時，Serrini一開口就自稱：「今日我喺林家謙經理人，代佢答晒所有問題。」之後兩人玩得興起，無論家謙答「是」、「嗯」等等，Serrini都即興為家謙演繹答案，Serrini說：「因為佢去咗旅行好耐，已經唔識講廣東話。」

有傳家謙今年成績好，好大機會問鼎男金，但家謙的確很謙地說：「多謝大家睇得起，信心一半半。」而Serrini就對自己爭女金絕對冇信心：「我對今日嘅衣着有啲信心。」

近日有網民純文字討論，稱在旺角一帶遇到「九成似林家謙」拍拖，其他網民又羅列各種證據，言之鑿鑿說其「女友」為前Now TV主播 #呂德琳#（Vicky）。「經理人」Serrini稱拍拖是藝人私隱，遊了一輪花園後，Serrini保護家謙說：「俾人留意情感狀況其實都好大力，因為你身有屎嘅情況都唔想俾人知啦係咪？」她又舉例未結婚前填文件都要剔「單身」，似乎幫倒忙後，家謙只能邊聽邊笑。最終他未有交代感情狀況，只說沒有去過太子、旺角，擇偶條件要似自己戴眼鏡，又說：「大家都係寫返我同Tyson算啦。」

講起 #TysonYoshi#，日前他拍片表示出席活動後食死貓，Serrini估計Tyson心情應該冇受影響：「佢有事會打俾我哋，佢依家都仲未打俾我，我去緊廁所都會聽㗎，呢啲就係友誼嘅象徵。」

【On.cc】陶大宇魔音再現　水撥式跳舞踢走ByeBye肉

以獨門唱腔及「水撥手」舞技將經典舞曲《倒轉地球》注入新生命的陶大宇，創下熱潮，並將富喜感的歌聲及舞步與眾同樂，一眾「陶寶」（陶大宇粉絲專稱）亦期待偶像再有新將作品，一同散播笑聲。陶大宇繼賀年歌後，再有新作，他最近獲消費平台邀拍宣傳消費劵的新歌MV，今日（19日）在社交媒體上架，其突破式歌舞及歡笑聲，可謂震撼樂壇！

大宇對今次錄新歌大呼過癮：「大家都記得我喺《倒轉地球》嘅唱法，不過我同創作團隊講，今次要有突破，所以加咗啲魔性旋律同埋洗腦式唱腔及歌詞落去，令到首歌容易啲上口，希望大家聽一次就識得唱。」為配合MV拍攝，大宇盡顯資深專業演員功架，以不同表情及肢體動作，配合歌詞提到的不同場景故事細節，輕鬆演繹出不同效果與風格，大宇說：「依家個個見到我都叫我示範水撥，個動作幅度其實幾大，真係撥到ByeBye肉都Firm晒，腰都瘦埋，就嚟有腹肌。不過大家鍾意就好，我都好開心。依家MV出咗，大家唔使等到見我真人，睇我水撥式跳舞，睇MV跟住我一齊撥幾多次都得！」

陶大宇魔音再現！

陶大宇話今次會再有突破！

仲勁過《倒轉地球》呀！

陶大宇話做「水撥手」做到ByeBye肉都Firm晒！

#陶大宇[超话]#

藝人陶大宇翻唱《倒轉地球》紅遍內地和香港，其獨特唱腔及自創水撥手勢，令人印象難忘！無綫近日特別找人把該曲重新填上賀年詞，改成賀年歌《今年好笑口》，並邀得笑口常開的薛家燕，率領林淑敏、許家傑、鄭世豪、譚嘉儀、鄭俊弘、滕麗名、呂慧儀、戴祖儀等大堆頭藝人參與。日前，家燕拉大隊到沙田拍MV，還邀得麥秋成排舞，家燕表示：「大家都知呢排大宇嘅《倒轉地球》好hit，我哋唱呢首歌因為個節奏好輕快、開心，歌詞全部都係講恭賀新禧，疫情之下都希望大家開開心心。今次拍MV有十幾個藝人參與，同我一組係《愛．回家之開心速遞》嘅林淑敏、許家傑同鄭世豪，第一次合作大家幾合拍，幾個鐘頭就拍晒。」
對於今次重返舊地拍MV，家燕坦言滿滿回憶：「50年前我喺呢度拍電影，見到佢哋啲牆貼住我當時拍電影啲相，嗰時得十幾歲，我同曾江、胡楓喺呢度拍咗唔少青春電影、歌舞片，拍完都係留喺嗰度食乳鴿，嗰時都好多人嚟食嘢同影相，當一個影星嘅追蹤點，今次嚟到，老闆娘特別嚟招呼我哋，整咗佢哋最出名嘅燒乳鴿，又煲粥畀我哋，仲特別攞咗瑞士好靚嘅植物畀我返屋企種，好似香薰咁，又可以做肥皂，好有心。」而林淑敏則笑指一直渴望與家燕同台唱歌，沒想過今次願望成真：「希望疫情快啲過去，大家可以一齊再熱熱鬧鬧、開開心心。」許家傑就表示：「最緊要身體健康！希望可以同家燕一齊跳十字步！」