གཞུང་ལུགས་དག་ལ་བྱང་བྱས་ཀྱང་།།
ཉམས་སུ་ལེན་པར་མི་བྱེད་ན།།
ལག་ན་སྒྲོན་མེ་ཡོད་ཀྱང་ནི།།
ལོང་བས་ལམ་ནི་མཐོང་མི་འགྱུར།།
虽然精通教理
可却不去实修
就像盲人上路
手握灯有何用

—— དཔལ་མགོན་འཕགས་པ་ཀླུ་སྒྲུབ་ཀྱིས།龙树

࿐ཉིན་ཞག་ཁྲི་ཁྲག་གསུམ་ལྷག་གི་དུས་བཞིའི་འཕོ་འགྱུར་ལ་གདོང་གཏད་དེ། བདེ་སྡུག་གི་འཚོ་བའི་མངར་ཁ་ནས་ནམ་ཡང་ཕམ་མ་མྱོང་བའི་རྒན་རབས་པ། ལོ་རྒན་བརྒྱད་ཅུའི་གཡང་རྟེན་དུ་གྱུར་བ་དག་ནི། རི་སྡེ་ཚོ་གསུམ་ཀུན་གྱི་ཚེ་ནོམ་དུ་གྱུར་འདུག ཁོ་ཚོའི་ངག་ན་མེས་པོ་དག་གི་ལོ་རྒྱུས་ཀྱི་དེབ་ཐེར་རིང་མོ་གཏམ་དུ་ཆས་ཤིང་། ཁོ་ཚོའི་སེམས་ན་དད་འདུན་གྱི་ལྷག་བསམ་དཀར་པོ་འོད་དུ་འཚེར་ཡོད། ཁོ་ཚོ་ཡོད་པས་ང་ཚོའི་དྲི་མ་ཡལ་བའི་སྲོལ་རྒྱུན་གྱི་རིག་གནས་ལ་རིན་ཐང་ལྡན་ཞིང་། ཁོ་ཚོ་ཡོད་པས་ང་ཚོའི་ལྷད་མ་ཞུགས་པའི་གཏན་ཚིགས་ཀྱི་རི་མོ་ལ་ཚོན་མདངས་བཀྲ། ཁྱེད་ཚོ་བཞིན་བུ་རབས་ཚ་རྒྱུད་དག་ལོ་བརྒྱ་འཚོ་བར་ཤོག ཁྱེད་ཚོ་བཞིན་བུ་རབས་ཚ་རྒྱུད་ཚོའི་སྟོན་བརྒྱ་མཐོང་བར་ཤོག

མདོར་ན་ཕྱི་ནང་སྣོད་བཅུད་ཀུན་ལ་བཀྲ་ཤིས་པར་གྱུར་ཅིག

སརྦ་མངྒ་ལཾ།

དགའ་སྐྱོ་ཆུ་བོ་མཉམ་འདྲེས་འཁོར་བ་ཡི་འཕྲང་འདིར།།
དཀའ་སྡུག་ཁུར་བོ་ལྕི་ཡང་མི་འཁུར་ནི་རང་ཁུར།།
ལས་ཀྱི་ཞགས་པས་སྐེ་ནས་བཟུང་བཟུང་དུ་འདུག་པས།།
ལྷ་དབང་བརྒྱ་བྱིན་ཡིན་ཡང་བྱོལ་ས་ནི་མི་འདུག །