༨༡

གཙང་བོ།
བདག་གི་འཚོ་བ་དང་ཟུང་དུ་འབྲེལ་བའི་ཁྱེད་རང་ནི།
ཡུལ་དང་ཡུལ་ཅན་གྱི་ཐ་སྙད་ལས་འདས་པའི་སྟོང་ཉིད་ལྷ་མོའོ།

༨༢

གཙང་བོ།
ཁྱེད་རང་གླེང་རབས་བཤད་ན་ལེའུ་བཅུ་ཡི་སྒྲུང་ཡོད།
ཁྱེད་ལ་གསང་གཏམ་བཤད་ན་ཉིན་ཞགས་སྟོང་གི་གཏམ་རྒྱུད་ཡོད།

༨༣

གཙང་བོ།
ཐ་སྙད་སྤྱི་དང་བྱེ་བྲག་གི་རྣམ་དབྱེ་ཇི་བཞིན།
ཁྱེད་དང་ང་ནི་རྟེན་དང་བརྟེན་འབྱུང་གི་སྒྱུ་འཕྲུལ་ཡིན་ན་དྲན་བྱུང་།

༨༤

གཙང་བོ།
ལར་ཁྱེད་དང་ཉེ་བར་བཅར་བ་ན།
ང་ནི་བདག་པོའི་ལག་ཏུ་ཚུད་པའི་རྐུན་པོ་ཇི་བཞིན།
ཅི་ཞིག་གླེང་ན་མི་བདེ་བར་མགྲིན་པ་འདར་བ་ལ་ཚོད་ཅིག་མི་འདུག

༨༥

གཙང་བོ།
ལོ་ཟླ་བཞིན་ཕར་ཕར་དུ་བཞུད་པའི་ཁྱེད་རང་ནི།
བརྗོད་བྱ་རྗོད་བྱེད་གང་གིས་ཀྱང་ཚབ་མཚོན་མིན་པས།
ཉི་མའི་འཆར་ནུབ་ལས་མངོན་པའི་མཚམས་སྤྲིན་དང་འདྲ་ཨང་།

༨༦

གཙང་བོ།
ཁོ་བོས་དྲན་པའི་གཞུ་མོ་ནང་དུ་བཀུག་ན།
སེམས་ཀྱི་སྐྱིད་སྡུག་བཤད་ས་ཁྱེད་གཅིག་པུ་ལགས་ན།
ངས་ནི་ཁྱེད་རང་སྲས་མོ་ཡེ་ཤེས་ཟླ་བ་མིན་ནམ་སྙམ་བྱུང་།

༨༧

གཙང་བོ།
དྲན་རྟོག་གིས་བཞེངས་བའི་རྨི་ལམ་འདི་རུ།
ཁྱེད་ནི་ཆར་ཆུའི་སླས་མའི་སྒྲུང་གཏམ་སྙན་མོའོ།

༨༨

གཙང་བོ།
རི་བོའི་ཕར་རོལ་དང་།
ཆུ་བོའི་ཚུར་རོལ་གྱི་ཡུལ་ལྗོངས་འདི་ཀོ་ཁ་བས་གཡོག་དུས།
དྲན་པའི་ཕྱི་ནང་ལ་བསུབ་ཏུ་མེད་པའི་ཁྱེད་རང་དྲན་བྱུང་།

༨༩

གཙང་བོ།
ཁྱེད་ཀྱིས་གཟིགས་ཙམ་གནོངས་དང་།
ངས་ཕ་སྐད་མ་ཡིག་གི་མཆོད་སྟེགས་ཐོག་ཏུ།
དབྱངས་གསལ་སོ་བཞིའི་མཆོད་པ་བཤམས་ཡོད།

༩༠

གཙང་བོ།
བདག་གི་མིང་ལ་ཁྱོད་ཀྱི་ཐ་སྙད་ཐོགས་པ་ནས་བཟུང་སྟེ།
ང་ལ་བཀྲ་ཤིས་པའི་རྟགས་མཚན་མང་དུ་བྱུང་བས།
ངས་ནི་གྷེ་རེ་སིའི་མནའ་སྒྲུང་ནང་གི་ལྷ་མོ(尼凯)དེ་དྲན་བྱུང་། །

དེང་གི་དུས་སུ་རྒྱུ་ནོར་དབང་ཐང་མཆིལ་ལུད་བཞིན་འདོར་ཐུབ་མཁན་དང་མི་གཤིས་གཙང་མ་སྲོག་ལྟར་གཅེས་མཁན་དཀོན་པ་ནི་གནས་ལུགས་གོ་ལྡོག་པས་ལན་ནོ།། ཐ་ན་ང་ཚོའི་སེམས་ནང་གི་བླ་ཆེན་རེ་འགའ་ཡང་རྒྱུ་ནོར་དབང་ཐང་གི་མདུན་ནས་རང་གཤིས་འཆོལ་གྱིན་པ་དག་མཐོང་ན་ང་རང་དད་པ་ལས་དད་ལོག་མི་སྐྱེས་རང་སྐྱེས་རེད་ལ། རང་གི་འདོད་ཧམ་ལ་བདག་མི་ཐུབ་པ་ཞིག་གིས་གཞན་གྱི་ཉོན་མོངས་དྲུང་ནས་འབྱིན་ཐུབ་ཟེར་བ་སྐྱག་རྫུན་ཁོ་ནའོ།། དེ་བས་ཉམ་ཆུང་ཞི་དལ་བབ་ཆགས་སྤྱིར་བཏང་གིས་འགྲོ་དོན་བསྐྱངས་མྱོང་བའི་བླ་མ་བདེ་བར་གཤེགས་པ་དག་གི་སྐུ་ཡི་གཟི་བརྗིད་དང་བྱིན་རླབས་བཀའ་དྲིན་རིན་ཐང་གཞལ་དུ་དཔག་ཏུ་མེད་དོ།། ད་ལྟ་ཁོང་ཅག་གི་སྐུ་ཚེ་ནི་རབ་ཏུ་མད་དོ་སྙམ་གྱིན་སྙམ་གྱིན་ཡིད་གདུང་བ་དང་བཅས་དྲན་ཞིང་མིག་མཆི་མ་དཀུ་བར་འགྱེད་དོ།།[合十][合十]

བོད་ཀྱི་སྔོན་བྱོན་ལོ་ཙཱ་པའི་སྐུ་པར་བདམས་བཀོད།2️⃣ཁག་གཉིས་པ།

མཁས་དབང་དགེ་ཆོས་ཀྱིས་སྔོན་བྱོན་ལོ་ཙཱ་བ་རྣམས་ལ་འདི་ལྟར་གདེང་འཇོག་གནང་ཡོད་དེ། “དེ་དུས་ཀྱི་ལོ་ཙཱ་པ་རྣམ་པས་སཾ་སྐྲྀ་ཏ་ཙམ་མ་ཟད། གང་དུ་ཕེབས་སའི་རྒྱ་གར་གྱི་ཡུལ་སོ་སོའི་སྐད་རིགས་ཀྱང་ཕུགས་འཕེར་མཁྱེན་ནས། རྒྱ་གར་པ་མཆོག་དམན་ཐམས་ཅད་ཀྱི་བསམ་ཚུལ་དང་སྤྱོད་ཚུལ་ཚང་མའི་རྟིང་ལོན་ནས་མ་མཐའ་ཚིག་ཕལ་པ་ཡན་ལ་ཞིབ་ཚགས་མཛད་དེ། དེ་ཐོག་བོད་ཀྱི་སྐད་ཡིག་ལ་ཡང་བྱང་ཆུབ་པ་ཞིག་མཛད་དེ་བསྒྱུར་གནང་བ་ཡིན་ཙང་།  འགྱུར་སྤུས་དག་པོ་ཡོང་བའི་རྩ་བ་ཕྱི་ནང་གཉིས་ཀའི་སྐད་ཡིག་ལ་ཐོགས་པ་མེད་པ་ཡོད་པ་དེ་གས་རྒྱུ་བྱས་ནས་བྱུང་བ་རེད།”ཅེས་པའོ།།