༡དཔེ་ཀློག་བྱེད་སྐབས་དོན་གང་ཞིག་གི་ནང་དོན་འདི་འདྲ་ཞིག་ལོས་ཡིན་སྙམ་པའི་ཚོར་བ་བྱུང་ན་གཟོད་གོ་བ་ཟབ་མོ་དེ་ལོན་ཡོད་པའི་རྟགས་ཡིན་ལ།དེ་མིན་འདི་འདྲ་ཞིག་བྲིས་འདུག་བསམ་པ་ལས་གཞན་བསམ་རྒྱུ་གང་ཡང་མེད་ན་གོ་བ་ཡང་དག་མ་ལོན་ནོ།།

༢དཀའ་བས་བསགས་པའི་མང་ཐོས་ནོར་བུ་ཡང་།།
བརྗེད་ངས་རྐུན་པོས་དལ་གྱིས་འཇོམས་བྱས་ཏེ།།
རིན་ཆེན་གླིང་ནས་སྟོང་བར་ལྡོག་སྲིད་པས།།
རྒྱུན་དུ་གོམས་འདྲིས་དྲན་ཤེས་བརྟན་པོ་ཡིས།།
གང་ཤེས་བརྗེད་པ་མེད་པར་སོགས་ཤིག་ཨང་།།

༣དཔེ་ཆ་ཡ་ཟུང་བཀླགས་རྗེས་ཀྱི་ཤེས་པ་ཉག་ཅིག་ནི་ངས་ཅི་ཡང་མི་ཤེས་པ་དེ་རེད་ལ།ཡང་བཀླགས་ཟིན་པའི་དཔེ་ཆ་དེ་ཚོའི་ཟིན་བྲིས་སུ་ཕབ་པ་དག་བསྐྱར་ཀློག་འགའ་མ་བྱས་ན།ཅི་ཡང་མི་ཤེས་པའི་ཤེས་པ་དེ་ཡང་ཅི་ཞིག་ཤེས་ཡོད་མདོག་གི་རང་རློམ་ཁྲོད་ནས་ད་ནི་དངོས་འབྲེལ་ཅི་ཡང་མི་ཤེས་པ་ཞིག་ཏུ་གྱུར་ཉེན་འདུག[上课了][月亮][鲜

༢༠༢༣.༡.༡༦
སེམས་སྐྱོ་བའི་དུས་ལ་

སྙིང་གཏམ་ཚང་མ་མ་བཤད་
ཁ་གཅིག་སྐོམ་པའི་དུས་ལ་

རྫིང་ཆུ་ཚང་མ་མ་འཐུང་
ལས་ལ་འགྱུར་བ་ཡོང་དུས་

འགྱོད་པ་བྱེད་མེད་འདུག་
ལས་ལབརྐོས་པ་ཡིན་པད་

སྔར་ལས་ལྷག་པ་འབད་དང་

-----ཚངས་དབྱངས་རྒྱ་མཚོ་

࿑ ཨུ་དུམ་ཝ་ར་ཞིག་སྲིད་པའི་གངས་རི་རྒལ་བཞིན། གདོད་མའི་གེ་སར་འཚོལ་བཞིན། རང་སེམས་རྫོགས་ལྡན་གྱི་ཀློང་ནས་རྫོགས་མཐའ་མེད་པའི་རྨི་ལམ་གྱིས་སྙོངས་ཏེ། སྲ་བུ་ཕྲ་མོས་ཀྱང་བཀྱིགས་མེད་པའི་འཆར་སྒོ་དང་འབྲེལ་ཏེ། ཁེར་རྐྱང་དང་། ཁེར་སྡོད་ཀྱི་ངང་ནས་རྒྱལ་ཁམས་རིག་པས་བསྐོར། འོན་ཀྱང་། ཟུག་རྔུས་སྨྱོས་པའི་ཤན་པའི་ལྐོག་ཇུས་དེས་བར་སྐོར་གླིང་ནས་ངག་འཁྲོལ་ཐབས་བྲལ་བར་བཟོས། དེ་ནས་བཟུང་། ཨུ་དུམ་ཝ་ར་ཞིག་གི་དྲི་བསུང་རིམ་གྱིས་རྙིད། དེ་ལྟར་གཟུགས་མེད་ཀྱི་གཏུབ་གྲི་སྣ་ཚོགས་ཤིག་གི་འོག་ཏུ་རྐང་ནས་ངག་མི་འཁྲོལ་བ་ཁྱོད་ཀྱིས་ཡངས་པའི་རྩྭ་ཐང་ལ་མིག་ཟུང་ཅེར་ཏེ། ལོ་ཟླ་གང་མང་ཞིག་སྟོང་ཟད་དུ་གྱུར། ཡིན་ནའང་། ལོ་ཟླ་རིམ་གྱིས་འགྲོ་སྐབས་ཁྱོད་ཁོ་ན་འོ་སྐོལ་གྱི་འཇིག་རྟེན་ནས་ང་རྒྱལ་དང་། གཟི་བརྗིད། དྲང་བདེན་ཁོ་ནས་སྙོངས་ཏེ་སླར་ཡང་གསོན། དེ་ནི་ཅི་འདྲའི་སྙིང་དུ་སྡུག་པ་ལ། ང་ཡི་དྲང་སྲོང་། མི་རིགས་ཀྱི་བྱ་བཏང་བ། དོ་རྒོངས་སླར་ཡང་། རྣམ་དཔྱོད་ཀྱི་རྩལ་སྟོབས་འབར་ཞིང་། གཟུར་གནས་ཀྱི་བློ་མིག་རྒྱས་པའི་དཔྱོད་ལྡན་ཁྱེད་ཉིད་དྲན། གསེར་ཕྱེ་སྒྲོ་བ་གང་ལས་རིན་ཐང་མཆིས་པའི་ཉིད་ཀྱི་བཀའ་འབུམ་དག་བཀླགས་དང་། ཀློག་སྐབས་དེ་ལས་ཀྱང་ངོ་། །