ཐ་ན་རྨི་ལམ་གཉིད་དུ་ཡོལ་ན་ཡང་། །
甚至游历沉睡梦境中
བླ་མའི་བྱིན་རླབས་མཆོག་གི་སྣང་བ་དང་། །
师尊殊胜加持亦显现
ནམ་ཡང་འབྲལ་བ་མེད་པས་རྗེས་བཟུང་ནས། །
永不分离慈悲而摄受
རྟག་ཏུ་མགོན་ཁྱེད་དགྱེས་པར་བྱེད་གྱུར་ཅིག །
祈愿永恒怙主汝生喜

༄༅། ། ས་ལ་སྤྱོད་པའི་འོག་མིན་གཉིས་པ་དཔལ་ངོར་དགོན་ཨེ་ཝཾ་པའི་གདན་རབས་དོན་ལྔ་པ་ཆེན་པོ་འཕགས་མཆོག་མིག་མི་འཛུམ་པའི་རྣམ་པར་རོལ་པ་འདུལ་འཛིན་བྱེ་བའི་གཙུག་རྒྱན་ཤར་ཆེན་ཀླུ་ལྡིང་པ་ཆེན་པོ་༸འཇམ་དབྱངས་བསྟན་པའི་ཉི་མ་མཆོག་གིས།

དྲིན་ཆེན་རྩ་བའི་བླ་མ་ཕན་བདེ་མཁན་ཆེན་རྡོ་རྗེ་འཆང་ཆེན་པོ་མཆོག་མི་འཇིགས་གདོང་ལྔའི་བཏེགས་པའི་ངོར་ཆེན་ཁྲི་དམར་ཆེན་མོར་རྡོ་རྗེ་འཆང་གི་རྒྱལ་ཚབ་དམ་པར་ཁྲི་སྟོན་མངའ་གསོལ་སྐབས།

རྟེན་འབྲེལ་དུ་བསྩལ་གནང་བའི་མཛད་པ་འཕྲིན་ལས་མི་ཟད་པའི་ཆོས་དུང་དཀར་པོ་གཡས་སུ་འཁྱིལ་བ།

སྐུ་ཚེ་མི་ཤིགས་པ་མཐའ་ཡས་པའི་བརྡར་འཕགས་མ་ཡིད་བཞིན་འཁོར་ལོའི་སྐུ་རྟེན།

བྱིན་རླབས་ཀྱི་ཚན་ཁ་ཆེ་བའི་ཆོས་གོས་རྣམ་གསུམ་གྱི་མཚོན་པའི་ན་བཟའ་ཆ་ཚང་། ལྷག་པའི་ལྷ་མང་པོའི་བསྙེན་ཕྲེང་བྱིན་ཅན་བཅས་གཙུག་ལག་ཁང་བསམ་འགྲུབ་མཐོང་གྲོང་ཆེན་མོའི་ཡང་སྟེང་གཡབ་ཆེན་ཞིང་ཁམས་རྒྱ་མཚོའི་ནང་དུ་དད་ལྡན་སེར་སྐྱ་ཡོངས་ཀྱི་སྨོན་ལམ་དང་གསོལ་འདེབས་ཕྱག་མཆོད་བསོད་ནམས་ཀྱི་རྟེན་དུ་བཞུགས་སོ་གསོལ་ཡོད།།

ཉི་ཟླ་གླིང་བཞིའི་ཁྲོད་ནས་རྒྱུ་བ་དང་། །
རི་དབང་ཆུ་གཏེར་གོས་དང་མ་བྲལ་བར། །
ཁོར་ཡུག་ས་འཛིན་གནས་པ་དེ་སྲིད་དུ། །
བདག་གི་བླ་མའི་སྐུ་ཚེ་བརྟན་གྱུར་ཅིག །       

མཁས་གྲུབ་ཐམས་ཅད་མཁྱེན་པས།