མཚེའུ་མེ་ལོང་འདྲ་བོ།

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
པོ་ཏ་ལའི་རྩེར་སྤྲིན་དཀར་འཁྱིལ་བ་དང་སྤྲིན་ནག་ཁོལ་བ

རྒྱལ་དར་ལྷབ་ལྷུབ་དུ་གཡོ་ཤིང་རྡེབ་པ་མཐོང་ཐུབ

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
མེས་དབོན་རྣམ་གསུམ་གྱི་རྒྱང་རིང་རྒྱང་རིང་ལ་གཞིག་པའི་ཕུགས་བསམ
མཁན་སློབ་ལོ་པཎ་རྣམས་ཀྱིས་དཀའ་ངལ་དང་ཆོད་སེམས་དྲན་དུ་འཇུག་ཐུབ

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
བཙན་པོ་ཚོའི་རྒྱལ་ཐབས་དང་བློན་ཆེན་རྣམས་ཀྱི་སྙིང་སྟོབས
བོད་དང་བོད་ཆེན་པོའི་སྤུན་སྲིང་ཚོའི་དད་དམ་འགྱུར་མེད་ཀྱི་རང་གཤིས་ཤིག་མཐོང་ཡོང

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
ས་ཕག་རིན་གཙང་གི་མེས་པོ་ཚོའི་སྒམ་ཡངས་དང་རིགས་ཞེན
དགའ་ལྡན་ཁྲི་པ་རིམ་བྱོན་གྱི་མཛད་རྗེས་དང་བྱམས་བརྩེ་ཚོར་ཐུབ

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
མི་ལོ་བདུན་ཅུའི་སྔོན་གྱི་སྐྱ་ཐིང་ཐིང་གི་གསོན་ཉམས་དང ཁྲག་དྲི་ཐུལ་བའི་ལོ་རབས
རིག་འཛིན་ཚངས་དབྱངས་རྒྱ་མཚོའི་ཕུགས་བསམ་ཐོས་ཐུབ

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
ངའི་ཕ་མེས་ཚོས་སྦྲ་ནག་ཕུབ་སྟེ་དུད་པ་སྔོ་བསང་བསང་ཐུལ་བ
རྟ་བརྒྱུགས་ནས་མདའ་འཕངས་ཏེ་དབྱིན་ཇི་བ་ཚོ་དང་ལྷན
རྐང་གྲུག་འགྲན་ཞིང་རྒྱལ་ཁའི་གླུ་དབྱངས་བླངས་པ་རོལ་མྱོང་བྱ་ཐུབ

ཕོ་བྲང་པོ་ཏ་ལའི་མདུན་དུ་མཚེའུ་ཞིག་ཡོད་པ་མེ་ལོང་ཞིག་དང་ཤིན་ཏུ་མཚུངས
རྒྱལ་དབང་བཅུ་གསུམ་པའི་ཐུགས་མདུན་དང་ལུང་ཤར་བའི་གསར་བཏོན
ད་དུང་གཏན་དུ་ཉམས་མི་སྲིད་པའི་སྙིང་སྟོབས་ཀྱི་མེ་ལྕེ་བཞིན་འབར་བ་བྲིས་ཡོད།

2022.12.30

མི་སུ་འདྲ་ཞིག་ཡིན་རུང་རང་ཉིད་ལ་ཡིད་ཆེས་དང་ཧམས་སེམས་ཡོད་ན་ད་བཟོད་དོན་ཆེན་འགྲུབ་པའི་རྒྱུ་ཡིན། ཕུག་འདུན་མེད་པའི་མི་དེ་ནི་རྫ་མ་ཆག་རོ་དང་འདྲ་བར་ནམ་ཡངས་ཟས་མི་ཆགས།

ང་ཁྱོད་གཅེས་འཛིན་ཡིད་ཀྱི་འཁྲི་ཤིང་ཆེར།།
ཉེར་འཁྲུངས་ཕན་སེམས་རིན་ཆེན་ནོར་བུའི་རྒྱན།།
རྟག་ཏུ་སྤྲས་པའི་ན་མཉམ་དགེ་བའི་གྲོགས།།
འདི་ཕྱིའི་ཀྱག་ཀྱོག་ལམ་གྱི་རྟེན་ས་ཡིན།། [月亮]