སྟོང་བའི་ཁམས་སུ་བསྡུས་ཟིན་པ་དེ་དག་ཀྱང་སྟོང་བ་རེད་ལ། ང་རང་ཉིད་ཀྱང་སྟོང་བ་དང་ཡུག་ཅིག་ཏུ་འདྲེས་དོན་ངས་རང་ཉིད་ལ་དྲི་བ་དེའི་མོད་ལ། ངའི་དྲི་ལན་ཞིག་གཏན་ནས་གཏན་དུ་རྙེད་ཐབས་བྲལ།

࿐རིན་ཆེན་རྒྱལ་གྱིས།

࿐དེ་ཡང་བཀའ་ཐང་སྡེ་ལྔ་ལས། རོམ་བུའི་（རོང་བུ）བྲག་ལ་སྨན་གཏེར་སྦས་ཞེས་པ་ནི། ཡར་འབྲོག་རོམ་བུའི་རྩེ་མོ་ལ། ཕ་བོང་སེང་གེ་ཁྱི་ཚུགས་བྱས་པ་ཞིག་ཡོད། དེའི་ནུབ་ན་ཕ་བོང་སྨུག་པོ་འབྲི་ཙམ་པ་ཅིག་ཡོད། དེའི་ལྷོ་ནུབ་ངོས་ན་ཕ་བོང་དཀར་པོ་གཡག་ཙམ་པ་ཅིག་ཡོད། དེ་ནས་གཞུ་འདོམ་དགུ་ལྷོ་ནུབ་ཏུ་བཅལ་བ་ན། རྫ་དམར་པོ་གཅིག་གི་གསེབ་ན། ཕ་བོང་སྨུག་པོ་གཞོང་པ་ཁ་སྦུབ་པ་འདྲ་བ་ཡོད། ཕ་བོང་དེའི་ལྷོ་ནུབ་ངོས་ན་རྒྱ་ཡིག་དཀར་པོ་བདུན་ཡོད། དེའི་འོག་དྲང་པོར་འདོམ་གང་བྲུས་པ་ན། རྡོ་སྒྲོམ་གྱི་ནང་ན་བསེ་ཁ་སྦྱར་ཞིག་ཡོད། དེའི་ནང་ན་བྱང་ཁོག་གི་མན་ངག་མཐར་ཐུག་པ་སྔར་སྟེང་དུ་མ་འཕེལ་བ། ཆུ་དར་སྔོན་པོ་ལ་གསེར་གྱིས་བྲིས་དངུལ་གྱི་འདྲིལ་ཤིང་བྱས་པ་ཡོད། གཏེར་བདག་བདུད་བཙན་ལ་གཏད་ཡོད་པས། བྱ་ཟེ་བོར་དང་སྣས་བརྒྱན་པ་དང་། བཤོས་བུ་དང་ཕུད་ཀྱིས་ཉིན་ལན་གསུམ་མཚན་ལན་གསུམ་དུ་མཆོད། འདོན་པའི་དུས་ནི་སོས་དང་དགུན་ལའོ། ། ཁ་བྱང་མཛོད་ཀྱི་ལྡེ་མིག་རྒྱུད་ལས་ཡར་འབྲོག་རོམ་བུ་བྲག་གི་ལེའུ་སྟེ་ཉེར་གཅིག་པའོ།། །། #ཞེས་གསལ་བ་ཇི་བཞིན་རོང་པོའི་རྫའི་དབུ་རྩེར་སློབ་དཔོན་པད་མ་དབྱུང་གནས་ཀྱིས་སྨན་གཏེར་སྦས་སའི་གནས་ཡུལ་དངོས།# https://t.cn/A6tpLTLP

࿐འཇམ་མགོན་ཆོས་ཀྱི་རྒྱལ་པོ་ཙོང་ཁ་པའི་ཞལ་ནས།

ས་སྟེང་འགྲན་ཟླ་བྲལ་བ་ཆོས་ཀྱི་རྗེ། །
​ཤེས་བྱ་ཀུན་ལ་ཐོགས་མེད་འཇམ་པའི་དབྱངས། །
​གནས་ལྔ་མངོན་དུ་གྱུར་བའི་པཎ་ཌི་ཏ། །
​གངས་ཅན་འགྲོ་བའི་སྐྱབས་གཅིག་ས་སྐྱ་པ། །
​ཉིན་མཚན་ཀུན་ཏུ་གུས་པས་གསོལ་བ་འདེབས། །
ཞེས་གསུངས་སོ།[合十][合十][合十][玫瑰][玫瑰][玫瑰]