སྤྱི་ལོ་ ༢༠༢༢ ཟླ་ ༡༢ ཚེས་ ༨ དང་བོད་ཟླ་༡༠ ཚེས་ ༡༦ ཉིན་ལ་སྙིགས་དུས་བསྟན་པའི་གསལ་བྱེད། ཞྭ་སེར་རིང་ལུགས་འཛིན་པའི་སྲོག་ཤིང་། དགའ་ལྡན་ཁྲི་རབས་ ༡༠༢ པ་བོད་བཙན་པོའི་གདུང་རྒྱུད་གྲུབ་པའི་དབང་ཕྱུག་སྐྱབས་རྗེ་རི་རྫོང་སྲས་དགའ་ལྡན་ཁྲི་ཟུར་ཐུབ་བསྟན་ཉི་མ་མཆོག་གདུལ་བྱ་རྟག་འཛིན་ཅན་རྣམས་ཆོས་ལ་བསྐུལ་ཕྱིར་དགུང་གྲངས ༩༦ སྟེང་རེ་ཞིག་གཟུགས་སྐུའི་བཀོད་པ་ཆོས་དབྱིངས་སུ་ཐིམ་པར་ཡིད་གདུང་དྲག་པོས་མྱ་ངན་ཞུ་བ་དང་ཆབས་ཅིག་མཆེད་གྲོགས་རྣམས་ལ་གསལ་འདེབས་ཚུལ་དུ་དགེའོ།།

༄༅། །གནམ་གྱིས་ས་ཁེབས་པ་ལྟ་བུའི་སྐྱེས་ཆེན་དང་བསྟན་པའི་སྲོག་ཤིང་དུ་གྱུར་པའི་སའི་སྟེང་ན་འགྲན་ཟླ་དང་བྲལ་བ། འུ་ཅག་གི་དཔྲལ་བའི་མིག་དང་ཁོག་པའི་སྙིང་ལྟ་བུའི་རྩ་བའི་བླ་མ་རྣམས་གཅིག་རྗེས་གཉིས་མཐུད་དུ་ཕེབས་སོང་་་

འདི་ནི་བཟོད་ཐབས་བྲལ་བའི་ཡིད་ཕངས་བ་ཅིག་མིན་ནམ་་་་་ གྲོགས་པོ་རྣམས་་་་་ སྙིང་གདོན་གྱིས་བཟུང་བའི་བདག་འདྲ་བའི་སྐྱེ་བོ་དག་ད་དུང་ཅི་ཡང་བྱུང་མ་མྱོང་བའི་ཚུལ་གྱིས་གནས་པ་འདི་ཅི་ཞིག་་་་་་་

ཀྱེ་མ་་་་

འགྲན་ཟླ་བྲལ་བའི་སྐྱབས་གཅིག་བླ་མ་ཁྱེད་ཕེབས་སོང་་་་

ད་ནི་མདོ་སྔགས་ཀྱི་བཀའ་དབང་སུ་ལ་ཞུ་་་་

སྐྱིད་སྡུག་གི་ལུང་བསྟན་སུ་ཡིས་གསུང་་་་

རྟག་འཛིན་ཅན་གྱི་སྣང་ངོར་མི་རྟག་པའི་ཚུལ་གནང་དགོས་པ་བདེན་ཀྱང་་་་་་

ངེད་ཅག་ཆེར་སྙིགས་སེམས་ཅན་རྣམས་སུ་ལ་རེ་་་

ད་དུང་བསྟན་འགྲོ་དཔུང་གཉེན་དུ་མི་བཞུགས་པར་ཞིང་དུ་གཟིགས་པ་བདེན་ནམ་་་་

སྐྱབས་བྲལ་མགོན་མེད་ཀྱི་ལས་ངན་བདག་ཅག་ཐུགས་རྗེས་འདོར་བ་ཕོད་དམ་་་

ཀྱེ་མ་ད་ནི་ཐུགས་རྗེ་ཉེ་རིང་མེད་པའི་ཕ་གཅིག་བླ་མ་དེ་ཕེབས་སོང་་་

འཁོར་བའི་རྒྱ་མཚོ་ལས་དགྲོལ་བའི་དེད་དཔོན་ཆེན་པོ་དེ་བཞུད་སོང་་་

རྨོངས་པའི་མུན་པ་སེལ་བའི་སེམས་ཁོང་གི་ཉི་མ་དེ་ནུབ་སོང་་་

ཉོན་མོངས་ཚ་གདུང་སེལ་བའི་དཀར་གསལ་ཟླ་བ་དེ་ཆས་སོང་་་

ཀྱེ་མ་བཀའ་དྲིན་འཁོར་མེད་ཀྱི་རྩ་བའི་བླ་མ་ལགས་་་་་་་་་་

ངེད་ཅག་ལས་ངན་གདུལ་བྱ་རྣམས་ཀྱི་བསོད་ནམས་ཀྱིས་མ་ཐེག་པར་ཕ་གཅིག་རྡོ་རྗེ་འཆང་ཁྱེད་ད་ནི་ཚེ་འདིར་མཇལ་བའི་སྐལ་བ་མེད་སོང་་་་་

ཕྱི་མར་བདེ་བ་ཆེན་པོའི་ཞིང་དུ་མྱུར་དུ་མཇལ་ནས་ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས་ཤིག་་་་
ཀྱེ་ཀྱེ་་་་་

ད་དུང་ངེད་ཅག་རེ་ལྟོས་སེམས་ཅན་རྣམས་ཐུགས་རྗེའི་ལྕགས་ཀྱུས་མི་འདོར་བར་

ཚེ་འདིར་ཡང་་་

ཡང་སྤྲུལ་གསེར་གྱི་ཉི་གཞོན་ཞིག་མཇལ་ནུས་པར་གསོལ་བ་སྙིང་ནས་འདེབས་སོ།

སློབ་འབངས་ཐ་ཤལ་བ་མཁས་གྲུབ་འགྲན་བྲལ་གྱིས་་་་་

#每日一句藏语[超话]#
དཔེ་གཞུང་གི་སྟེང་དུ་ལངས་ན་བདག་ལྕགས་གྱང་སྐོར་ལས་ཕྱིར་འཕུར་ཐུབ་པ་ཡིན།

ཡི་གེའི་གཤོག་པ་ལ་བརྟེན་ནས་ངས་གནམ་གྱི་མཐའ་ལ་འགྲོ།
I can fly out of this place on the backs of books. I've gone to the end of the world on the wings of words.