࿑དང་པོར་རྒྱ་ཆེན་ཐོས་པ་མང་དུ་བཙལ།།
བར་དུ་གཞུང་ལུགས་ཐམས་ཅད་གདམས་པར་ཤར།།
ཐ་མར་ཉིན་མཚན་ཀུན་ཏུ་མཉམ་སུ་བླངས།།
ཀུན་ཀྱང་བསྟན་པ་རྒྱས་པའི་ཆེས་དུ་བསྔོས།།
ཚུལ་འདི་བསམས་ཤིང་འདུན་མ་ལེགས་ནས་གདའ།།
བཀའ་དྲིན་ཆེའོ་རྗེ་བཙུན་མཁྱེན་པའི་གཏེར།།

<<རྗེ་བདག་ཉིད་ཆེན་པོས།>>
#དུས་ཆེན་མཉམ་རོལ། ##དགའ་ལྡན་ལྔ་མཆོད་ཆེན་མོ།#

࿑ ཁ་དན་ལས་ལ་བྲིས་པའི་འཇིག་རྟེན་གྱི་སྣང་བ། །
བཟུང་ན་འཛིན་ཐབས་བྲལ་བ་འཁོར་བ་ཡི་ཆོས་ཉིད། །
གཏོང་འདོད་ཡེ་ནས་མེད་པ་བདག་འཛིན་གྱི་ངོ་བོ། །
སེམས་ཀྱི་གཞི་ལ་བབས་དུས་མྱ་ངན་གྱི་ཁུར་བོ། །  https://t.cn/Rp7W8xr

༼གལ་ཏེ་ང་ལ་ཉིན་ཐོ་ཞིག་འབྲི་སྲོལ་ཡོད་ན༽
࿑མིའི་རིགས་ཀྱི་རྣམ་རྟོག་གི་འཇུག་པ་མྱུར་བ་དང་གསལ་བ་ལ་སོགས་པའི་དབང་གིས་ཕྱིའི་དངོས་པོ་ཡར་རྒྱས་སུ་ཕྱིན། གོ་ལ་དང་གོ་ལའི་བར་གྱི་འགྲོ་འོང་དེའང་ གདོད་མའི་དུས་ཀྱི་ཁྱིམ་མཚེ་ཕན་ཚུན་བར་གྱི་འགྲོ་འོང་ལྟ་བུར་ཆགས་ཡོད། འོན་ཀྱང་དེ་ཙམ་གྱིས་ང་ཚོའི་སྡུག་བསྔལ་གྱི་ངོ་བོ་ལ་འགྱུར་བ་གང་ཡང་གཏོང་ཐུབ་ཀྱིན་མེད།
ལོ་ངོ་དུ་མའི་སྔོན་གྱི་མཁས་པ་དག་གིས་ སྐབས་དེའི་གནས་སྟངས་ལ་གཞིགས་ནས་གསུངས་པ་དག་ཀྱང་དེ་དགོང་ཁོ་བོ་ལ་བལྟས་ནས་གསུངས་པ་འདྲ་བ་བཞིན་དུ་ སང་ཉིན་ང་དང་ཁྱོད་ལ་བལྟས་ནས་གསུངས་པ་རེད་སྙམ་པའི་སྣང་ཚུལ་ཞིག་འབྱུང་ངེས།

ངས་འདི་ལྟར་བཤད་ཡོང་དུས་ཁྱེད་ཚོ་རྨོངས་སྲིད་པས། དེ་སེལ་བྱེད་དུ་ངས་དཔེ་མཚོན་གཅིག་ཁོ་ན་འདིར་དྲངས་ན།

རྒྱལ་སྲས་ཆེན་པོ་ཞི་བ་ལྷའི་ཞལ་ནས།
࿑བདག་ནི་མལ་ན་འདུག་བཞིན་དུ། །
གཉེན་བཤེས་ཀུན་གྱིས་མཐའ་བསྐོར་ཀྱང་། །
སྲོག་འཆད་པ་ཡི་ཚོར་བ་དག །
བདག་ཉིད་གཅིག་པུས་མྱོང་བར་འགྱུར། །
གཤིན་རྗེའི་ཕོ་ཉས་ཟིན་པ་ལ། །
གཉེན་གྱིས་ཅི་ཕན་བཤེས་ཅི་ཕན། ། ཞེས་གསུངས་པ་བཞིན་ནོ།། གལ་སྲིད་ང་ལ་ཉིན་ཐོ་ཞིག་འབྲི་སྲོལ་ཡོད་ན་འདི་ནི་དེ་རིང་ངའི་ཉིན་ཐོ་ཡི་ཆ་ཤས་ཤིག་ཡིན་པར་ངེས།༢༠༢༢\ ༡༠\ ༢༢\ ཉིན་རྨ་པྲཛྙཱ་ནས།